снимки – Kurir.mk

Косовската полиција објави нови снимки од наводната подготовка за напад во Бањска

Ристе Здравков — Mon, 02 Oct 2023 08:17:27 +0000

Косовската полиција објави четири нови снимки, за кои тврди дека го прикажуваат моментот на експлозијата рано наутро во полициската станица Звечан кога загина косовски полицаец при настаните во Бањска, пренесува Н1. За другите снимки, на кои се гледаат луѓе и оклопни возила, косовската полиција вели дека прикажуваат полигон на војската на Србија познат како Пасуљанске Ливаде, а дека меѓу нив има тактичка вежба со симулација за поддршка на оклопното возило Хамви. „Снимката од 26 август 2023 година, направена во Копаоник, Србија, ги прикажува одморалиштата и хотелот „Греј“ во сопственост на Милан Радоичиќ“, вели полицијата за првата снимка. За втората снимка се вели: „Снимката е од 2 септември, а е направена на Копаоник, во близина на просторот во сопственост на Милан Радоичиќ. Видеата покажуваат дека облеката се тестира на термални камери. Остатокот од видеото ги прикажува последните вежби на терористичката група на полигонот на српската војска познат како Пасуљанске ливаде“. Tретата снимка, според косовската полиција е симулација напад и на ранување на членовите. „Тука може да се видат моторни возила. На видеото се гледа како се симулира напад и се симулира ранување на членови на терористичка група, како и пружање прва помош“, пишува косовската полиција. За четвртото видео пишува дека е симулација на поддршка со оклопни возила: „Ова видео од 20 септември покажува како групата наидува на отпор и симулира оклопна поддршка“. „Оригиналниот напад на терористичката група, според доставените информации, најпрвин бил извршен со експлозив при што загинал полицискиот наредник на полициската станица Звечан, а по овој експлозивен напад нападот со тешко оружје започнал во исто време во упатството на другите полициски службеници кои биле на лице место. На видеото се гледаат првите напади на терористичката група врз косовската полиција. Нападите, како што гледате, се извршени со различно оружје, почнувајќи од зоља и друго тешко оружје“, се наведува на Фејсбук страницата на косовската полиција со описот на видеото. На пресконференција во неделата директорот на косовската полиција, Газменд Хоџа, изјави дека српските напаѓачи планирале напад за анексија на северот на Косово на 37 позиции во почетната фаза, а дека во целата акциај учествувале 90 специјалци кои претходно вежбале на локации во Јагодина и во Копаоник. Министерот за внатрешни работи на Косово, Џелал Свечља, рече дека поседува документ за планот за анексија на северот на Косово.

Шокантни снимки од тунелот: Бускетс, Алба и Араухо тргнаа да се тепаат со навивачите на Еспањол (ВИДЕО)

Ристе Здравков — Mon, 15 May 2023 08:43:36 +0000

ЕСПН успеа да протне камера во тунелот кон соблекувалната на „Корнеља Ел Прат“ и улови шокантни снимки, Серхио Бускетс, Жорди Алба и Роналд Араухо сакаа да се тепаат со најжестоките навивачи на Еспањол. Барселона синоќа го совлада Еспањол со 2-4 и ја обезбеди титулата во Ла Лига, имаше големо славје кое можеше да заврши со сериозен инцидент. Најжестоките домашни навивачи решија да влезат на теренот и да тргнат по гостинските фудбалери, кои набрзина избегаа во соблекувалната и спасија жива глава. Страстите сепак не се смириле веднаш, во тунелот било прилично тензично, дел од хулигантите не се откажуваа од намерата, а очигледно и дел од фудбалерите на Барселона не сакаа да се повлечат. Серхио Бускетс, Жорди Алба и Роналд Араухо тргнаа да се тепаат но обезбедувањето не дозволи да дојде до судир, па се заврши само со туркање и влечење. Видеото погледнете го ТУКА

Нова шокантна снимка од моментот на катастрофалниот земјотрес (ВИДЕО)

