соба – Kurir.mk

Како малите соби да изгледаат ПОГОЛЕМО? Најважно е да ја изберете вистинската боја

Ристе Здравков — Mon, 21 Nov 2022 08:25:29 +0000

Ходникот е идеално место за експериментирање со боите на ѕидовите Бојата може целосно да го трансформира просторот. Релаксирачката боја ја претвора вашата соба во смирувачка оаза или додава енергија во вашата кујна или дневна соба. Дали знаевте дека некои бои можат да ги направат просториите визуелно поголеми? Темно сина за мал ходник Ходникот е најдобрата просторија за играње со боите, па зошто да не оставите силен впечаток? – За малиот стан да изгледа поголемо, најдобро е да започнете со најјаката боја во ходникот. Темно сината боја ќе создаде драматичен впечаток при влегувањето, а потоа другите простории ќе изгледаат посветли во споредба. Не е важно колку се темни ѕидовите во ходникот затоа што секогаш само поминувате покрај нив – објасни Џоа Студхолм, експерт за бои. Сива боја за мала дневна соба Дневната соба е центарот на домот за повеќето од нас, па затоа е важно да се создаде средина која е топла, привлечна и разновидна. „Сивото е модерно и шик, а во исто време пријатен, софистициран избор кој ќе направи вашата мала дневна соба да изгледа посветла и поголема“, вели дизајнерката на ентериер Ен Хепфер. Портокалова за трпезаријата Ако мислите дека светлите бои прават просторот да се чувствува помал, размислете повторно. Кога станува збор за вашата трпезарија, портокаловата боја може да направи просторот да изгледа поголем, но и да му ја даде на вашиот дом потребната живост. Мекоста на портокаловите и земјените нијанси внесува силна енергија во просторот, што го прави поголем. Дури и ако е само еден ѕид, тоа ќе направи вашата трпезарија да делува помоќно, вели експертот за бои Синтија Корнел. Чисто бело за мала кујна Со толку многу бои и нијанси за избор, боењето на просторијата во бело може да изгледа досадно. Но, белата боја може да биде совршена боја за вашата мала кујна. „Ова е полесно да се постигне во кујната отколку во другите простории бидејќи мора да ги земете предвид кујнските елементи“, вели Ен Слоун, основач на „Chalk Paint“. Бело за мала спална соба Дизајнерите на ентериер се согласуваат дека ѕидовите од бела боја можат да создадат илузија на поголема спална соба. – Неутралните бои се секогаш добар избор за зголемување на просторот бидејќи ја поттикнуваат природната светлина што влегува. Најдобри тонови за спалната соба се нежни беж и слонова коска – откри дизајнерката на ентериер Ванеса Александар.

Што смеете, а што не да земете од хотелска соба

Ивона Петрова — Mon, 01 Aug 2022 11:50:14 +0000

Неко работи смеете, а некои секако не смеете да ги земете со себе од хотелската соба. Што смеете да земете: Сапун Сапунот е најчестата работа која гостите во хотелите ја земаат со себе како сувенир. Според Осман Контех кој е генерален менаџер на хотел во Чикаго, во ред е да го направите ова. Сепак важно е да се нагласи дека не треба да се поттикува ова да се прави. Шампон или регенератор Слично како и мини сапуните кои се наоѓаат во хотелската бања, шампонот и регенераторот може да ги земете со себе. Хотелите понекогаш ги брендираат овие предмети и за нив е разбирливо дека гостите сакаат да ги земат како сувенир. Се „бесплатно“ Бесплатните работи може да вклучуваат ќеса за хемиско чистење, кафе, ќесички шеќер... Некои хотели дури даваат и ексклузивни бесплатни подароци за гостите кои секако може да ги земат. Хартија и пенкало Хартиените предмети најчест се брендирани со името на хотелот и служат за маркетиншки цели. Што не може да земете? Пешкири, чаршафи и останатиот дел од постелнината секако е нешто што не би смееле да го изнесувате од хотелската соба. Сепак, според анкета на Телеграф дури 68 проценти од анкетираните признале дека ја земаат постелнината и пешкирите од хотелските соби. Затоа некои хотели ги следат и украдените пешкири благпдарение на електронските ознаки.

20 скопјани се забавувале во една хотелска соба и се бањале во ист базен

Ивана Ефремовски — Sun, 03 Jan 2021 15:41:03 +0000

Надворешната канцеларија за криминалистички работи Крушево поднесе кривична пријава против И.Г. (42), Д.В.(42), З.Б.(29), М.А.(33) В.М.(36), Е.С.(32), Д.Т.(27), С.Н.(19), Н.М.(26), С.М.(36), М.Ц.(36), М.М.(48), А.К.(34), С.К.(36), Б.Г.(38), А.Н.(40), Г.С.(36), В.Д.(36), М.К.(36) и М.Д.(43), сите од Скопје, поради постоење основи на сомнение за сторено кривично дело „непостапување според здравствените прописи за време на епидемија“. На 19.09.2020, пријавените биле во една соба во хотел во Крушево, иако биле предупредени од страна на персоналот на хотелот да не се групираат и да ги почитуваат мерките за заштита од ковид-19. Истиот ден, тие влегле во хотелскиот базен во поголем број од дозволеното, спротивно на протоколот според кој дозволено е присуство на максимум шест лица во базен.

