снежна лавина – Kurir.mk

Бројот на загинатите во лавина на француските Алпи се искачи на шест лица

Катерина Бојаџиева — Mon, 10 Apr 2023 12:50:11 +0000

Бројот на загинатите во лавина на француските Алпи денеска се искачи на шест, а меѓу загинатите има и двајца планинарски водичи, соопштија локалните власти. Канцеларијата на обвинителството во Боневил, во департмантот Горна Савоја, наведува дека телото на шестото лице е пронајдено откако потрагата продолжила денеска по лавината која се случи вчера. Едно лице е префрлено во болница со полесни повреди, соопштија од Горна Савоја. Пронајдени се уште осум лица, кои не се повредени. Други детали за жртвите не се соопштени. Лавината се случи вчера, околу пладне на глечерот Амансет, кој се наоѓа во близина на селото и ски-центарот Ле Контамен-Монтжоа, во департманот Горна Савоја.

Четворица загинати во снежна лавина во Еквадор

Тале Кристо — Mon, 25 Oct 2021 06:34:45 +0000

Четири лица загинаа, а едно е повредено во снежна лавина на вулкан во Еквадор, соопштија денеска властите. Група од 12 луѓе се искачиле на неактивниот вулкан Чимборазо, покриен со снег, кога лавина ги затрупала на височина од 6.100 метри. Врвот на вулканот Чимборазо е на надморска височина од 6.263 метри и е највисоката точка на еквадорските Анди.

Еден мртов, тројца повредени во лавината на Алпите

Предраг Кукиќ — Wed, 20 Feb 2019 14:13:25 +0000

Еден од четворицата скијачи повредени во лавината во швајцарското скијалиште Кран-Монтана му подлегна на повредите, соопшти полицијата. Потрагата која траеше цела ноќ по останати можни затрупани, беше прекината утрово. „Лицето кое беше тешко повредено умре синоќа во болница. Се работи за Французин стар 34 години“, напиша полицијата на кантонот Вале преку твитер. Лавината се одронила во секторот на Плен-Морт, зафаќајќи површина во должина од околу 840 метри и во широчина од 100 метри. нема други заглавени во неа, како што претходно се мислеше. Во акцијата за потрага по затрупаните скијачи учествуваат над 240 лица и осум хеликоптери. Според локалните власти, лавината се одронила поради растот на температурата на воздухот во текот на минатата недела, што предизвикало забрзано топење на снегот.