Караџовска разочарана и гневна на Заев, Филипче и Дончев: „Сите ми честитавте нов живот, а операцијата ја пропуштив, нека престане оваа тортура“

Дарко Андоновски — Mon, 21 Oct 2019 14:00:56 +0000

Снежана Караџовска од Скопје, која пред скоро три години настрада во тешка сообраќајна несреќа во Турција при судир на туристички автобус од Македонија и турски камион, остана без нозе. На јавноста и е позната по неколкуте јавни обраќања преку медиумите до власта, како и отвореното писмо кое пред неколку месеци му го напиша на Зоран Заев. Денеска таа на својот Фејсбук профил напиша дури и дека е разочарана и гневна од Заев бидејќи и ветил ветување кое не било реализирано и исполнето. -Почитуван премиер Зоран Заев И јас сум многу разочарана и гневна, бидејки ми ветивте, но тие што требаше да го реализираат ветувањето не го исполнија. Сите ми честитавте нов живот, некој преку фб, некој по телефон, а министерот Венко Филипче, г-динот @Ден Дончев и г-динот Орхан Рамадани лично. Не им верував, не затоа што сум песимист туку затоа што до сега неколку пати ветија но ништо баш ништо не исполнија, а со тоа ја загубија довербата. Затоа овој пат барав гаранции од вас и молев да не го испуштам и овој термин. Министерот дури ми рече и да се јавам во Холандија да спремаат нова фактура. Јас по пеетти пат ја презакажав операцијата и му напишав на докторот дека обезбедени се средства и имам голема поддшка од владата . Поради неажурноста на институциите и овој термин го испуштив. Дали пациент со приоритет треба да чека три години. Ми беше речено дека и вие ми честитате. Ако е тоа вистина како што ми пишуваше цело време г-динот Спасе Додевски ве молам да престане оваа тортура врз мене и нови преговори. Ве молам почитуван премиер Зоран Заев да го исполните ветувањето, да ми се овозможат што е можно побргу средствата за лекување во странство, а со тоа и правото да можам сама да се грижам за себе. Со почит Снежана Караџовска, стои во нејзиниот пост на Фејсбук.

АПЕЛ: Да ѝ помогнеме на Снежана од Скопје која ги изгуби двете нозе во сообраќајка во Турција

Катерина Бојаџиева — Mon, 21 Jan 2019 08:57:29 +0000

Снежана Караџовска од Скопје, која пред околу две и пол години настрада во тешка сообраќајна несреќа во Турција при судир на туристички автобус од Македонија и турски камион, остана без нозе. Таа апелира граѓаните да ѝ помогнат за да може да направи операција во болницата АОЕФ во Утрехт, Холандија. „Почитувани, пријатели Моето име е Снежана Караџовска, од Скопје, Македонија. Колку е животот непредвидлив, за дел од секунда од една здрава, весела, енергична, позитивна жена, се будите во болница во Едрене и дознавате дека немате две нозе. Пред две години и пет месеци настрадав во сообраќајна несрека во Турција. Автобусот во кој бев патник удри во камион и во тој судар јас ги изгубив двете нозе над колена. Ампутација е сериозен психички, но и физички проблем за секого па и за мене и моето семејство. Животот на сите ни се смени од корен. Прво што си помислив кога се разбудив и ја согледав ситуацијата, беше, па добро сега медицината е напредна има современи протези, рехабилитација па ќе можам да функционирам и да се грижам за себе. Но, за жал тоа не е така едноставно. По две години и пет месеци јас сѐ уште сум во количка. Живеам на трети кат, без лифт во стан во кој немам пристап до балкон. Секое мое излегување од дома е нова траума. Потребно е двајца кои ќе ме носат по скали, сопругот, ќерката или комшиите. Мојата борба е голема, но не и невозможна. Лица како мене во држави од Европа одат со протези. Моето решение го најдов во болницата АОЕФ во Утрехт, Холандија каде што ќе се изврши потребната операција и обука со кликпротези. Поради сето горе наведено би Ве замолила доколку сте во можност финансиски да ми помогнете да ги соберам потребните средства. Се надевам дека со ваша помош ќе можам понормално да го продолжам животот со протези, да се грижам сама за себе и да се радувам на истиот“, апелира Снежана на Фејсбук. Донациски број на телеком: 070 143-191 Донациски број на ВИП: 078-143 478 Снезана Караџовска ул.Огразден бр.4/1-9 1000Скопје IBAN MK07300307010243080 BIC/SWIFT CODE: KOBSMK2X Комерцијална банка АД Скопје Македонија Денарска жиро сметка-Комерцијална банка АД Скопје 300007016373883 Цел на дознака – лекување во странство.

Снежана Караџовска – Kurir.mk

Караџовска разочарана и гневна на Заев, Филипче и Дончев: „Сите ми честитавте нов живот, а операцијата ја пропуштив, нека престане оваа тортура“

АПЕЛ: Да ѝ помогнеме на Снежана од Скопје која ги изгуби двете нозе во сообраќајка во Турција