Како во рајот на небото: Вака изгледа собата на внукот на Цеца, пејачката долго ги криеше овие скапоцени детали во домот (ФОТО)

Дарко Андоновски — Tue, 16 Jun 2020 19:10:53 +0000

Сестрата на Богдана Родиќ, Бојана Родиќ покажа како изгледа собата на нејзиниот внук кој воедно е и прво внуче во фамилијата Ражнатовиќ. Гордата тетка на Инстаграм сподели фотографии од собата на малиот Жељко, а фановите веднаш ја споредија со рајот на небото. На фотографиите се гледаат облачиња на ѕидовите, мечиња и специјален кревет за пресоблекување. Секако на ѕидот неизбежен детаљ е и напишаното негово име Жељко. За потсетување Цеца за прв пат стана баба на 3 јуни месецов кога нејзината снаа на свет го донесе Жељко Ражнатовиќ. По прославата со стотиците гости, Цеца и Вељко се заразија со коронавирус, па сега се во изолација.

Групна тепачка во болничка соба во клиничка болница во Тетово

Тале Кристо — Thu, 23 Jan 2020 19:08:43 +0000

Одредени недоразбирања во соба во тетовската болница завршила ноќеска со физичка пресметка. Според првичните информации, двајца тетовци довеле другар, кој бил во алкохолизирана состојба во болницата, а во собата во која биле започнала расправија и физичка пресметка со други лица кои веќе биле таму. – Вчера во 23 часот во СВР Тетово, вработен во тетовската клиничка болница пријавил дека во една од болничките соби на Интерното одделение бил нарушен јавниот ред и мир со физичка пресметка помеѓу К.Б.(29) и С.Р.(26) од една и Н.А.(46) и Ј.А.(41) од друга страна, сите од Тетово. Се работи на расчистување на случајот, информираат од СВР Тетово. Инволвираните ќе се соочат со прекршочна пријава за нарушување јавен ред и мир.

Сексот е подобар во хотелска соба отколку дома

Ристе Здравков — Sat, 09 Feb 2019 15:41:27 +0000

Ако некогаш сте имале секс во хотелска соба и сте помислиле дека ви било подобро отколку кога имате секс дома, сте биле во право, а тоа сега е и научно докажано. Една од главните причини за ваквото чувство, велат научниците, е новото опкружување што го стимулира лачењето на допамин, хормонот на среќа. Истражувањето спроведено во 2018 година покажа дека речиси половина од Американците сметаат дека сексот во хотел е подобар отколку дома, а главна причина е факторот ново опкружување. Оддалечувањето од вашата спална соба во која најчесто имате секс со партнерот/партнерката и престојот во нова, непозната средина е возбудливо само по себе, објаснуваат научниците. Huffington Post објави дека и други истражувања покажале дека новото опкружување го стимулира лачењето на допамин во човечкиот мозок, хормон што има огромна улога во сексуалното возбудување и го зголемува уживањето. Покрај тоа, хотелските соби за двојките се асоцијација за одмор и бегство од секојдневниот стрес што го намалува сексуалниот нагон. Научниците тврдат дека приватноста на хотелската соба го прави сексуалното уживање поопуштено и поудобно. Секс терапевтката Мариса Нелсон вели дека често им предлага на двојките чиј брак е во криза да отидат на викенд во хотел. Таа објаснува дека не мора да направат големо патување, ниту да излезат од градот, туку само да излезат од дома и да имаат простор и време повторно да се поврзат и да бидат интимни.

Ќе ви падне вилицата: Беквалац фрлила брдо пари за ќерката- еве каде спие Катја (ФОТО)

Дарко Андоновски — Tue, 24 Jul 2018 18:40:13 +0000

Пејачката Наташа Беквалац која се породи на крајот од февруари оваа година преживеа вистинска семејна драма само еден месец по породувањето откако ја претепа нејзиниот сопруг. Пејачката долг период ја немаше во јавноста, но поради фановите и ќерките продолжи да се врати посилна од било кога. Таа претходно во неколку наврати ги потсетуваше фановите дека веќе нема потреба да се грижат за неа и нејзината состојба, а доказ за тоа се постојаните настапи и полни дискотеки. Фановите немаат повод за грижа и по најновата објава на Инстаграм на која пејачката сподели фотографии од волшебната соба во која спие нејзината ќерка Катја, погледнете.

Mi jos uvek verujemo u bajke?‍♀️??...i zivimo je?...hvala @babybell_beograd sto ste ucinili da moje cerke Katja i Hana uzivaju u svojoj sobici iz maste?...buduci da smo vec u polusedecem polozaju i da odbrojavamo dane kada krecemo sa pirincanom kasicom Katja u vasoj magicnoj stolici krece sa prvim zalogajem???Divno je imati vas za prijatelje?

A post shared by Nataša Bekvalac (@bekvalceva) on Jul 24, 2018 at 8:41am PDT