Ристе Здравков — Fri, 10 Feb 2023 21:27:19 +0000

Бројот на загинати од земјотресот што ги погоди Турција и Сирија надмина 22.500 и може дополнително да се зголеми додека спасувачките тимови пребаруваат низ урнатините на илјадниците урнати згради. Повеќе од 75.000 луѓе биле повредени во двата разорни земјотреси што го погодија регионот во понеделникот. Оттогаш спасувачите се тркаат со времето, но со секој час се намалуваат шансите да се најдат преживеани под урнатините. Властите соопштија дека околу 6.500 згради се урнале во Турција, а многу се оштетени во зоната на земјотресот, која погодува околу 13 милиони луѓе. Можеби до 23 милиони луѓе се погодени, вклучително и пет милиони од ранливите групи, според Светската здравствена организација (СЗО), која стравува од голема здравствена криза, особено поради ширењето на колерата во Сирија. Стотици илјади луѓе останаа без покрив над главата среде зима. На социјалните мрежи се појави ново видео кое ја покажува јачината на првиот земјотрес во Турција. Тлото во градот Кахраманмараш се тресе, асфалтот се поместува, а автомобилите отскокнуваат.

АПОКАЛИПТИЧНИ СЦЕНИ: Први снимки од разорниот земјотрес во Турција, плач и лелеци од жителите

Ивона Петрова — Mon, 06 Feb 2023 07:06:23 +0000

Над 300 луѓе загинаа во Сирија и Турција во силниот земјотрес во близина на јужниот турски град Газиантеп рано утринава.

BREAKING: CCTV footage from M7.8 earthquake in central Turkey appears to confirm reports that the earthquake lasted more than a minute.#Turkey #earthquake pic.twitter.com/utDsxiPNB5
— Global News Network (@GlobalNews77) February 6, 2023

Сириското Министерство за здравство ја потврди смртта на најмалку 237 лица во областите под контрола на претседателот Башар ал Асад. Бројот на повредени достигна 639. Се очекува бројот на загинати да се зголемува.

Prayers for Turkey. #Turkey #earthquake #earthquaketurkey pic.twitter.com/ek01mKWAbf
— Sahar Hayat (@SaharHayat6) February 6, 2023

Силниот земјотрес, кој според американскиот геолошки институт бил со јачина од 7,8 степени според Рихтеровата скала, се случил денеска во 04:17 часот по локално времево близина на јужниот турски град Газиантеп, во близина на границата со Сирија, на длабочина од околу 18 километри, јави ДПА. Десетина минути подоцна следеше силен последователен потрес со јачина од 6,7 степени на длабочина од 9 километри.

Multiple buildings #collapsed - footage shows aftermath of 7.8 magnitude earthquake in #İskenderun, Turkey. USGS now estimating at least 1,000 dead in Turkey-Syria #earthquake, says death toll could reach 10,000#deprem #Idlib #Syria #DEPREMOLDU #Turkey pic.twitter.com/Ivk00mZ1w9
— Chaudhary Parvez (@ChaudharyParvez) February 6, 2023

На снимките кои се објавени на социјалните мрежи се гледаат последиците од разораниот земјотрес.

ALERT 🚨 Apocalyptic scenes, thousands feared dead as massive earthquake hits #Turkey pic.twitter.com/FQOVMdBixY
— Insider Paper (@TheInsiderPaper) February 6, 2023

JUST IN - Multiple buildings collapsed - footage shows aftermath of 7.8 magnitude earthquake in İskenderun, Turkey pic.twitter.com/nLo552Q0EQ
— Insider Paper (@TheInsiderPaper) February 6, 2023

