социјалистичка партија – Kurir.mk

СП: Конфронтирањето меѓу двајца министри е вовед во внатревладините кавги кои допрва ќе се разгоруваат

Катерина Бојаџиева — Thu, 26 Oct 2023 08:21:52 +0000

Социјалистичката партија на Македонија оценува дека конфронтирањето меѓу двајцата министри е вовед во внатревладините кавги кои допрва ќе се разгоруваат. Расипаниот и раштимуван состав на Владата е скрпен само од коруптивни интереси затоа што тој нема знаење ни капацитет да ја води државата. -Кавгите во Владата не ги приметува само премиерот Ковачевски со ножиците во раката растрчан од една лента на друга за „свечено“ отварање, за потоа за „доброто на државата“ да отпатува околу светот. На јавноста повторно и укажуваме на Бујар Османи кој лицемерно гледа предизвик и добра можност за зголемување на платата и рејтингот кој никому ништо не му значи. Особено иритирачки за граѓаните е што за него работењето во тајност на неговата македонско-бугарска историска комисија е нормална ненормалност, а за секој што ќе му најде забелешка примитивно го дискредитира како албанофоб иако самиот тој директно и упорно работи против македонската држава. Општиот заклучок за СДС заедно со ДУИ и другите партии во власта е нивната невидена упорност во продолжање на деновите на владеење само за да крадат повеќе и подолго на грбот на народот. Социјалистичката партија на Македонија напоменува дека народот гледа и не заборава како оваа власт на СДС и ДУИ го доведе во беда и сиромаштија и до безизлеснот. Потребно е на оваа искорумпирана, криминална и предавничка влада секојдневно и упорно да и се повторува нужноста за нејзината итна оставка или изборна промена, додаваат од Социјалистичка партија на Македонија.

СП: Пописот беше лошо спроведен

Ивона Петрова — Fri, 23 Jun 2023 13:07:31 +0000

Социјалистичката партија на Македонија потсетува дека Пописот од 2021 година во периодот на неговото спроведување од повеќето партии меѓу кои и од СПМ беше оценет како лошо спроведен, без соодветна регулатива, со лоша методологија и без позитивна оценка од Евростат. И покрај укажувањата од експертите и политичките партии власта си спроведе попис спротивно на стандардите и доби податоци кои се малку употребливи, нејасни и некорисни. Се манипулираше со местото на живеење, попишување со изјави и без документи, попишување за други лица, самопопишување на дијаспората, отсуство на контрола на попишувачите, отсуство на хартиена форма на податоците и друго, Сето тоа овозможи да се изврши инженеринг и манипулација со бројките кои се објавија од пописот, за што опозицијата предупредуваше. Ја потсетуваме јавноста на самонабеденото однесување на директорот на Заводот за статистика со неговата неприкладна конфронтација со политичките фактори, но и со целата јавност, за на крај резултатите да бидат верификувани од страна на неговиот заменик, како апсурден крај на целата статистичка операција според желбите на власта на СДС и ДУИ. Отвореното сомнмевање во реализацијата на пописот го потврди Државниот завод за ревизија во својот Извештај за Пописот 2021.каде констатира недоследности во начинот на планирање на средствата, набавката на совтверската апликација за самопопишување, набаката на преносни компјутери и начинот на исплата на надоместоците. И покрај бројните забелешки и констатирани пропусти Државниот завод за ревизија потврдува му дава делумен легитимитет на Пописот, но со загрижувачки забелешки кои сериозно ја доведуваат во прашање исправноста на Пописот, а со тоа и на пописните резултати. Затоа сомнежите кои останаа кај мнозинството граѓани после Извештајот на ДЗР повторно се актуелизираат на што следи нашата сериозна реакција. Социјалистичката партија на Македонија оценува дека се бројни нелегитимните настани кои го следеа пописот и посебно оспорените законски основи за спроведуавњето на оваа операција за која се потрошија 7,9 милиони евра, а се добија ограничени или безкорисни ефекти. Со активностите и соопштенијата со кои се обраќа Државниот завод за статистика врз база на објавените пописни податоци се согледува неправилната поставеност на власта и парламентот, односно институционалните надлежности, притисоци и влијанија врз нив од страна на СДС и ДУИ заради што произлезе одредена несоодветност на пописот и на пописните постапки и резултати. Социјалистичката партија на Македонија констатира дека со сè што е сработено и прикажано се потврдува дека Пописот 2021. е политичка, а не статистичка операција направена за власта на СДС и ДУИ зошто е следена со бројни неправилности и сомнежи од граѓаните во државата и во странство. За свесни направените пропусти и манипулации во делот на набавките, користењето на софтерските решенија и апликации, начинот на попишување одговорните лица мора да сносат одговорност, за што надлежните институции во согласно со законските надлежности потребно е целиот случај детално да го испитаат. Оттаму сметаме дека нов попис ќе биде неопходен во услови кои ќе ги обезбеди новата демократска и легитимна власт на Република Македонија.

