снежна покривка – Kurir.mk

Село во Македонија втор ден отсечено поради превисока снежна покривка

Магдалена Андонова — Wed, 02 Feb 2022 13:17:32 +0000

Жителите од селото Герман, општина Ранковце, втор ден се отсечени поради високата снежна покривка и наносите од снег кои наместа изнесуваат и над еден метар. Дваесет и девет дечиња што посетуваат настава во училиштето втор ден не се на училиште, но властите веќе работат на расчистување на патниот правец. – Станува збор за планинско село, на 1400 метри надморска височина и снежната покривка е висока, околу седумдесетина сантиметри, додека наносите од снег некаде надминуваат и еден метар. Патот Ранковце-село Герман е регионален, во надлежност на Јавното претпријатие Македонија пат и специјализирани возила за расчистување веќе се на терен. Според моите сознанија речиси половина од патот е пробиен и до попладневните часови се очекува истиот да биде расчистен и да можат жителите непречено да функционираат, информира градоначалникот на Општина Ранковце, Борче Спасовски. Во општината нема формирано снежна покривка, рече Спасовски, бидејќи температурата на воздухот е околу пет степени и снегот што паѓаше вчера попладне и ноќеска, се стопил.

Температури и до -15 степени: УХМР најавува снежна покривка насекаде, еве од кога следува затоплување

Тале Кристо — Sat, 13 Feb 2021 11:52:38 +0000

Времето денеска ќе биде облачно, студено и ветровито со врнежи од снег, пообилни попладне и во текот на ноќта, особено во југозападните и западните делови. Ќе дува умерен до засилен ветер од северен правец. Максималната температура насекаде ќе се задржи негативна, во интервал од -7 до -1 степен Целзиусов. Според најавите од Управата за хидрометеоролошки работи (УХМР), до крајот на денот насекаде ќе се формира снежна покривка, во источните делови до 10 сантиметри, а на запад во пониските подрачја меѓу 20 и 30 сантиметри. На планините на северозапад постојната снежна покривка ќе се зголеми за нови 20 до 30 сантиметри снег. Времето во Скопје ќе биде облачно, студено и ветровито, од пладне со врнежи од снег, кои ќе продолжат и преку ноќта кога ќе се интензивираат. До крајот на денот ќе се формира снежна покривка. Ќе дува умерен, повремено засилен северен ветер, а максималната температура ќе достигне до -2 степени. Од УХМР најавуваат дека следува период на многу студено време со значително потпросечни температури и со умерен до засилен северен ветер. Утре, посочуваат, ќе се задржи облачно со врнежи од снег, кои ќе бидат пообилни претпладне особено во јужните делови. Снежната покривка насекаде ќе се зголеми. Од понеделник времето ќе биде стабилно. Утринските температурите до среда во најголем дел од земјава ќе бидат под -10, а на места и под -15 степени. Дневните температури ќе се задржат под нулата. Од четврток следува постепено затоплување.

СИТЕ ПАТИШТА ВОДАТ КОН МИХАЈЛОВО – формирана нова снежна покрива од 30 сантиметри на Кожуф(ФОТО)

Магдалена Андонова — Thu, 28 Jan 2021 10:57:28 +0000

Нова снежна покривка до 30 сантиметри е формирана вчера во Михајлово на Кожуф планина. Рекреативци и љубители на природата денеска за МИА изјавија дека Михајлово го посетуваат тиквешани, но и гости од други места. Сите тие сакаат да уживаат во снегот, убавата природа и чистиот воздух. Михајлово е богато со шума. Има бел и црн бор, ели, јасики, даб. Се наоѓа на четириесетина километри од Кавадарци, во срцето на Кожуф, на надморска височина од околу 1.200 метри. Важи за воздушна бања, оддалечена околу пет километри воздушно од соседна Грција. (МИА)

УХМР најавува снежна покривка во поголемиот дел од државата

Тале Кристо — Thu, 14 Jan 2021 11:48:15 +0000

Во попладневните часови ни претстојат врнежи од снег,кои во вечерните часови ќе се прошират насекаде, со тоа што во западните делови од земјата ќе бидат позастапени и пообилни, а на јужните подрачја ќе има врнежи и од дожд. Како што информираат од Управата за хидрометеоролошки работи во поголемиот дел од земјата ќе се формира снежна покривка, во попладневните часови и во главниот град, а минималната температура ќе биде во интервал од 0 до 8 степени. Од утре ќе преовладува претежно суво и многу студено време, кое ќе продолжи и во текот на викендите и во почетокот на наредната седмица кога и дневните температури во поголем дел од земјава ќе бидат под нулата.

