Студен бран и снег во Грција

Дарко Андоновски — Wed, 05 Feb 2020 12:14:05 +0000

Основните и средните училишта во грчкиот град Лерин денеска се затворени поради снегот и лошите временски услови, додека пак на островот Крит поради силен ветер имаше проблеми во авио-сообраќајот. Студениот бран што ја зафати Грција, создаде помали проблеми во морскиот и авио-сообраќајот, донесе снег на планините и во дел од градовите во северниот дел на земја, јави дописничката на МИА од Атина. Во Лерин, со одлука на градоначалникот, поради снегот и лошото време основните и средните училишта денеска се затворени, а работата само градинките. Поради силниот ветер, авион од Атина, наместо во градот Ираклио на Крит, утрово слета во друг град на островот.

Снежен бран го зафати Балканот

Ивона Петрова — Wed, 09 Jan 2019 11:04:12 +0000

Снежниот бран кој ги зафати Хрватска, Босна и Херцеговина, Црна Гора и Србија предизвика проблеми во патниот сообраќај. Во Далмација паднаа 40 см снег, каде под снежна покривка се и приморските градови Омиш и Сплит. Снегот почна да паѓа вчера попладне, а посебно густ беше во Далматинска загора. За чистење на снегот се ангажирани 30 возила на земската служба. Метеролозите најавуваат разведрување во Хрватска, а потоа, во четврток се очекува силна бура. Поради снежната бура во хрватскиот град Имотски денеска нема да се одржува настава во основните и средните училишта. И главниот град на Црна Гора – Подгорица утрово се разбуди под снежна покривка. Според Хидрометеоролошкиот завод во градот паднале седум цм снег. И во приморскиот град Улцињ врнеше снег, каде снежната покрива е еден цм. Локалните власти повикуваат на претпазливост во сообраќајот. Во близина на српскиот град Кикинда, автобус излета од патот, а според очевидци во инцидентот нема повредени. Авто-мото сојуз на Србија предупреди дека во северниот и западниот дел на земјата се очекува локална појава на дожд, која ќе се заледува на тлото, додека на југозапад, југ и југоисток на Србија се можни обилни снежни врнежи и значително зголемување на снежната покривка поради што повикуваат на задолжително носење зимска опера и внимателност про возењето. Снежната покривка од неколку сантиметри предизвика проблеми во сообраќајот и во делови на Босна и Херцеговина. Сепак локалните власти информираат дека патиштата редовно се чистат и иако е сообраќајот отежнат, сите патни правци се проодни. МИА

снежен бран – Kurir.mk

Студен бран и снег во Грција

Снежен бран го зафати Балканот