снешко – Kurir.mk

Правењето снешко согорува 300 калории и ги зајакнува мускулите

Ивона Петрова — Wed, 04 Jan 2023 09:49:39 +0000

За да се направи снешко, потребно е да се потрошат околу 300 калории, според стручњакот-соработникот на Одделот за здравство во Москва, Андреј Тјажелников, кој го препорачува тоа за слабеење, а и за зајакнување на мускулите. – Долгата и снежна зима има свои традиции. Правењето снешко е една од нив. Овие занимливи потфати се прикажани дури и на многу слики од познати уметници од различни времиња. Ги има насекаде во дворовите и игралиштата, штом падне доволно снег… Снешкото, патем, согорува околу 300 калории, а ги вежба и мускулите на грбот и рацете. На крајот на краиштата, тркалањето снежни топки бара енергично движење во топла облека. Значи, колку повеќе снешковци, толку повеќе калории се согоруваат!, рече Тјажелников. Според неговите совети, може да се изберат и други активности за минување повеќе време со семејството, како џогирање или едноставно одење со скии, што е добро за целото тело. Дури и едноставна прошетка низ парк или низ убаво украсениот град, носи здравствени придобивки. – Посетата на изложби и музеи е исто така енергична. Гледајќи слики и експонати, може да акумулирате илјадници чекори. Големата придобивка од сите зимски активности не е само во вежбање на мускулите и согорување на калории, туку и производство на хормонот на радоста – серотонин, којшто е многу корисен за здравјето, додаде Тјажелников. Докторот смета дека и санкањето помага и во согорувањето калории, покрај тоа што е и здрава кардиовежба. Но, препорачува внимателност, оти статистиката за оваа активност покажува висока стапка на повреди.

Тестирајте ја сопствената концентрација: Меѓу снежни топки и снегулки, дали ќе го пронајдете Снешко? (ФОТО)

Ивана Ефремовски — Mon, 17 Dec 2018 15:01:48 +0000

Со оваа загатка ќе го размрдате мозокот и способноста за концентрација, а најмногу моќта за забележување детали. На илустрацијата полна со снегулки и снежни топчиња, има скриено и еден мал Снешко кој вие треба да го пронајдете. Колку брзо ќе успеете да го забележите? Погледнете ја добро фотоградијата. Одговорот ви го даваме во продолжение, но не ѕиркајте пред да се обидете сами да го најдете Снешко.

Од детска игра до избегната трагедија: Приведени откако направиле Снешко, дознајте зошто

Ивана Ефремовски — Mon, 01 Jan 2018 11:52:26 +0000

Во градот Мајтинген во германската покраина Баварска четворица тинејџери, на возраст од 16 до 18 години, сред улица направија два снешковци, но набрзо се приведени во полиција затоа што така предизвикале несреќа. Двајца возачи не ги забележале снешковците и настојувајќи да ги избегнат, се судриле, но освен снешкото никој не е повреден. Се наведува дека момчињата направиле два снешковци, но бидејќи ја виделе несреќата, го растуриле другиот, но отисоците од чизмите ги издале. Полицијата ги привела и размислува да ги обвини за тешко кршење на безбедноста во сообраќајот.