собраниски седници – Kurir.mk

Седници на собраниските комисии за еднакви можности и за труд и социјална политика

Ивона Петрова — Mon, 30 May 2022 05:54:33 +0000

Во Собранието денеска седници ќе одржат комисиите за еднакви можности на жените и мажите и за труд и социјална политика. На Комисијата за еднакви можности на жените и мажите ќе се формира Работна група за реализација на Планот на активности за унапредување на родовата сензитивност на Собранието на Република Северна Македонија 2022-2024. На дневен ред на Комисијата за труд и социјална политика се Предлог на закон за изменување и дополнување на Законот за пензиското и инвалидското осигурување, по скратена постапка, Предлог на закон за изменување на Законот за работните односи и Предлог на закон за изменување и дополнување на Законот за работните односи.

Четири пленарни седници и седница на Комисијата за политички систем и односи меѓу заедниците

Ивона Петрова — Fri, 01 Apr 2022 05:43:35 +0000

Собранието за денеска има закажано четири пленарни седници, а седница треба да одржи и Комисијата за политички систем и односи меѓу заедниците. Според веб страницата на Собранието, треба да се одржат 54-та, 30-та, 66-та и 41-та пленарна седница на чиј дневен ред се останати уште неколку точки за разгледување. Комисијата за политички систем и односи меѓу заедниците, пак, треба да расправа за Предлог-законот за Академија за судии и јавни обвинители, во прво читање.

Во Собранието закажана нова и продолженија на две други седници

Дарко Андоновски — Thu, 15 Jul 2021 05:40:35 +0000

За денеска во Собранието се закажани продолженија на три собраниски седници, новата 46. и продолженија на 41. и 45. пленарна седница. На дневен ред на 46. седница се Предлог на закон за изменување на Законот за социјалната заштита во второ читање, Предлог на закон за изменување и дополнување на Законот за извршување на Буџетот на Северна Македонија за 2021 година, по скратена постапка, како и Предлог на закон за изменување и дополнување на Законот за воведување на систем за управување со квалитетот и заедничката рамка за процена на работењето и давањето на услуги во државната служба, во прво читање. Меѓу заостанатите точки на дневниот ред на 41. седница како последни две точки се ставени интерпелациите на министерот за правда Бојан Маричиќ и вицепремиерот за борба против корупција, за одржлив развој и човечки ресурси, Љупчо Николовски, но нема информации кога ќе се одржат дебатите за нив. Меѓу другите точките на дневниот ред се Предлог на закон за изменување и дополнување на Изборниот законик во прво читање, Предлог на закон за изменување и дополнување на Законот за урбанистичко планирање, по скратена постапка, Предлог на закон за изменување и дополнување на Законот за личната карта, во прво читање, како и Предлог на закон за образование на возрасните во прво читање. На 45-та седница пратениците ќе расправаат за Предлог на закон за изменување и дополнување на Законот за неевидентирани лица во матичната книга на родени, по скратена постапка, Предлог на закон за дополнување на Закон за научно-истражувачката дејност, дополнетиот предлог на закон за изменување и дополнување на Законот за високото образование, дополнетиот предлог на закон за изменување и дополнување на Законот за здравствената заштита во второ читање, како и Предлог на закон за медијација во прво читање.

Законите од петтиот антикризен пакет пред членовите на собраниските комисии

Ивона Петрова — Wed, 14 Apr 2021 05:21:18 +0000

Законите од петтиот пакет антикризни мерки денеска се на дневен ред на собраниската Комисија за финансирање и буџет и Законодавно-правната комисија. На веб страната на Собранието закажани се две седници на Комисијата за финансирање и буџет, а на дневен ред се предлог-законите за финансиска поддршка на физички лица кои вршат самостојна дејност и за финансиска поддршка на работодавачите погодени од здравствено-економската криза заради исплата на платите за февруари и март, како и измената на Законот за данок на личен доход, сите во второ читање. На втората последователна седница членовите на Комисијата за финансирање и буџет треба да разгледаат повеќе предлог-закони, меѓу кои за дополнување на Законот за финансиска поддршка на граѓани со низок доход, корисници на пензија, корисници на право на социјална сигурност на стари лица, млади лица, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници во второ читање и Предлог – закон за изменување на Законот за игрите на среќа и за забавните игри, исто така во второ читање. Пред членовите на Законодавно-правната комисија, се повеќе точки, меѓу кои предлог-одлуката за одобрување на продолжување на рокот за постоење на кризна состојба на дел од територијата заради заштита од илегална миграција и заштита на јавното здравје во услови на постоење на пандемија и предлог-законот за дополнување на Законот за финансиска поддршка на граѓани со низок доход, корисници на пензија, корисници на право на социјална сигурност на стари лица, млади лица, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници, во второ читање. На втората последователна седница членовите на Законодавно-правната комисија треба да ги разгледаат предлог-законите за финансиска поддршка на физички лица кои вршат самостојна дејност погодени од здравствено-економската криза предизвикана од вирусот КОВИД-19, за месеците февруари и март 2021 година, за финансиска поддршка на работодавачите погодени од здравствено-економската криза предизвикана од вирусот КОВИД-19, заради исплата на платите за февруари и март годинава и за измена на Законот за данок на личен доход, сите во второ читање.

