снукер – Kurir.mk

Во Малта отворено Европското првенство во снукер, македонската репрезентација со петмина играчи

Тале Кристо — Tue, 14 Mar 2023 07:34:02 +0000

Двократниот првак Берат Јашари е предводник на новата македонската репрезентација на Европското првенство во Малта. Заедно со него се уште и: Петар Панов, Владо Матоски, Петар Колоски и Влатко Јанев. - Сите играат на добро ниво. Во овој момент Берат Јашари се издвојува и мислам дека тој може да изненади некого во Малта. Има капацитет за тоа. И Петар Панов има природен талент, а другите се веднаш зад нив. Генерално, нема потреба да учат за техниката, туку повеќе за меч тактиката. Би типувал дека Берат ќе добие шанса да влезе во елиминациските дуели, изјави Најџел Бонд, прославениот снукер играч, кој минатата година се повлече од професионалните настапи и ги предводеше подготовките на македонските репрезентативци. Своите очекувања од ова ЕП ги искажа Лазар Лазаревски, претседател на снукер асоцијацијата. - Нашите момци имаа напорна недела со подготовките, па потоа со патувањето до Малта. Им посакувам да останат фокусирани и сконцентрирани, во снукерот шансата доаѓа кога некој најмалку се надева. Ова е силен турнир, но цврсто верувам дека како федерација направивме сѐ што можевме за одлично да се презентираме. Минатата година на ЕП во Албанија ниту еден играч не успеа да ја мине групната фаза, оваа година очекувам дека ќе имаме претставник и во елиминацискуте дуели. Европското првенство во Малта е во комплетна организација на европската федерација ЕБСА.

Играч на снукер заспа на натпревар

Дарко Андоновски — Mon, 29 Nov 2021 12:05:34 +0000

Сè уште чувствувајќи последици од неодамна прележаниот Ковид-19, Марк Вилијамс – трикратен светски шампион во снукер, заспа на столче на натпревар на едно од најпрестижните натпреварувања во овој спорт. – Главата ми падна, се разбудив и немав поим каде сум, изјави Вилијамс по поразот од Ентони Хамилтон на Британското првенство вчеравечер. – Јас сум професионалец 30 години и ова ми е првпат да заспијам. Тоа нема никаква врска со Ентони, едноставно не се чувствувам добро, нагласи тој. Вилијамс заспа на стол при неговото водство од 3:2, а на крајот загуби со 6:5. Како што рече, тој се чувствува „скршен“ затоа што многу брзо се вратил на својот терен, иако во октомври се заразил со коронавирусот.

О`Саливен елиминиран, снукерот добива нов светски првак

Бошко Тасиќ — Sat, 24 Apr 2021 07:12:00 +0000

Актуелниот светски првак во снукер, Рони О`Саливен, титулата ќе му ја препушти на некој друг, откако славниот играч беше елиминиран од Ентони Мекгил и тоа со 13-12 во фрејмови. Мекгил водеше со 10-6, и го најави изненадувањето, Рони одговори со пет добиени партии по ред за 11-10, водеше и со 12-11, но на крајот беше елиминиран. За О`Саливен пропадна шансата по седми пат да стане светски шампион и да се изедначи со Стивен Хендри кој е рекордер во модерната ера на овој спорт.