соборен – Kurir.mk

ВИДЕО: Украинците тврдат дека СОБОРИЛЕ руски борбен АВИОН

Ристе Здравков — Sat, 05 Mar 2022 12:52:04 +0000

Украинската армија денеска прикажа снимка од „нов свој успех“ во борбата против руската инвазија. На социјалните мрежи на кои се постираат фотографии и видеа од украинската армија кружи видео во кое се гледа пад на борбен авион, за кој се тврди дека е руски. На оваа социјална мрежа е постирано видео во кое се гледа пад на наводно руски борбен авион. Авионот, според снимката, е во низок лет кога речиси од заседа е истрелан проектил кон него од украински систем за противвоздушна одбрана, што исклучително прецизно ја погодува целта. Само неколку секунди подоцна, авионот паѓа на земја и доаѓа до голема експлозија, а „печурка“ од густ црн чад и оган надлетала над местото на несреќата, пишуваат на социјалните мрежи.

УКРАИНЦИТЕ ПОТВРДУВААТ Објавено видео од пад на руски воен авион (ВИДЕО)

Ристе Здравков — Thu, 24 Feb 2022 12:24:51 +0000

На социјалната мрежа Фејсбук, украинската војска објави видео од соборувањето на еден руски воен авион. На снимката може да се забележи како авион паѓа од небото, во еден момент почнува да се пали, а по падот на земја тој експлодира. Во позадина се слушаат истрели од автоматско оружје, како и радост на украинските војници. – ЗСУ уништи уште еден борбен авион на руската армија! Верувајте во војската на Украина! – пишува во објавата на Фејсбук. Украинската армија денес соопшти дека соборила пет руски авиони и еден хеликоптер во областа Луганск, на социјалните мрежи пренесува Ројтерс. Руското Министерство за одбрана денес ја демантираше информацијата дека руски авион е соборен над територијата на Украина. – Информациите од странските медиуми за рускиот авион што наводно бил соборен над територијата на Украина се неточни – се наведува во соопштението што го пренесоа руските агенции.

Соборен дрон во близина на Амбасадата на САД во Багдад

Тале Кристо — Tue, 06 Jul 2021 06:16:21 +0000

Беспилотно летало синоќа е пресретнато и соборено во близина на Амбасадата на САД во Багдад, соопштија ирачките безбедносни сили. Во инцидентот нема повредени лица, а дронот не успал да стигне до територијата на Амбасадата. Според ирачката телевизија Ал Хадас се огласиле сирените на Амбасадата на САД откако непознати лица се обиделе да да истрелат ракета кон Зелена зона во центарот на Багдад, каде се лоцирани голем број владини згради и дипломатски мисии. Ирачките власти неодамна ги интензивираа безбедносните сили во Зелената зона, откако шиитска група најави дека ќе одговори на гранатирањето на нејзините позиции на 28 јуни, во близина на границата со Сирија, од страна на американските воздухопловни сили.

Шведска: Соборувањето на авионот, случајно или не, мора да се осуди

Тале Кристо — Sat, 11 Jan 2020 12:53:52 +0000

Шведска бара од Иран без ограничување да соработува во истрагата за соборувањето на украинскиот патнички авион во близина на Техеран, при што загинаа 176 патници и членови на екипажот. – Фактот дека авионот е соборен е ужасен и застрашувачки. Соборување на цивилно летало, без разлика дали е случајно или не, е чин кој мора да се осуди и Иран треба да преземе целосна одговорност во однос на оние кои се погодени со тоа, порача шведскиот премиер Стефан Ловен. Меѓу жртвите во несреќата имало и десет шведски државјани, како и уште седум лица кои имале дозвола за престој во таа скандинавска земја.