Седници на три собраниски комисии

Ивона Петрова — Fri, 15 Jan 2021 06:16:05 +0000

Во Собранието денеска седници ќе одржат комисиите за одбрана и безбедност, за финансирање и буџет и Законодавно – правната комисија. На дневен ред на Комисијата за одбрана и безбедност се измените и дополнувањата на Законот за посебните права на припадниците на безбедносните сили и на членовите на нивните семејства, во второ читање, Предлог законот за развој, производство и промет на воени стоки, во прво читање, измените и дополнувањата на законот за странци, измените на Законот за полиција, на Законот за заштита од експлозивни материи, на Законот за складирање и заштита од запални течности и гасови, на Законот за детективска дејност и на Законот за гранична контрола, сите во прво читање. Членовите на Комисијата за финансирање и буџет ќе одлучуваат за измените на Законот за вршење на услуги брз трансфер на пари, на Законот за задолжница, на Законот за меница, на Законот за фондот за осигурување на депозити и на Законот за лизинг, сите во прво читање. На дневен ред се и измените и дополнувањата на Законот за ревизија на инструментот за претпристапна помош (ИПА) и измените на Законот за финансиските друштва, во прво читање. Членовите на Законодавно – правната комисија денеска треба да одржат три седници.

Седници на пет собраниски комисии

Дарко Андоновски — Wed, 05 Feb 2020 08:15:18 +0000

Во Собранието денеска седници ќе одржат пет комисии кои треба да разгледаат дел од предлог-законите што вчера беа ставени на 131. пленарна седница. На дневен ред на Комисијата за европски прашања се Предлог-измените на Законот за трговски друштва во прво читање, како и Предлог-законот за заштита на личните податоци и Предлог законот за управување со движењето на предметите во судовите, двата во скратена постапка. Комисијата за економски прашања ќе расправа за Предлог-измените на Законот за минерални суровини, измените на Законот за Државен пазарен инспекторат, како и измените на Законот за техничка инспекција и на Законот за контрола на извоз на стоки и технологии со двојна употреба. Членовите на Комисијата за надворешна политика ќе ги разгледаат Предлог законот за ратификација на Амадманот кон Монтреалскиот протокол за супстанциите што ја осиромашпуваат озонската обвивика и Предлог законот за ратификација на Минамата Конвенција за жива. Законодавно-правната комисија ќе ги разгледа предлог-законските решенија кои се на дневен ред на претходните комисии. Комисијата за култура организира надзорна расправа за културните политики и начинот на донесување на Годишната програма на Министерството за култура за проекти од национален интерес, со посебен осврт на реализацијата на Програмата за 2018 година.

Седници на повеќе собраниски комисии, на дневен ред и измените на Законот за контрола на опојни дроги

Ивона Петрова — Thu, 19 Dec 2019 06:47:02 +0000

Во Собранието на РСМ денеска седници ќе одржат комисиите за здравство, за надворешна политика, за локална самоуправа и Комисијата за одбрана и безбедност. Членовите на Комисијата за здравство ќе расправаат за измени и дополнувања на повеќе предлог закони, меѓу кои се и измените на Законот за континуирано стручно усовршување на докторите на медицина во прво читање, измените и дополнувањата на Законот за контрола на опојни дроги и психотропни супстанции и измените на Законот за прекинување на бременоста, сите во прво читање. Предлог – законот за ратификација на Спогодбата помеѓу Владата на Република Северна Македонија и Владата на Република Франција која се однесува на средните училишта со франкофонски двојазични паралелки е единствена точка на дневен ред на Комисијата за надвпрешни работи. Комисијата за локална самоуправа организира јавна расправа на тема: Спроведување на Законот за локална самоуправа во однос на работата на Комисиите за односи меѓу заедниците на локално ниво (членови 41 и 55). Комисијата за одбрана и безбедност треба да се изјасни по Предлог – одлуката за изменување на Одлуката за одобрување на продолжување на рокот за постоење на кризна состојба заради зголемен обем на влез и транзитирање на мигранти низ територијата на Република Северна Македонија и по Информацијата за потребата од склучување на договор со Владата на САД за набавка на лесни оклопни возила на тркала за потребите на Армијата на Република Северна Македонија.

Седници на две собраниски комисии

Ивона Петрова — Tue, 18 Dec 2018 06:47:26 +0000

Во Собранието на Република Македонија денеска седници ќе одржат Комисијата за прашања на изборите и именувањата и Законодавно-правната комисија. На дневен ред на Комисијата за прашања на изборите и именувањата се Предлог-одлуките за именување на членови на Државната комисија за спречување на корупцијата и на Комисијата на Агенцијата за електронски комуникации, како и Предлог-одлуката за избор на претседател и членови на Советот за граѓански надзор и Предлог-одлуката за избор на член на Државниот совет за превенција на детско претстапништво. Законодавно-правната комисија ќе ги разгледа измените на Законот за задолжително капитално финансиско пензиско осигурување, на Законот за пензиско и инвалидско осигурување и на Законот за Црвениот крст на Република Македонија, сите во прво читање. МИА