снежана лупевска – Kurir.mk

Тежок ден за Снежана Лупевска – се прости од својот „супермен“, месечината не свети залудно толку силно вечерва (ФОТО)

Дарко Андоновски — Wed, 13 Jul 2022 10:57:23 +0000

За Снежана Лупевска Созен, една од нашите најпознати новинарки и нејзиното семејство денес е тажен ден. Новинарката се прости од својот татко, а преку социјалните мрежи ја сподели празнината и тагата која ја чувствува. „Велат таткото е првиот пријател што го среќаваш во животот и дека ќерките и татковците делат едно срце. Татковците се супер-херои, водичи во животот… Мојот татко беше сето тоа и многу повеќе. Смирен, но и силен, тивок, но и решителен, за мене татко од најубавата сликовница, мојот Супермен. Со сето ова не сфаќав дека старее, дека еден ден може да не биде со нас, затоа што никогаш не се жалеше и сè можеше сам. За жал, сега го напушти овој свет, но знам дека месечината не свети залудно толку силно вечерва. Од таму горе, од небото широко отворено за него и понатаму ќе ме следи и сака. Почивај во мир татко“ – напиша новинарката во емотивната објава. Лупевска важи за една од нашите најистакнати новинарки во 27 годишно работно искуство зад себе, пример за професионалност и посветеност кон професијата. Снежана е осум години во брак со Ерџан Созен. Снежана и Ерџан се запознале пред десет години на семинар во Белград, каде таа учествувала како новинар – истражувач, а тој како член на Турската стопанска комора. Снежана и Ерџан се горди родители на малиот Микаил.

Лупевска: Ковачевски не доаѓа на Телма

Ивана Ефремовски — Wed, 11 May 2022 17:41:23 +0000

Лидерот на ВМРО-ДПМНЕ, Христијан Мицкоски гостува во емисијата „Топ Тема“ на Телма телевизија со водителката Снежана Лупевска, каде ќе дискутираат на различни теми за состојбата во државата. Лупевска на почетокот на емисијата истакна дека освен за лидерот на ВМРО-ДПМНЕ, тие како како телевизија испратија покана и за актуелниот премиер Димитар Ковачевски кој, како што рече таа, досега не може да најде време за да гостува на Телма ТВ. -Само да напоменам дека покана за интервју има и премиерот Ковачевски кој засега еве нема време за Телма телевизија, па се надевам дека во иднина ќе најде време да гостува во Топ Тема, рече Лупевска пред почетокот на интервјуто со претседателот на ВМРО-ДПМНЕ, Христијан Мицкоски.

Лупевска удри по Ангеловска и Бектеши

Ристе Здравков — Thu, 21 May 2020 20:55:07 +0000

Nepodgotvenost, neprofesionalnost zacineto so cinizam i nekultura , ova e odnesuvanjeto na dvajca ministri deneska Nina Angelovska i Kresnik Bektesi kon novinarite . Pred da gi pustat na sleden press od Vladata da gi naucat ovie dvajca mladi luge na odnos kon javnosta, bon ton no i da gi isprasaat dali voopsto znaat za sto ke drzat press konferencija . Bravo za kolegite koi za razlika od Ministrite odlicno ja poznavaa temata i dostoinstveno vozvratija na navredite .

ГРОМ бара АВМУ да реагира: Неодговорно, навивачки и крајно некултурно интервју, Лупевска се самопрогласи за СДСМ-овски мегафон

Матеја Петровски — Tue, 25 Sep 2018 10:12:50 +0000

Од партијата ГРОМ велат дека арогантно, безобразно и насилничко владеење на СДСМ вчера можело да се види во целост преку интервјуто на новинарката Снежана Лупевска со лидерот на опозицијата, Христијан Мицкоски. -Со своето арогантно и некултурно однесување, на моменти под нивото на маалска кавгаџика, госпоѓата Снежана Лупевска дефинитивно се самопрогласи за СДСМ-овски мегафон, велат од ГРОМ. Од таму велат дека во очај и во немоќ да ги добие одговорите и да ги постигне поентите на нејзините налогодавачи од Илинденска Б.Б. на моменти прибегнуваше кон крајно невоспитано и вулгарно навредување на Мицкоски. -Секогаш кога ќе се споменеше премиерот Зоран Заев, таа го прекинуваше соговорникот, иронизираше или ја менуваше темата, се со цел да не се упати некоја критика на нејзиниот нарачател. ГРОМ бара Агенцијата за аудио и аудиовизуелни медиумски услуги да реагира и да го санкционира ваквото според нив неодговорно, навивачки и крајно некултурно интервју од страна на новинарката Лушевска, кое според нив не е во духот на објективното и независно информирање и спротивно на етичкиот новинарски кодекс.