снепчет – Kurir.mk

Снепчет го преименуваше ОУ „Владислав Рибникар“ по масовниот убиец, училиштето означено како „туристичка атракција“

Ивона Петрова — Fri, 12 May 2023 17:35:38 +0000

На апликацијата „Снепчет“, основното училиште „Владислав Рибникар“, каде неодамна се случи масакр, во кој беа убиени осум ученици и еден чувар, е означено како „туристичка атракција“ на Белград. Имено, на мапата не само што е истакнато училиштето како локација што треба да се посети, туку името на училиштето е означено со Коста К., односно името на 13-годишниот извршител на крвавиот масакр, кој ја зави Србија во црно. Снепчет е бесплатна апликација, особено популарна кај помладата генерација, која има 347 милиони следбеници од втората половина на 2022 година. Главната идеја на апликацијата е да испраќа видеа, фотографии и пораки до корисниците, кои се бришат по неколку минути. Покрај сето горенаведено, преку оваа апликација е можно да ја следите локацијата на вашите пријатели, секако доколку ви дозволат, а цифрата од 4,6 милијарди долари колку апликацијата направила лани, вели многу.

pic.twitter.com/Ve0bYitWrR
— Arsil (@arsagarson) May 12, 2023

Она што загрижува е пропустот на глобално популарната апликација, па училиштето во кое тринаесетгодишникот изврш масовно убиство е означено како „туристичка атракција“.

„Снеп“ ја претстави својата „летачка камера“

Дарко Андоновски — Fri, 29 Apr 2022 10:06:01 +0000

Компанијата „Снеп“, можеби најпозната по апликацијата „Снепчет“, ја претстави својата прва џебна „летачка камера“. Станува збор за „Пикси“, всушност, мал дрон со камера, голем скоро колку просечна дланка. За да го користите уредот, треба да се притисне копче и да се избере еден од седумте режими на летање, по што следи фотографирањето. Претпродажбите, односно нарачките почнуваат на крајот на мај во САД и во Франција, а цената е 230 до 250 долари. Специфичност кај новиот уред е што фотографиите и видеата од дронот ќе бидат преземани во „Снепчет меморис“, каде што корисниците ќе можат да складираат и содржини за подоцнежна употреба. „Снеп“ лани ги претстави и АР-очилата наречени „Спектаклс“, кои им овозможуваат на корисниците „да пренесуваат“ дигитални фотографии „пред себеси“. На пазарот има и слични производи кои се и поевтини, на пример „Ер нео“ на Ер-селфи“ што чини 150 долари. Новиот уред е водоотпорен, но може да има проблеми со посилни ветрови. Колку траат батериите засега не е точно познато, но според упатените, би требало да траат пет до осум летови. Дронот „Пикси“ нуди 16 гигабајти меморија и може да складира до 1.000 фотографии или 100 видеа најмногу. Тежи 101 грам и снима видео со резолуција од 12 мегапиксели. Првичните снимки немаат звук, но тоа, како и други ефекти може да се уредат преку „Снепчет“ потоа. „Снепчет“ месечно има повеќе од 600 милиони активни корисници и над 330 милиони активни корисници дневно ширум светот.

Апликација спаси киднапирано девојче: Преживеало пекол

Ивана Ефремовски — Sat, 18 Jan 2020 11:37:20 +0000

Четиринаесетгодишно девојче, кое беше киднапирано од страна на тројца мажи во Северна Калифорнија, е спасено со помош на социјалната мрежа Снепчет. Полицијата соопшти дека педесетгодишниот Алберт Томас Васкез го онеспособил девојчето со помош на супстанци, а потоа ги повикал своите пријатели да му помогнат да ја внесе во автомобил. Според тврдењата, Васкез потоа сексуално го злоупотребил девојчето во автомобилот, а потоа ја одвеле во мотел во Сан Хозе каде повторно ја злоупотребил. Девојчето сепак успеало преку социјалната мрежа Снепчет да ги извести своите пријатели дека е киднапирана и да им ја испрати својата локација. Нејзините пријатели повикале полиција, а Васкез е уапсен поради киднапирање со намера да силува дете, лажно претставување и силување со употреба на супстанци. Неговите соучесници се обвинети за киднапирање и завера. Снепчет овозможува комуникација помеѓу корисниците, праќање фотографии и видео записи, а може и да се сподели локација. (МИА)

Снепчет обвинува дека правилата на ЕУ за лични податоци се во корист на Гугл и Фејсбук

Дарко Андоновски — Tue, 14 May 2019 14:28:56 +0000

Сопственикот на социјалната мрежа Снепчет, Иван Шпигел, обвини дека правилата за заштита на личните податоци на ЕУ, кои стапија во сила пред една година, всушност им одат во прилог на дигиталните гиганти Гугл и Фејсбук. Оваа порака Шпигел им ја упати на европските регулатори и предупредува дека правилата можат да бидат контрапродуктивни. – Мислам дека некои од регулативите, како ГДПР на пример, можат на крајот да ги засилат позициите на големите актери, тврди Шпигел. ГДПР или Регулативата за заштита на личните податоци на ЕУ има за цел да го направи пристапот до дигиталните платформи потранспарентен и да им даде поголема контрола на корисниците врз нивните лични податоци на интернет. Според извршниот директор на Снепчет, оваа Регулатива ќе ги натера малите компании да се свртат кон гигантите. – Ќе биде многу тешко за малите што сакаат да рекламираат на нивниот веб сајт затоа што не се доволно силни, немаат огромна рекламна платформа како Гугл и Фејсбук, а ако го направите тоа всушност ќе треба да им кажете на вашите клиенти дека им ги продавате податоците на Гугл и Фејсбук, изјави Шпигел. Снепчет е популарна апликација кај тинејџерите, што им овозможува ефемерно споделување на слики и видеа. Иако има 190 милиони дневни корисници, таа работи со загуба.

Ѕвездата со само еден твит предизвика штета од 1,3 милијарди долари

Ивана Ефремовски — Fri, 23 Feb 2018 17:49:49 +0000

Само еден твит на ријалити ѕвездата Кајли Џенер за социјалната мрежа „Снепчет“ предизвика пад од 1,3 милијарди долари или осум отсто од вредноста на акциите на оваа компанија. - Отвара ли некој воопшто „Снепчет“ или само јас... ова е навистина тажно, напиша на „Твитер“ полусестрата на Ким Кардашијан. Нејзината порака се однесува на редизајнот, кој неодамна го воведе „Снепчет“, а на многу корисници не им се допадна.