собраќајна несреќа – Kurir.mk

Детали за сообраќајката во Чифлик, повредени три лица

Ивона Петрова — Tue, 29 Nov 2022 08:34:47 +0000

Три лица од кои две потешко се повредени во сообраќајна несреќа која вчера попладне се случи на регионалниот пат Берово-Делчево, во с.Чифлик. Во несреќата, информира МВР, учествувале автомобил „фиат пунто“ со велешки регистарски ознаки, управуван од В.М.(22) од с.Тработивиште, делчевско и автомобил „хјундаи галопер“ со беровски регистарски ознаки, управуван од М.Б.(26) од Берово. -Со тешки телесни повреди се здобиле двајцата возачи и Д.С.(45) од с.Град, делчевско, сопатник во возилото „фиат пунто“, констатирани во Клиничка болница Штип, велат од полицијата. Увид на местото извршила екипа од Полициското одделение за безбедност на патниот сообраќај Берово.

Поради сообраќајка, во прекин патот Берово – Струмица

Магдалена Андонова — Wed, 07 Sep 2022 12:39:22 +0000

Патниот правец Берово – Струмица попладнево е во прекин поради сообраќајна незгода. АМСМ соопшти дека сообраќајот на патот е прекинат од 13:25 часот.

Две големи двојни сообраќајки вчера во Турција: Загинаа најмалку 32 лица, околу 50 повредени

Катерина Бојаџиева — Sun, 21 Aug 2022 07:06:03 +0000

Во текот на вчерашниот ден во Турција се случија две големи двојни сообраќајни несреќи, во кои загинаа најмалку 32 лица, а околу 50 луѓе се повредени. Камион, на кој му откажале сопирачките, „влетал“ во толпата во Мардин, откако се судрил со две возила. Потоа, друг камион влета во толпата и повредените. Официјално беше објавено дека загинале 16 лица, а 29 се повредени, од кои осум потешко, јави Анадолија. Несреќата се случила во близина на бензинска пумпа во населбата Дерик откако му откажале сопирачките на камионот. Возачот удрил во две возила пред него, а потоа влетал во толпата и се превртел. Полицијата и итната помош излегоа на самото место да им помогнат на повредените, а се собраа голем број луѓе. Во тој момент друг камион влетал во толпата и потоа удрил во кафулето. Претходно, во друга двојна сообраќајна несреќа, на автопатот меѓу Газиантеп и Низип, 16 лица загинаа во судир на автобус, возило на спасувачката служба и возило на брзата помош. И во овој случај имало две поврзани сообраќајни незгоди, односно автобусот налетал на претходната несреќа каде што биле спасувачите и новинарите.

Судир на мопеди во Штип, едно лице тешко повредено

Ивона Петрова — Tue, 28 Jun 2022 10:45:35 +0000

На 27.06.2022 во 10.25 часот во СВР Штип било пријавено дека на ул.„Гоце Делчев“ се случила сообраќајна несреќа помеѓу мопед „априлија“, со штипски регистарски ознаки, управуван од 16-годишник од Штип и мопед „бостон ејт“, управуван од Ш.З.(37) од Штип, информира МВР. Во несреќата Ш.З. се здобил со тешки телесни повреди, констатирани во Клиничка болница-Штип. Увид извршила екипа од СВР Штип.