ВИДЕО: Нови 8К снимки од Титаник откриваат неверојатни детали од потонатиот брод

Ивона Петрова — Fri, 02 Sep 2022 08:08:40 +0000

Најновата снимка од остатоците од бродот кој потона во 1912 година откри досега непознати детали за популарниот Титаник. Снимката открива сидрен синџир тежок околу 90 килограми, големо сидро и едностран котел кој паднал на дното од морето кога бродот пред 110 години се прекрши на два дена и потоа на 3.810 метри под површината на Атланскиот океан. Потонатиот брод го снимала компанијата за нуркачки излети „OceanGate Expeditions“ и има најјасен приказ на бродот. Резолуцијата е 8К и овозможила да може снимката да се зумира без да губи на квалитет. Поради ова се гледале некои неверојатни нови детали и бои од Титаник. Мисијата траела осум дена. Покрај експертите за мисии учествувале и истражувачи, а сите заедно го гледале бродот од затворена подморница. -Неверојатните детали од снимката ќе им помогнат на нашите експерти прецизно да го опишат распаѓањето на Титаник, а ќе продолжиме да снимаме и следната година, изјавил Стоктон Раш, претседател на компанијата. Подморницата Титан е опремена со најнова технологија која ќе помогне да се одреди стапката на распаѓање и да се процени разновидноста на морскиот живот кој настанал на бродот. Откако Титан се паркиран на Титаник, екипажот бил дочекан од големо сидро кое се уште се наоѓа на палубата, онака како што изворно бил прицврстен. Виделе и никогаш претходно забележани детали, како изгравиран натпис "Noah Hingley & Sons Ltd" на левото сидро. Титаник потоа на својата прва пловидба, на 14 април 1912 година, четири дена по почетокот на патувањето од Англија до САД. Големиот брод удри во санта лед, а при потонувањето загинаа 1.517 патници и членови на екипажот од 2.224. Остатоците од потонатиот пред се пронајдени пред околу 37 години.

Обезбедени снимки од Бојко Борисов како зема поткуп од најбогатиот Бугарин

Ристе Здравков — Fri, 18 Mar 2022 08:55:12 +0000

Фотографии и видео снимки се обезбедени за Бојко Борисов за тоа како поранешниот бугарски премиер прима поткуп од Васил Божков-Черепот, инаку познат како најголемиот бугарски олигарх и воедно крал на бугарското подземје ставен на црната-листа на САД од јуни 2021. Бугарските медиуми објавуваат дека тоа се водечки докази против поранешниот премиер. Тие вчера биле испратени од Европското јавно обвинителство од Генерална дирекција „Национална полицијата“. Сите биле вклучени во предистражната постапка. Веќе се назначени вештачења кои ја докажуваат нивната автентичност. Божков тврди дека дал поткуп од 10 отсто од добивката на националната лотарија секој месец. Тој вели дека бил уценет од Борисов и неговите соработници Влади Горанов и Менда Стојанова. Черепот во моментов е приведен во полиција и се товари за 19 престапи.

Исчезнаа снимките од Конгресот на СДСМ

Катерина Бојаџиева — Mon, 17 May 2021 14:54:47 +0000

Снимките на кои можеше да се слушнат говорите на делегатите кои ја критикуваа работата на СДСМ откако утрово беа објавени, сега веќе не може да се најдат на социјалните мрежи. И покрај јавната заложба на Зоран Заев вчера дека ќе се почитува и охрабрува различното мислење, сепак, снимките се избришани. Дали за тоа имало притисоци од раководството на СДСМ не може да се потврди, но јасно е дека некој имал за цел, дел од затворената сесија на конгресот на СДСМ да се појави во јавност.

Обвинение за браќа од Битола: Убедувале деца до 14 години да им праќаат интимни клипови, пронајдени над 8.000 содржини детска порнографија

Ивона Петрова — Thu, 13 Aug 2020 09:48:41 +0000

По спроведена истражна постапка, Основното јавно обвинителство Битола поднесе Обвинителен акт против двајца браќа на возраст од 51 и 52 години, од кои едниот се товари за продолжено кривично дело – Прикажување порнографски материјал на дете од член 193 став 4 во врска со став 3 и став 1 и во врска со член 45 став 2 од Кривичниот законик, додека двајцата како соизвршители сториле и кривично дело – Производство и дистрибуција на детска порнографија од член 193-а став 3 во врска со став 2 во врска со член 22 од Кривичниот законик. -Првиот обвинет, во периодот од јули до септември 2016 година злоупотребил оштетена која тогаш била на возраст од 13 години, за изработување на аудиовизуелни слики со порнографска содржина. Преку Фејсбук профил со друго име тој во повеќе наврати комуницирал со девојчето, од ИП-адреси физички лоцирани во Нов Јужен Велс, Австралија, каде обвинетиот престојувал од 30.03.2016 година. Притоа ја убедил оштетената, за која знаел дека е малолетна и нема навршено 14 години, да направи интимни видео клипови со порнографска содржина. Клиповите оштетената му ги испратила на обвинетиот, а во зимата 2017 година тој овие видеа со детска порнографија ги прикажал на друго дете кое не наполнило 14 години, испраќајќи ги од истиот Фејсбук профил во порака на втората оштетена, информираат од Обвинителството. Во периодот меѓу 09.09.2010 година и 30.03.2016 година, во Битола, обвинетите браќа, како соизвршители, преку компјутерски систем набавиле и поседувале над 8000 слики и видеа со содржина на детска порнографија, сочувани на хард диск и ДВД-а кои биле пронајдени и одземени при претрес на нивната куќа. Фотографии со детска порнографија биле пронајдени и при проверка на нивните мобилни телефони. Еден од обвинетите во текот на истражната постапка подолго време беше недостапен за органите на прогонот, па неговото присуство во текот на постапката беше обезбедено во постапка за екстрадиција со помош на Интерпол и надлежните органи на Република Грција. Дел од доказите во прилог на обвинителниот акт беа обезбедени преку инструментите на меѓународна правна помош од Австралија. Надлежниот јавен обвинител до Основниот суд Битола достави и предлог за продолжување на мерката притвор за првиот обвинет, кој се наоѓа во притвор откако беше лишен од слобода во Република Грција и екстрадиран во земјава. Како основ за продолжување на притворот се наведува опасност од бегство, можност за влијание врз сведоците, како и можност да го повтори делото кое му се става на товар.