СПМ: Тупанчевски не размислува за последиците кои може да се случат со со толкувањето на говорот на омраза

Ристе Здравков — Mon, 25 Jul 2022 10:24:16 +0000

Социјалистичката партија на Македонија веќе укажа на последиците од понижувачкиот бугарски Протокол кој за министерот за правда Тупанчевски бил прилично апстрактен, а говорот на омраза не треба да се поврзува со Бугарија, се вели во партиското соопштение на Социјалистичката партија. -Според Тупанчевски наставките во новиот Кривичен Законик, поврзани со кривичната одредба и кои посочуваат на омраза предизвикана „врз основа на закон или ратификуван меѓународен договор“ се меѓународна пракса, но не биле поврзани со настаните во нашата држава. Го потсетуваме министерот Тупанчевски дека оваа одреда со непроменет текст постои во Кривичниот Законик, меѓутоа едностраноста и селективноста на министерот не му дозволуваат да признае дека воопшто и не постоел оваков билатерален Протокол кој остава простор за слободно толкување на говорот на омраза. Како секој министер во Владата на СДС и ДУИ и Тупанчевски го одобрува ваквиот Протокол, но и тој не размислува за последиците кои се случуваат или ќе се случат. Дотолку повеќе што Тупанчевски, како министер за правда и професор по кривично право, укажува на широкото толкување на Протоколот и на фактот што истиот ќе предизвика класична цензура. Нагласуваме дека не е проблематична меѓународната усогласеност на одредбата за омраза во Кривичниот Законик, проблем е меѓународниот преседан и меѓународната неусогласеност на Протоколот кој Тупанчевски упорно го поддржува. Оттаму прашањето е кога Тупанчевски зборува за националните институции кои ќе одлучуват дали постои или не говор на омраза, мисли на институциите во кои само 8% од граѓаните имаат доверба или можеби ќе може да објасни како на база на неправедниот Протокол ќе спроведува правда во Македонија. Со целата почит кон академската професија на министерот би било добро да престане со бламирањето. Барем да го сачува достоинството, ако не сопственото, тогаш на научната институцијата која ја преставува и конечно, штотуку поставен, да си поднесе оставка од должноста министер за правда, истакнуваат од Социјалистичката партија. Социјалистичката партија на Македонија укажува дека ова е само еден мал дел од проблемите кои ќе произлезат од квинслишкиот протокол со Бугарија. Пошироката јавност дополнително ќе стане свесна за тежината на сидрото кое е обесено околу Македонија со потпишувањето на овој срамен Протокол и последиците кои произлегуваат од него, додаваат од таму.

Се вжештува атмосверата во Албанија: Убиен активист на Социјалистичката партија, претходно беше пукано во штаб на опозициската партија (ВИДЕО)

Тале Кристо — Wed, 21 Apr 2021 14:16:03 +0000

Еден убиен и две лица провредени е исходот од вооружената престрелка која што се случи денеска во албанскиотград Елбасан. Во престрелката животот го загубил Пјерин Џувани активист на Социјалистичкатапартија, а ранети се еден полициски службеник и уште едно лице, кое се уште не е идентификувано. Како што пренесуваат албанските медиуми, причина за вооруженатапрестрелка била купувањето гласови во населеното место „пет“ во Елбасан. Инаку, пред еден ден во Каваја со огнено оружје беше пукано во штаб на Демократската партија на Баша, при што исто така имаше и повредени.