социјални случаи – Kurir.mk

Пратеничка од СДСМ се пофали: Го зголемивме бројот на социјални случаи

Тале Кристо — Sun, 16 Jan 2022 20:58:50 +0000

Во тек е собраниската седница на која се дискутира за составот и изборот на новата влада која ќе биде предводена од мандатарот Димитар Ковачевски. Свое обраќање пред пратениците имаше и пратеничката од редовите на СДСМ, Марија Георгиевска која истакна дека за време на овој период од владеењето на СДСМ се зголемил бројот на социјални случаи. -Навистина има со што да се пофалиме, вели таа во реплика до свој колега и додава: -Зголемена е бројката на луѓе кои што примаат социјална помош. [video width="640" height="368" mp4="https://kurir.mk/wp-content/uploads/2022/01/video-1642366604.mp4"][/video]

Расте бројот на сиромашни семејства во Македонија: Се зголеми бројот на социјални случаи

Ивана Ефремовски — Tue, 30 Nov 2021 15:43:41 +0000

Ковид пандемијата го зголеми бројот на корисници на социјална помош. Оваа година уште 8,5 илјади домаќинства се приклучиле на листата социјалци, а за наредната, министерката за труд очекува дополнителни 5,5 илјади семејства. Ова значи дека нови 14 илјади домаќинства осиромашиле и останале без работа поради пандемијата, анализира Сител. Сепак, министерката за труд и социјална политика уверува дека пари ќе има за сите кои ќе се пријават. -Минатата година корисници на социјална помош биле 35.500 домаќинства што значи дека за една година, оваа 2021 се запишале нови 8,500 семејства. За наредната, со оглед на тоа дека кризата ќе потрае, се очекуваат нови 5,500 корисници на социјална помош, изјави министерката Јагода Шахпаска. Минималната загарантирана социјална помош изнесува 4.000 денари по член. Се зголемува за секој нареден член од семејството, што значи 2 возрасни и дете можат да земаат околу 12.000 денари помош. Бизнисот вели дека бројките на социјалци е поразителен и жално е што толку лица осиромашиле. Но од друга страна – се сомневаат дека толку лица не работат. Затоа бараат зачестени контроли кај корисниците и измени во законот. -Загрижува факторот што Законот индиректно поттикнува сива економија, бидејќи ги задржува овие лица во нерегистрирана дејност. Не верувам дека тие лица се сите дома, туку дека работат на црно. Според мене, минималната плата треба да е драстично повисока од социјалната помош, за примателите на помош да посакаат да работат и контролите да бидат чести, да се види дали тие лица се дома или работат на црно, изјави Миле Бошков, Бизнис Конфедерација. Инаку минималната плата кај нас изнесува 15.000 денари, додека за да се задоволат основните месечни потреби на едно 4 члено семејство потребни му се 34.600 денари. Во време кога цените на производите секојдневно растат, а најавите се дека бранот поскаувања ќе продложи. Синдикатот бара зголемување не само на минималната, туку и на сите плати во државата. Во спротивно, листата на сиромашни ќе биде во пораст. Прилогот на СИТЕЛ, погледнете го во продолжение:

За една година во Македонија: 10.000 нови лица станале социјални случаи

Катерина Бојаџиева — Sun, 20 Jun 2021 15:23:16 +0000

Нови 10.000 семејства станаa корисници на социјална помош за една година. Корона кризата удри по најсирмашните. Статистика објави дека лани 32.345 домаќинства биле корисници на социјална помош. Во 2019-та оваа бројка беше за 44% пониска, или статистиката изброи скоро 22.500 социјалци. Овие лица живеат со максимум 12,000 денари, ако станува збор за 4 члено семејство со едно работонеспособно лице. Според министерството за труд и социјална политика сумата за еден член корисник на помош изнесува 4,000 денари, а за секој нареден се зголемува. Најчесто корисници се семејствата со 2 возразни и 2 деца, кои можат да добијат помош од 10.600 денари од држава, пренесува Сител. Според истражувањето на Фајнанс Тинк, пандемијата најсилно ги погоди најмалку платените работници. Од нив, 7 илјади останаа без работа и тоа најмногу лицата кои работеле во домот на работодавачот, како негувателки на деца. Нивниот доход им се намалил за 90% во споредба со заработката пред пандемијата. Сите биле без договор за вработување, токму формализацијата на работното место ќе биде приоритет за Синдикаторт и работодавачите. Од Фајнанс Тинк бараат државата во новиот предлог закон за работни односи, кој веќе се подготвува, да се вметне регулаторна забрана ваквите договори да се продолжуваат бесконечно, но и да се воспостави механизам непријавените да влезат во системот. Сметаат дека на овој начин значително ќе се намалат бројот на социјалци и сиромашни во државата.