собирање – Kurir.mk

Навивачите на Ливерпул започнаа со собирање средства за трансфер на Мбапе – за еден ден собрани 250 илјади фунти

Тале Кристо — Mon, 08 Mar 2021 09:58:19 +0000

Навивачите на Ливерпул решија да организираат акција за собирање средства за трансфер на напаѓачот на Пари Сен-Жермен, Килијан Мбапе. Навивачите планираат да соберат 250 милиони фунти. – Има околу 100 милиони навивачи на Ливерпул во светот. Ако секој од нив учествува и донираш 2,5 фунти, ќе се соберат доволно пари за да го потпишеме Мбапе. Да ги здружиме силите, се вели во петицијата. Собирањето средства се одвива на услугата „GoFundMe“ и досега за еден ден собрани се 250 илјади фунти. Порталот „Transfermarkt“ ја проценува вредноста на 22-годишниот Французин на 180 милиони евра.

Јавните собири во Шведска ограничени на осум луѓе

Магдалена Андонова — Mon, 16 Nov 2020 15:25:22 +0000

Почитувањето на препораките во врска со коронавирусот во Шведска не покажа резултати од пролетта и сега јавните собири ќе бидат ограничени на осум луѓе, во однос на претходниот лимит од 300 лица, изјави денеска шведскиот премиер Стефан Ловен. – Ова е ново правило за целото општество. Не одете во фитнес центри, во библиотели, не организирајте вечери. Откажете, истакна Ловен на прес-конференција. Шведска го привлече меѓународното внимание поради својот невообичаен одговор на пандемијата, избегнувајќи затворање на земјата и потпирајќи се на доброволно почитување на мерките. Стапката на смртност во Шведска по бројот на население е неколку пати поголема отколку кај нејзините нордиски соседи, но е помала отколку во европските држави. (МИА)

Англија воведува забрана за собирање на повеќе од шест лица

Магдалена Андонова — Wed, 09 Sep 2020 12:46:25 +0000

Од понеделник во Англија ќе бидат забранети собири на повеќе од шест лица поради наглото зголемување на бројот на заразени со коронавирусот. Според британската Влада, со измената и дополнувањето на законот ќе се забранат поголеми групни собири во затворени простории и на отворено. Сепак, забраната нема да се применува во училиштата, работните места, за свадби, погреби и организирани тимски спортови, кои се сметаат безбедни од коронавирусот, пренесува Би-Би-Си. Британската Влада соопшти дека се потребни нови ограничувања откако бројот на заразени лица во неделата достигна речиси 3.000 на дневно ниво. Министерот за здравство Мет Хенкок денеска изјави дека новите ограничувања на собирите ќе останат во сила „во догледна иднина“. Тој изрази надеж дека новите правила, заедно со акциите на локално ниво што се преземаат во бројни градови и региони, ќе ја свртат ситуацијата пред Божиќ. Лицата кои ќе ги прекршат правилата се соочуваат со казна од 130 долари за првиот прекршок, и може да бидат казнети со парична казна и до повеќе од 4.000 американски долари. Шкотска, Велс и Северна Ирска досега не воведоа никакви ограничувања. Во Велика Британија со коронавирусот до сега биле заразени вкупно 352.560 лица, од кои 41.586 починале. (МИА)