Германските зелени и либералите се согласија на преговори со социјалдемократите

Тале Кристо — Wed, 06 Oct 2021 13:51:00 +0000

Германската Партија на зелените сака да почне преговори со Социјалдемократската партија на Германија (СПД) и Либерално-демократската партија (ФДП) за формирање коалициска влада, а нејзината согласност за почеток на преговорите за создавање на таканаречаната „Семафор коалиција“ ја потврди и ФДП, соопштено е денеска во Берлин. -Заклучивме дека е паметно, особено по заедничките позиции што се искристализиравме по првичните разговори, да ги продолжиме преговорите со СПД и ФДП, изјави копретседателката на зелените, Аналена Баербок. ФДП веднаш даде согласност за почеток на подлабоки преговори за коалиција предводена од СПД и кандидатот за канцелар Олаф Шолц. -ФДП ќе ја прифати понудата за преговори за коалиција со СПД и зелените, рече членот на претседателството на ФДП, Ханс-Улрих Рилке, по денешниот рано утрински состанок на партиското претседателство. Рилке, меѓутоа, ја остави отворена можноста за преговори и со Христијанско-демократската унија ЦДУ/ЦСУ за состав на таканарелената „Јамајка коалиција“ меѓу демохристијаните, зелените и либералите. -Денешната одлука за почеток на преговори со СПД и зелените не значи дека „ Јамајка коалицијата“ е исклучена, рече Рилке. По парламентарните избори што се одржаа на 26 септември, СПД излезе како победник со 25,7 проценти од гласовите. ЦДУ/ЦСУ го постигна најслабиот резултат во историјата со 24,1 проценти. Зелените се на трето место со 14,8 и ФДП со 11,5 проценти. Зелените и ФДП првично меѓусебно преговараа за заеднички позиции по изборите и изгледите за формирање коалиција или со СПД или со Унијата. Кандидатот за канцелар на СПД, Олаф Шолц, претходно објави дека целта на неговата партија е до крајот на глодината да формира влада со зелените и либералите.

Романските социјалдемократи освоија мнозинство, влада повторно ќе составуваат либералите

Магдалена Андонова — Mon, 07 Dec 2020 08:40:06 +0000

Романската опозициска Социјалдемократска партија (ПСД) освои мнозинство на вчерашните парламентарни избори, пред се, на бранот на незадоволството на гласачите од пандемијата на коронавирусот, покажуваат денешните првични резултати на независната комисија „Шифра“. Таа соопшти дека социјалдемократите освоиле 29,27 проценти од гласовите, а либералите на премиерот Лудовиќ Орбан 25,57 проценти, врз основа на 96 проценти од преброените гласови, но во оваа бројка не биле вклучени и 265.000 гласа од дијаспората. Британските медиуми пренесуваат дека сојузот УСР-Плус, најверојатен коалициски партнер на либералите, доби 15,5 проценти од гласовите. Следниот парламент најверојатно ќе има пет партии, вклучувајќи го и унгарското малцинство УДМР и новата партија, Алијансата за обединување на Романија, која се смета за ултранационалистичка група. Актуелниот романски премиер Лудовико Орбан уште синоќа прогласи победа на неговата владеачка Национал-либерална партија на парламентарните избори. Во Романија вчера се одржаа парламентарни избори, на кои право на глас имаа 18 милиони граѓани. (МИА)

социјалдемократи – Kurir.mk

Германските зелени и либералите се согласија на преговори со социјалдемократите

Романските социјалдемократи освоија мнозинство, влада повторно ќе составуваат либералите