соборени – Kurir.mk

Украинските воздухопловни сили собориле 17 руски дронови

Тале Кристо — Fri, 15 Sep 2023 11:26:30 +0000

Украинската противвоздушна одбрана собори голем број беспилотни летала лансирани од Русија во текот на ноќта, соопштија украинските власти. Украинските воздухопловни сили објавија на Телеграм дека од југоисток биле лансирани вкупно 17 беспилотни летала „Шахед“ од иранско производство и дека сите се уништени. Украина, како што денеска соопшти Генералштабот на вооружените сили, го ослободи селото Андријивка во областа Доњецк, кое се наоѓа јужно од Бахмут. Веста за ослободувањето на селото вчера ја соопшти заменик-министерката за одбрана Хана Малиар, но украинската војска набрзо ја демантираше оваа информација.

Украинско воено воздухопловство: Соборивме 17 од 22 дронови

Тале Кристо — Thu, 14 Sep 2023 07:42:43 +0000

Украинската противвоздушна одбрана синоќа уништи 17 руски беспилотни летала, соопшти воздухопловството во Киев, без да прецизира жртви. -Вкупно 22 лансирања беа регистрирани кон регионите Миколаев, Запорожје, Днепропетровск и Суми, соопштија украинските сили на Телеграм. Според резултатите од ноќните борбени операции, противвоздушната одбрана уништила 17 од вкупно 22 непријателски беспилотни летала од типот „Шахед“.

Украинските власти тврдат дека собориле околу 15 руски дронови кај Киев

Тале Кристо — Thu, 03 Aug 2023 06:21:44 +0000

Украинската воздушна одбрана во текот на изминатата ноќ собори околу 15 беспилотни летала кои се движеа кон Киев, изјави утринава началникот на воената управа на Киев, Сергеј Попко. Украинските сили „открија и уништија околу 15 воздушни цели на приодот кон Киев“, изјави Попко на Телеграм, додавајќи дека станува збор за експлозивни дронови од типот „Шахид“. „Според моментално достапните информации, нема жртви или штети во главниот град“, додаде тој. Воздушниот напад, 820-ти по ред врз Киев од почетокот на руската инвазија во февруари 2022 година, траеше три часа, прецизираше Попко.

Украина ноќеска соборила 13 експлозивни дронови лансирани од Русија

Тале Кристо — Mon, 06 Mar 2023 11:36:42 +0000

Украинските власти денеска соопштија дека собориле 13 експлозивни дронови од иранско производство од вкупно 15 лансирани од Русија во текот на ноќта. - Руските освојувачи ја нападнаа Украина од север со дронови Шахед-131/136, соопштија украинските воздухопловни сили. Евидентирани се вкупно 15 лансирања на беспилотни летала, а уништени се 13 „Шахеди“. Според воената администрација на Киев, беспилотни летала биле лансирани и врз главниот град на Украина, но сите биле соборени и немало жртви или материјална штета. Локалните власти додадоа дека испораката на западни системи за противвоздушна одбрана и помогна на Украина поефикасно да се спротивстави на тие закани во последните недели.

Украинците тврдат дека за 18 минути собориле четири руски хеликоптери

Тале Кристо — Wed, 12 Oct 2022 18:10:12 +0000

Украинската армија тврди дека соборила четири руски хеликоптери на југот на земјата за само 18 минути. Противвоздушни ракети на украинските воздухопловни сили утрово во периодот од 8:40 до 8:58 часот, според Украинците, ги погодиле руските хеликоптери. „Целтиривме уште два хеликоптери, така што постои голема веројатност бројот на потврдени соборени хеликоптери да се зголеми“, се вели во соопштението на украинските воздухопловни сили. Украинците тврдат дека еден од соборените хеликоптери, најверојатно напреден борбен хеликоптер Ка-52, се урнал на територија што Украинците неодамна ја ослободија од проруските сепаратисти, додека другите паднале зад непријателските линии. Руските хеликоптери „им пружаа воздушна поддршка на окупаторските пешадиски сили во правец на југ“ кога беа соборени, соопшти украинската армија. Оваа информација е делумно потврдена од проруски извори, наведува „Sky News“.

Генералштаб на украинската армија: Соборени се два руски борбени авиони

Ристе Здравков — Wed, 16 Mar 2022 11:50:26 +0000

Неколку авиони управувани од окупаторските сили се обиделе да нападнат село во областа Одеса, јавуваат агенциите. На југот на Украина утрово во 5 часот противвоздушната ракетна единица на Воздухопловната команда Југ собори два руски суперманеварски борбени авиони Су-30 СМ, пренесува Укринформ. Командата на воздухопловните сили на украинската армија ја објави веста на Фејсбук. „Неколку борбени авиони управувани од окупаторските сили се обидоа да нападнат село во областа Одеса. Противвоздушната ракетна единица на Воздухопловната команда Југ ги уништи двата воени авиони. Пилотите се катапултирале и го следеле авионот до Црното Море“, се наведува во соопштението.

Украинските вооружени сили: Соборивме четири руски авиони за еден ден

Ристе Здравков — Mon, 14 Mar 2022 09:21:28 +0000

Украинските вооружени сили тврдат дека во еден ден собориле четири руски авиони. Тоа го напишаа во нова објава на социјалните мрежи, наведувајќи дека им нанеле погубни удари врз руските теренски бази и магацини. Се додава дека тоа ќе го наруши системот на логистичка поддршка на непријателот на територијата на Украина, која е привремено окупирана. Украина тврди дека за 24 часа уништила четири руски авиони, три хеликоптери и бројни дронови. Се додава дека Русија немала значителен успех во својата офанзива во неделата и дека главните напори на Москва биле насочени кон консолидирање и задржување на претходно окупираните граници. Украина соопшти дека Русија користела цивилна инфраструктура, вклучително и религиозни објекти, за да опреми позиции, распореди оружје и воена опрема.

Украинците соборија уште ЧЕТИРИ руски хеликоптери во областа Николаев (ФОТО)

Ристе Здравков — Sat, 05 Mar 2022 14:08:06 +0000

– Токму во областа Николаев, нашите маринци заедно со колегите од ОК „Југ“ соборија четири хеликоптери на непријателот, така што еден од маринците собори 3 единици одеднаш, -Командантот на поморските сили на вооружените сили на Украина Заден – нагласи адмиралот Алексеј Нејжпапа. – Вистински пример за професионализам, храброст и херојство! И ова е уште еден сигурен чекор до победата! Слава на Украина!, беше соопштено на официјална страница на морнарицата на вооружените сили на Украина. ФОТО: Официјална страница на морнарицата на вооружените сили на Украина

Соборени дронови со експлозив на лет кон Саудиска Арабија

Тале Кристо — Sat, 10 Oct 2020 11:57:08 +0000

Саудиската државна новинска агенција „Сауди прес“ јави дека коалицијата во Јемен детектира и уништи две беспилотни летала со експлозив лансирани од јеменските бунтовници Хути кон цели во Саудиска Арабија. Хутите се уште не ги коментирале наводите на „Сауди прес“. Војната во Јемен помеѓу бунтовниците Хути, поддржани од Иран и провладините сили ескалираше во март 2015 година, кога воена коалиција предводена од Саудиска Арабија интервенираше против бунтовниците, кои контролираат поголем дел од Јемен, вклучително и главниот град Сана. Во судирите убиени се десетици илјади луѓе, приближно четири милиони лица се раселени, а 80 проценти од 29-милионското население е зависно од хуманитарната помош.