На „Рекет“ се пуштаат снимени разговори меѓу Камчев и Боки 13

Ивона Петрова — Thu, 13 Feb 2020 10:45:47 +0000

Денешното рочиште за „Рекет“ не почна навреме поради задоцнетото спроведување во судот на Катица Јанева од домашен притвор. Во судот денеска се пуштаат снимки што како докази ги доставил сведокот Јордан Камчев. Првообвинетот Бојан Јовановски ги оспоруваа овие снимки со образложение дека тие се приватни разговори, незаконски снимени. Обвинителката Вилма Рускоска кажа дека овие разговори не се обезбедени со посебни истражни мерки. „Сакам да ми кажеш што добивам, како добивам и кога добивам. Сакам сите да бидат задоволни. Јас сум директен човек. Кажи оваа ќе биде во февруари, оваа во март и да го исполнам својот дел“. Оваа е дел од разговорот меѓу Јордан Камчев, сведок во ,,Рекет” и обвинетиот Бојан Јовановски-Боки 13, презентираан денеска во Кривичен суд. Истите снимки беа објавени од италијанкиот весник „Ла Верита”. Случајот „Рекет”, во води Кривични совет предводен од судијката Васка Николовска-Масевска, а обвинението го застапува шефицата на Обвинителството за борба против организираниот криминал и корупција, Вилма Рускоска. Првообвинетиот Јовановски се сомничи дека сторил кривично дело „перење пари и други приноси од казниво дело“, а Јанева и Милевски за „примање награда за противзаконито влијание“. Второобвинетата Јанева се товари и дека сторила и кривично дело „злоупотреба на службена положба и овластување“. На првото рочиште за „Рекет“, што се одржа на 3 декември, третообвинетиот Зоран Милевски-Кичеец призна вина, по што беше осуден на три години затвор.

Судењето за „Рекет“ продолжува со презентирање снимки доставени од Камчев

Ивона Петрова — Thu, 06 Feb 2020 06:43:53 +0000

Во Основниот кривичен суд во Скопје денеска продолжува судењето за случајот „Рекет“. Случајот се наоѓа во доказна постапка и треба да се продолжи со презентирање докази, а на ред се снимки доставени од сведокот Јордан Камчев во Обвинителството. На минатото рочиште беа презентирани фотографии од предмети одземени при претресот на домовите и работните простории на обвинетите Бојан Јовановски и Катица Јанева, како и од претресот на домот на Зоран Милевски-Кичеец, кој призна вина. Случајот го води судијката Васка Николовска-Масевска, а застапник на обвинението е Вилма Русковска. Основното јавно обвинителство за гонење организиран криминал и корупција во октомври годинава поднесе обвинение против Бојан Јовановски, Катица Јанева и Зоран Милевски. Првообвинетиот Јовановски се сомничи дека сторил кривично дело „перење пари и други приноси од казниво дело“, а Јанева и Милевски за „примање награда за противзаконито влијание“. Второобвинетата Јанева се товари и дека сторила и кривично дело „злоупотреба на службена положба и овластување“. На првото рочиште за „Рекет“, што се одржа на 3 декември, третообвинетиот Зоран Милевски-Кичеец призна вина, по што беше осуден на три години затвор.