Дебар утринава со најмногу снег, еве колкава снежна покривка најавуваат метеоролозите за сите градови

Ивона Петрова — Wed, 01 Apr 2020 07:06:56 +0000

Првиот ден од април во осум часот изутрина во Дебар е со снежна покривка од 16 сантиметри, 15 на Попова Шапка, 14 во Крушево, 11 во Маврово и Пожаране. Осум сантиметри снег има во Лазарополе и Ѓуриште, седум во Прилеп,шест во Битола, пет во Тетово, четири во Тополчани, и по три во Скопје-Зајчев рид и Штип, а еден во Берово. Во Маврово се измерени минус осум степени, во лазарополе и во Крушево минус четири, минус два во Прилеп, минус 1 во Крива Паланка, Тетово, Скопје-Зајчев Рид. Уптравата за хидрометеоролошки работи најави дека времето денеска ќе биде облачно со врнежи од снег, а само во долниот тек на Повардарието ќе бидат од дожд и снег. На повеќе места количината на наврнет воден талог ќе биде над 25 л/м2, а најмногу врнежи ќе има во јужните делови. Снежна покривка ќе се формира речиси во целава земја, на пониските места и над 10 см, во Пелагонија околу 20 см, а на планините и повеќе. Ќе дува слаб до умерен ветер од североисточен правец. Максималната температура ќе биде во интервал од 0 до 5 степени. Во Скопје, облачно со врнежи од снег во текот на целиот ден и во вечерните часови, при што ќе се формира снежна покривка. Ќе дува слаб до умерен североисточен ветер. Максималната температура ќе достигне до 1 степен.

Снежната покривка во следните два дена и над 20 сантиметри

Ивона Петрова — Mon, 23 Mar 2020 10:58:26 +0000

Од утринава во земјава врне снег, иако календарски настапи пролетта. Управата за хидрометеоролошки работи соопшти дека најмногу снег има наврнато во Маврови Анови – 11 сантиметри. Повремени врнежи од снег се очекуваат и во текот на следните два дена. Снег има во Пожаране каде снежната покривка е девет сантиметри, во Лазарополе осум сантиметри, во Тетово пет сантиметри, во Крива Паланка четири сантиметри, во Куманово и Ѓуриште три и во Крушево и Берово два сантиметри. Минималните температури во дел од градовите се спуштија под нулата. Најстудено било во Маврово каде се измерени -6 степени, а под нулата утринските температури биле и во Лазарополе, Крушево, Крива Паланка, Зајчев Рид кај Скопје, Куманово, Тетово, Штип и Берово. За денеска се најавува облачно, студено и ветровито време со врнежи претежно од снег. Најобилни врнежи се очекуваат во источните делови. Засилен северен ветер ќе дува долж Повардарието. Максималната температура ќе се движи во интервал од 0 до 5 степени. Во Скопје облачно со повремен снег и со умерен до засилен северен ветер. Максималната температура ќе достигне само до третиот степен. Снегот утринава го отежна и патниот сообраќај, кој засега се одвива без забрани но по влажни коловози. Авто мото сојузот на Македонија информира дека врнежи од снег има на Стража, Пресека, Маврово, Попова Шапка, Плетвар, Кула и Крива Паланка – граничен премин Деве Баир. Намалена видливост од 20 до 50 метри поради магла има на планинскиот премин Ѓавато. Повремени врнежи од снег ќе има и утре и во среда. Најобилни ќе бидат врнежите во источните делови од државата кде се очекува формирање на снежна покривка и над 20 сантиметри. Во останатите подрачја можна е помала снежна покривка, главно околу пет сантиметри, освен на планините каде се очеува повисока снежна покривка. Според прогнозата на синоптичарите, облачното време ќе се задржи до сабота, но врнежите поради затоплувањето ќе бидат главно од дожд.

