сочи – Kurir.mk

ФИА ја откажа трката во Сочи

Ристе Здравков — Fri, 25 Feb 2022 14:19:03 +0000

ФИА ја избриша од календарот трката за Големата награда на Русија. Одлуката била донесена на состанокот на акционерите. Заклучиле дека не е возможно трката да се одржи во вакви околности. Според календарот, Големата награда на Русија требаше да се вози на 25.септември. Новата сезона ќе започне од Бахреин на 20.март. Од пред два дена тимовите се во Барселона, каде во тек се официјалните тестирања.

НЕОБИЧЕН ФЕНОМЕН НАД РУСИЈА – сите гледаа и се восхитуваа, а се верува дека е предзнак на ова (ВИДЕО)

Магдалена Андонова — Fri, 19 Mar 2021 09:28:52 +0000

Пред неколку дена, жителите на Сочи присуствуваа на еден магичен момент - сонцето имаше свој ореол. Природен феномен, наречен „Хало“, се јавува кога сончевите зраци се прекршуваат во атмосферата на Земјата. Обично може да се забележи во зима и се верува дека е еден од најточните знаци на влошување на времето и пристигнување на обилни дождови. Погледнете како изгледаше овој оптички феномен во видеото.

Откажан денешниот спуст во Сочи

Дарко Андоновски — Sat, 01 Feb 2020 09:25:12 +0000

Денешниот спуст кај дамите во Сочи беше откажан поради лошите временски услови, соопштија организаторите. „За жал, напорите на 200 луѓе кои работеа цела ноќ на трасата се покажаа недоволни. Вчера врнеше многу во одморалиштето. Ова утро времето е подобро и затоа сметаме дека има шанса за трката во Супер-Г утре“, се вели во изјавата на Руската ски федерација. Натпреварувачите не успеаја да го направат тренингот во спуст, што е задолжително. Во четврток и петок, тренингот беше откажан, а еден беше закажан порано денес пред почетокот на трката. Тој исто така не се одржа поради состојбата на патеката. И минатата година истите два старта во Сочи беа откажани поради лошите временски услови.

Средба Путин-Ердоган за пет дена

Ивона Петрова — Thu, 17 Oct 2019 06:41:23 +0000

Турскиот претседател Реџеп Тајип Ердоган на 22 октомври во Сочи ќе се сретне со својот домаќин, рускиот претседател Владимир Путин, соопшти синоќа кабинетот на турскиот претседател. Во вчерашниот телефонски разговор Путин го покани Ердоган да ја посети Русија, за да разговараат за процесот на политичко решавање на ситуацијата во Сирија. Британските медиуми потсетуваат дека двете земји имаат свои воени сили во Сирија, каде Турција почна акција против тамошните Курди, додека руските војници им даваат поддршка на сириските владини сили, кои напредуваат кон север. Турција на 9 октомври ја почна операцијата „Извир на мирот“ на северот од Сирија со цел, според наводите на Анкара, да создаде тампон зона долж границата меѓу двете земји, каде планира да ги врати сириските бегалци, како и од својата граница да ги отстрани Курдите, кои ги смета за терористи. Сирија оваа турска акција ја гледа како чин на агресија, а потегот на Анкара наиде на осуда на речиси целата меѓународна заедница.

Руската Формула 1 трка ќе се пресели од Сочи во Санкт Петербург

Дарко Андоновски — Fri, 27 Sep 2019 14:14:52 +0000

Трката од Формула 1 шампионатот која в недела ќе се вози на патеката во Сочи, би можела да биде претпоследна во овој олимписки град на Црното море. Според најавите, наместо во Сочи, трките за Големата награда на Русија од 2021 година ќе се возат во Санкт Петербург. Русите вложија многу пари за изградба на Ф1 патеката во Сочи, но инвестицијата не им се исплати, бидејќи трибините никогаш во овие пет години не беа полни. Според претседателот Владимир Путин, идеално решение за преселба би бил Санкт Петербург, и тоа за две години. Во некогашен Ленинград ќе треба да се изгради нов автодром, иако во минатото таму биле почетоците на тркачките спортови во Русија. Досега на трките во Сочи, секогаш победуваат пилоти на Мерцедес, а годинава ќе имаат сериозна конкуренција во Ферари.

Авион излета од писта, голем број повредени

Матеја Петровски — Sat, 01 Sep 2018 07:12:36 +0000

Најмалку 18 луѓе се повредени откако авион синоќа излета од пистата и делумно се запали на аеродромот во Сочи, соопшти руското Министерство за здраство. Боинг 737 со 164 патници и шест членови на екипажот леташе од Москва за Сочи. Меѓу повредените има и три деца. Авионот излета од пистата при слетување, ја проби заштитната ограда и заврши на брегот на реката во близина. Потоа се запали тркалото и крилото на авионот, како и левиот мотор. Поради инциднетот денеска се одложеби 20-тина летови од аеродромот во Сочи. (Миа)

Пожар во станбена зграда во Сочи

Дарко Андоновски — Mon, 02 Apr 2018 17:04:37 +0000

Над 50 лица, меѓу кои и 15 деца, се евакуирани попладнево од своите домови, откако пожар зафати петкатна станбена зграда во центарот на рускиот град Сочи. Според локалната полиција, пожарот, кој започнал на покривот на објектот, досега уништил над 600 метри квадратни површина. Во тек е операција на противпожарните екипи за гаснење на огнот. Претставник на противпожарната служба изјави дека во градот дува силен ветер, кој достигнува брзина и до 20 метри во секунда, што го отежнува гаснењето на огнот и може дополнително „да ја усложни состојбата“. Засега нема информации за жртви при пожарот.