сочуство – Kurir.mk

Реал Мадрид испрати порака со сочувство до Кристијано Роналдо за смртта на неговиот син

Магдалена Андонова — Mon, 18 Apr 2022 20:44:30 +0000

Кристијано Роналдо објави дека неговиот син починал на породување, а порака со сочувство му испрати Реал Мадрид, клубот во кој Португалецот ги помина најславните денови во кариерата. Роналдо ја објави тажната вест на Инстаграм, а порака со сочувство и до семејството му испрати клубот во кој Роналдо постигна вкупно 450 голови. - Реал Мадрид, неговиот претседател и одборот на директори се длабоко тажни поради смртта на едното дете кое го чекаше нашиот драг Кристијано Роналдо и неговата партнерка Георгина Родригез. Реал Мадрид ја споделува болката на семејството и сака да им ја испрати сета топлина – се наведува во пораката на „кралскиот клуб“. Роналдо играше за Реал Мадрид од 2009 до 2018 година.

САД со сочувство до ЕУ за смртта на претседателот на ЕП, Давид Сасоли

Тале Кристо — Wed, 12 Jan 2022 14:51:10 +0000

САД испраќаат длабоко сочувство до народот на Европската Унија за починувањето на Давид Сасоли, претседател на Европскиот парламент. -Претседателот Сасоли ќе биде запаметен како силен поддржувач на партнерството меѓу САД и ЕУ, како глас за демократијата и човековите права на глобално ниво, и застапник за Европска Унија која служи на своите граѓани и е посилна поради различностите, наведува портпаролот Нед Прајс. Нашите мисли се со неговото семејството и саканите, се вели во соопштението од Стејт департментот.

Стојкоски изрази сочуство до семејството на Благоја Дончев

Магдалена Андонова — Sun, 24 Oct 2021 17:54:56 +0000

Сакам да изразам мое лично сочуство до семејството на Г-дин Благоја Дончев, долгогодишниот Претседател на управен одбор и генерален директор на ADING , компанија со база во нашата општина и гигант во градежната индустрија, стои во Фејсбук објавата на идниот градоначалник на општина Ѓорче Петров, Александар Стојкоски. Тој напиша дека пред повеќе години имал прилика да разговара со Дончев и бил воодушевен од светскиот успех на македонската компанија. - Компанијата изгуби пред се човек, родител и еден од најголемите визионери во нејзината историја. Дополнително, неговата големина и значајна улога во македонската економија е што преку свој личен пример и посветеност, успеа да го пренесе неговиот ентузијазам многу пошироко, секогаш нагласувајќи дека и останатите македонски компании можат и мораат да создаваат брендови кои ќе излезат вон нашите граници, додава Стојкоски во својата објава.

Мицкоски: Сочувство до семејството Иванови за загубата на Љубисав Иванов – Ѕинго

Магдалена Андонова — Tue, 17 Nov 2020 10:28:52 +0000

Изразувам длабоко сочувство до семејството Иванови за загубата на г-динот Љубисав Иванов - Ѕинго. Тој ќе остане запаметен како еден од најискусните политичари кои својот капацитет, искуство и истрајност ги насочија кон градење на слободна и независна Македонија, стои во Фејсбук статусот на лидерот на ВМРО-ДПМНЕ, Христијан Мицкоски. - Неговата политичка, но и деловна кариера потврдува дека станува збор за еден од највпечатливите личности која имаше визија и мудрост да опстои и истрае. Беше мој пријател, соработник и коалиционен партнер со кој имав принципиелна соработка и прилика да разменам искуства и заедно да бидеме на вистинската страна на политичката сцена. Ми беше поддршка кога бев генерален секретар на ВМРО-ДПМНЕ и сега во времето кога имам можност да ја раководам. Граѓаните денеска изгубија добар човек, политичар и пријател. Почивај во мир пријателе и лесна ти земја!, пишува тој.

ВМРО-ДПМНЕ изразува сочуство за загубата на Мазлум Хасан

Магдалена Андонова — Tue, 08 Sep 2020 10:27:35 +0000

ВМРО-ДПМНЕ изразува сочувство за загубата на Мазлум Хасан, поранешен градоначалник на општина Центар Жупа. Неговото заминување е од непроценлива загуба за неговото семејство, неговите пријатели. Заминувањето на Хасан е загуба и за турската заедница во Македонија.ВМРО-ДПМНЕ соработуваше со Хасан за време на неговиот мандат, а Хасан беше и наш голем пријател. Тој со својот ангажман има придонес за развојот на Центар Жупа и целиот регион, промоција на културата и традицијата од тој дел на нашата земја, стои во соопштението на ВМРО-ДПМНЕ