Најстудено и со најмногу снег во Маврово, измерени -6 степени

Ивона Петрова — Mon, 23 Mar 2020 07:17:56 +0000

Времето утрово е облачно со врнежи кои во северните делови во земјата преминаа во снег, додека на југот се уште се претежно од дожд. Во ноќните часови беше ветровито, а изутрината дува умерен, а долж Повардарието засилен ветер од северозападен правец, информираат од УХМР. До 7 часот најмногу снег наврна во Маврово 11 сантиметри (Маврови Анови), во Пожаране девет, во Лазарополе осум, во Тетово пет, во Крива Паланка четири, во Куманово и во Ѓуриште три, и во Крушево и Берово два сантиметри. Во изминатите 24 часа најмногу дожд наврна во Струмица 18 литри на метар квадратен, Маврово -15, Берово – 13, Лазарополе – 11, Крива Паланка – 10, Тетово и Дојран – девет, Гевгелија – осум, Штип и Демир Капија – четири, Крушево – три, Куманово, Охрид и Претор – два, и Скопје и Битола еден литар на метар квадратен. Најстудено беше во Маврово каде беа измерни – 6 степени, во Лазарополе и Крушево – 4, во Крива Паланка -2, а најтопло во Претор каде се измерени четири степени. Времето денеска ќе биде облачно, студено и ветровито со врнежи претежно од снег. Најобилни врнежи се очекуваат во источните делови. Ќе дува умерен, а долж Повардарието засилен северен ветер. Максималната температура ќе биде во интервал од 0 до 5 степени. Во Скопје времето ќе биде облачно со повремен снег и со умерен до засилен северен ветер. Максималната температура ќе достигне три степени.

Во Маврово снежната покривка 73 сантимери, на Попова Шапка 40

Дарко Андоновски — Thu, 10 Jan 2019 08:14:05 +0000

Врнежите од снег од попладне ќе засилуваат, особено во западните и северните делови на Македонија, каде снежната покривка дополнително ќе се зголеми за 10 до 20 см, а на планините и над 20 см. На крајниот југоисток врнежите ќе бидат мешани од дожд и снег. Ќе дува слаб до умерен ветер од северен правец. Максималната температура ќе достигне од -2 до 3 степени. Во Скопје облачно со повремени врнежи од снег, кои околу пладне ќе бидат со засилен интензитет. Максималната температура ќе достигне околу -1 степен. Најмногу снег има во Маврово 73 см, на Попова Шапка 40 и во Крушево 39 см. Од УХМР најавуваат дека од петок до недела времето ќе биде стабилно и суво со ниски утрински температури и со услови за магла по котлините.

Во Маврови Анови снежна покривка од 17 сантиметри

Ивона Петрова — Tue, 25 Dec 2018 11:02:01 +0000

Висината на снежната покривка утрово во Маврови Анови изнесува 17 сантиметри, 14 во Попова Шапка и Крушево, 13 во Тополчани, 12 во Лазарополе и еден сантиметар во Битола, информираат од Управата за хидрометеоролошки работи. Во Македонија денеска ќе преовладува променливо облачно време со сончеви периоди, студено и ветровито. Во северните делови ќе провејува слаб снег. Вдолж Повардарието и во источните делови ќе дува засилен северозападен ветер. Дневната температура нема да се разликува во однос на утринската, а на повисоките места дополнително ќе опаѓа. Максималната температура ќе биде во интервал од -2 до 7 степени.

Од УХМР најавуваат период на стабилно и суво време со ниски утрински температури и со слаб до умерен северозападен ветер. Од петок ќе се зголемат условите за појава на магла по котлините.

МИА

На Шапка снежна покривка од 21 см, најстудено во Тетово

Дарко Андоновски — Fri, 21 Dec 2018 08:31:53 +0000

Највисока снежна покривка измерена утрово од 21 сантиметар има на Попова Шапка, следат Маврови Анови со девет см, три во Крива Паланка и два см во Крушево. Најстудено е во Тетово со температура од минуст пет степени, минус четири се измерени во Скопје Зајчев Рид, во Крива Паланка, Битола и во Прилеп, минус два во Штип, Струмица и Лазарополе, минус еден се регистрирани во Демир Капија и Претор. Во Охрид и Крушево утрово со нула степени, еден во Маврово и Виница, два во Гевгелија и четири во Дојран. Времето е умерено до значително облачно, по котлините со магла. Особено намалена видливост има во Полог и Беровско, како и на некои планински превои.