собраниски комисии – Kurir.mk

Седници на две собраниски комисии

Ивана Ефремовски — Tue, 24 Oct 2023 05:44:21 +0000

Во Собранието денеска седници ќе одржат комисиите за надворешна политика и за прашања на изборите и именувањата. На дневен ред на собраниската Комисија за надворешна политика се Предлог-законот за ратификација на Договорот за културна соработка меѓу Владата на Република Северна Македонија и Владата на Република Турција и Предлог-законот за ратификација на амандманите на Договорот за основање на Европската банка за обнова и развој. Членовите на Комисијата за надворешна политика треба да ги разгледаат и платформите за дипломатските активности на новите амбасадори. На седницата треба да се обратат поранешниот министер за правда Никола Тупанчески, кој треба да биде амбасадор на земјава во Србија, поранешниот заменик-министер за надворешни работи Андреј Жерновски, кој треба да биде абасадор во Романија, Шпенд Садики треба да биде амбасадор во Израел, Јасмин Ќахил треба да замине во Полска, Сашко Насев во Народна Република Кина, Игор Попов во Бразил и Илбер Села во Германија. Членовите на Комисијата за прашања на изборите и именувањата треба да одржат две седници. На 29-та седница на дневен ред се Утврдување Предлог-одлука за именување на претседател и членови на Државната комисија за одлучување во управна постапка и постапка од работен однос во втор степен и Утврдување Предлог-одлука за именување на претседател и членови на Републичкиот совет за безбедност на сообраќајот на патиштата. На 30-та седница на дневен ред се Утврдување Предлог-одлука за избор на претседател и членови на Државната комисија за одлучување во втор степен во областа на инспекцискиот надзор и прекршочната постапка и Утврдување Предлог-одлука за избор на членови на Државниот совет за превенција на детско претстапништво. (МИА)

Седници на две собраниски комисии

Ивана Ефремовски — Fri, 06 Oct 2023 06:32:57 +0000

Во Собранието денеска седници ќе одржат комисиите за економски прашања и за финансирање и буџет. На дневен ред на седниците е Јавна расправа на тема „Иновативна и конкурентна економија“. Јавната расправа е во рамки на подготовка на Национална развојна стратегија.

Седници на две собраниски комисии

Ивона Петрова — Thu, 20 Jul 2023 05:24:38 +0000

Во Собранието денеска седници ќе одржат комисиите за европски прашања и за здравство. Членовите на Комисијата за европски прашања ќе дискутираат по Предлог-законот за советодавен систем за земјоделство и рурален развој, во прво читање. Предлог-законот за изменување на Законот за здравствената заштита, по скратена постапка е единствена точка на дневниот ред на собраниската Комисија за здравство.

Седници на две собраниски комисии

Ивана Ефремовски — Tue, 09 May 2023 06:01:38 +0000

Во Собранието на Република Македонија денеска седници ќе одржат Комисијата за прашања на изборите и именувањата и Законодавно правната комисија. На дневен ред на Комисијата за прашања на изборите и именувањата ќе биде Утврдување предлози за избор на членови на Советот на јавните обвинители на Република Македонија. Пред членовите на Законодавно - правната комисија ќе се најдат Предлог на закон за ратификација на Конвенцијата за елиминирање на насилството и вознемирувањето на полето на трудот, 2019 (C 190), како и Предлог на закон за ратификација на договорот меѓу Европската унија и Република Македонија за учеството на Република Македонија во „Царините“ Програма на Унијата за соработка во областа на царините. (МИА)

Седница на собраниските комисии за европски прашања и за политички систем

Катерина Бојаџиева — Mon, 08 May 2023 05:34:19 +0000

Во Собранието денеска седници ќе одржат Комисијата за политички систем и односи меѓу заедниците и Комисијата за европски прашања. На дневен ред на Комисијата за европски прашања се предлог законите за изменување на законите за финансиска дисциплина и за финансиските друштва, како и Предлог законот за парничната постапка, Предлог законот за вештачење и Предлогот законот за нуспроизводи од животинско потекло, сите во второ читање. Членовите на Комисијата за политички систем и односи меѓу заедниците, пак, ќе дискутираат за Годишниот извештај ва работата на Државната комисија за спречување на корупцијата за 2022 година, Годишниот извештај за работата на Државната комисија за одлучување во втор степен во областа на инспекцискиот надзор и прекршочната постапка за 2022 година, годишните извештаи на Агенцијата за заштита на правото на слободен пристап до информациите од јавен карактер за 2022 година. Исто така и извештаите за работата на Советот на јавните обвинители, на Државната комисија за одлучување во управна постапка и постапка од работен однос во втор степен во 2022 година, на Агенцијата за администрација за 2022 година, на Агенцијата за заштита на личните податоци за 2022 година, на Инспекцискиот совет за 2022 година, како и Годишниот извештај за спроведување на Националната стратегија за спречување на корупцијата и судирот на интереси 2021-2025, за период 01.01.2022 година до 31.12.2022 година.

Седници на четири собраниски комисии

Дарко Андоновски — Tue, 20 Sep 2022 05:10:07 +0000

Во Собранието денеска седници ќе одржат комисиите за транспорт, врски и екологија, за надзор над работата на Агенцијата за национална безбедност и на Агенцијата за разузнавање, за надзор над спроведување на мерките за следење на комуникациите и Законодавно-правната комисија. Предлог-законот за изменување и дополнување на Законот за градење, по скратена постапка е единствена точка на деневен ред на Комисијата за транспорт, врски и екологија и на Законодавно-правната комисија. Членовите на Комисијата за надзор над работата на Агенцијата за национална безбедност и на Агенцијата за разузнавање треба да го разгледаат барањето од Агенцијата за национална безбедност за давање согласност за назначување на раководител на организациската единица за внатрешна контрола во Агенцијата. Пред членовите на Комисијата за надзор над спроведување на мерките за следење на комуникациите ќе се најдат Извештајот на Јавниот обвинител на Република Северна Македонија за примена на посебни истражни мерки во 2021 година и ревидиран Годишен финансиски план за 2022 година на Оперативно-техничката агенција за средствата од надоместоците од Агенцијата за електронски комуникации.

Седници на четири собраниски комисии

Катерина Бојаџиева — Mon, 09 May 2022 05:49:18 +0000

Во Собранието денеска седници ќе одржат собраниските комисии за финансирање и буџет, за политички систем и односи меѓу заедниците и за одбрана и безбедност, како и Законодавно-правната комисија. На дневниот ред на седницата на Комисијата за финансирање и буџет има шест точки меѓу кои и предлог законите за регулирање на обврските на Република Северна Македонија кон Меѓународниот монетарен фонд по основ на користење на средствата од општата нето кумулативна алокација на специјални права на влечење одобрени со Резолуција на Одборот на гувернери на Меѓународниот монетарен фонд бр.76-1, за гаранција на обврските по Договорот за заем за финансирање на Проектот на ЕСМ за транзиција кон соларни фотоволтаици, кој ќе се склучи меѓу Европската банка за обнова и развој и Акционерското друштво за производство на електрична енергија Електрани на Северна Македонија, во државна сопственост, Скопје, и за гаранција на обврските по Договорот за заем за финансирање на Патен коридор VIII – I фаза на проектот, кој ќе се склучи меѓу Европската банка за обнова и развој и Јавното претпријатие за државни патишта, трите по скратена постапка. На дневниот ред на Комисијата за политички систем и односи меѓу заедниците се Предлог законот за изменување и дополнување на Законот за нациoналната инфраструктура на на просторните податоци на Република Македонија и годишните извештаи за работата на Државната комисија за одлучување во втор степен во областа на инспекцискиот надзор и прекршочната постапка за 2021 година, и за работата на Државната комисија за спречување на корупцијата за 2021 година. Законодавно-правната комисија ќе разгледа осум законски решенија и две барања за давање на автентично толкување меѓу кои и Предлог законот за изменување и дополнување на Законот за нациoналната инфраструктура на просторните податоци на Република Македонија. На седницата на Комисијата за одбрана и безбедност има шест точки на денвен ред од кои две се предлог одлуки за испраќање на на припадници на Армијата на Република Северна Македонија за учество во меѓународната операција на Европската Унија „EUTM RCA“ во Централноафриканската Република и за испраќање на припадник за учество во меѓународната операција на Европската Унија „АЛТЕА“, во Босна и Херцеговина.

Седници на три собраниски комисии

Дарко Андоновски — Thu, 16 Sep 2021 05:18:42 +0000

Во Собранието денеска седници ќе одржат комисиите за економски прашања, за образование, наука и спорт и Законодавно-правната комисија. Членовите на Комисијата за економски прашања ќе расправаат за предлог законите за изменување и дополнување на Законот за концесиии и јавно приватно партнерство по скратена постапка во второ читање, на Законот за трговските друштва во прво читање, на Законот за јавни претпријатија во прво читање и на Законот за државен пазарен инспекторат исто така во прво читање. Единствена точка на дневниот ред на Комисијата за образование, наука и спорт е Предлог законот за изменување и дополнување на Законот за иновациската дејност, во прво читање. Законодавно-правната комисија има повеќе точки на дневен ред со европско знаменце меѓу кои и Предлог законот за медитација, во второ читање.

Седници на три собраниски комисии

Ивона Петрова — Wed, 30 Jun 2021 05:36:04 +0000

Во Собранието денеска седници ќе одржат комисиите за одбрана и безбедност, за локална самоуправа и Законодавно-правната комисија. Предлог-законот за изменување и дополнување на Законот за управување со кризи, во прво читање е единствена точка на дневен ред на Комисијата за одбрана и безбедност. Единствена точка на дневен ред на Комисијата за локална самоуправа е Предлог-законот за изменување и дополнување на Законот за рамномерен регионален развој, по скратена постапка и во читање, поднесен од пратениците Диме Велковски, Боби Мојсоски, Моника Зајкова и Арбер Адеми. Членовите на Законодавно-правната комисија ќе расправаат за Предлог-законот за медијација и Предлог-законот за изменување и дополнување на Законот за управување со кризи, и двата во прво читање. Членовите на Комитетот за односи меѓу заедниците ќе остварат работна средба со Роберт Алаѓозовски, национален координатор за интеркултурализам, едно општество, развој на културата и меѓуресорска соработка.

Седници на три собраниски комисии

Ивона Петрова — Wed, 13 Jan 2021 06:53:06 +0000

Во Собранието денеска седници ќе одржат Комисијата за здравство, Комисијата за европски прашања и Комисијата за транспорт, врски и екологија. На дневен ред на Комисијата за здравство се неколку законски решенија во прво читање како што се предлог-измените на Законот за земање и пресадување на делови на човечкото тело заради лекување, Законот за јавно здравје, Законот за безбедност на козметичките производи и Законот за здравствена и санитарна инспекција. Членовите на Комисијата за европски прашања ќе расправаат за Предлог-законот за развој, производство и промет на воени стоки, Предлог-законот за лобирање и измените на Законот за квалитетот на амбиенталниот воздух, сите во прво читање. Комисијата за транспорт, врски и екологија ќе ги разгледа Предлог-измените на Законот за внатрешна пловидба, на Законот за јавна чистота, на Законот за генетски модифицирани организми, на Законот за заштита од бучава во животната средина…