сода – Kurir.mk

Средство за повеќе намени: Користете сода бикарбона за чисто лице и блескав тен

Ристе Здравков — Tue, 14 Mar 2023 08:41:27 +0000

Доколку посветите малку повеќе време на истражување, постојат многу природни работи со кои можете да си направите совршени козметички третмани во домашни услови. Еден од тие производи е сода бикарбона која има безброј намени, а ќе ви донесе и неверојатно чиста и убава кожа и коса, секако, доколку ја употребувате правилно и умерено. Таа може да ја отстрани нечистотијата од кожата на лицето што ја прави совршен пилинг за негуван изглед. Во еден сад, измешајте малку сода бикарбона со вода, и добро втријте ја на кожата на лицето или по телото. За кратко, измијте ја добро со топла вода. Во комбинација со вода и малку мед ќе ги отстрани мртвите клетки од површината на кожата, па така доколку имате сува кожа на рацете по само неколкудневна употреба ќе видите неверојатни резултати. Токму со сода бикарбона ќе успеете да ги неутрализирате сите непријатни мириси, па тоа ја прави одличен природен дезодоранс. Кога се бањате, наполнете ја кадата со пријатна вода во која ќе додадете малку сода бикарбона и уживајте неколку минути. Доколу имате проблематично лице, сода бикарбона е вашиот сојузник. Направете пилинг со сода бикарбона и малку млеко па добро измасирајте го лицето и оставете да стои неколку минути. Измијте го со ладна вода и намачкајте од кремата што редовно ја користите. Да не заборавиме да споменеме дека токму овој производ е вистинскиот избор за масна коса, па така без да се двоумите додајте малку во вашиот шампон и по неколку дена ќе ја видите разликата. Секако, пред да ја употребите за било што, консултирајте се со вашиот лекар, особено ако имате проблеми со кожата и косата.

Моќна комбинација од две состојки: Го алкализира телото и е од голема помош

Ивана Ефремовски — Wed, 25 Jan 2023 06:35:10 +0000

Сода бикарбоната како лек најчесто се употребува при киселини во желудникот, но може да помогне и на многу други состојби, особено во комбинација со лимон. Ова се најпознатите и најмоќните ефекти на комбинацијата сода и ломон: 1. Го алкализира целото тело Комбинацијата на лимон и сода има алкално дејство на телото, што помага кај ацидоза – состојба на прекумерни киселини во крвта – која настанува кога бубрезите не ја исфрлаат целата киселина од телото или кога телото произведува премногу киселина. Исто така тоа е одлично средство за здравјето на бубрезите, бидејќи помага при исфрлање на токсините од телото. 2. Одлично е за варењето Комбинацијата на лимон и сода е одлична за подобрување на варењето, но помага и при надуеност и гастричен рефлекс. 3. Го чисти црниот дроб Лимонот и содата помагаат при чистење на црниот дроб и му даваат доволно витамин Ц, фосфор и антиоксиданси за задоволување на секојдневните потреби. Она што е најважно за доброто здравје е да се одржува оптималната pH вредност во телото. Рецепт: Промешајте сок од половина ломон со една лажичка сода бикарбона во чаша вода и испијте ја. Напомена: Грижете се да го испиете напитокот 30 минути пред и барем 2 часа по оброкот бидејќи во спротивно напитокот ќе ја неутрализира желудечната киселина која е неизоставна при варењето на храната.

Повеќе нема да имате проблем со испукани пети: Нега на стапала со сода бикарбона

Ристе Здравков — Tue, 23 Aug 2022 17:36:50 +0000

Секоја жена сака нејзините стапала да изгледаат негувано и привлечно Кожата мора да биде хидрирана и мека, но најпрво треба да се ослободите од сите наслаги од мртви клетки на кожата. Навистина не е толку лесно да се одбегне проблемот со грубите пети, бидејќи кожата во тој дел е склона на задебелување. Кога станува збор за нега на стапала, пилингот дефинитивно е незаменлив ритуал, но и содата бикарбона како магична состојка. Ви откриваме како да направите пилинг за стапала со сода бикарбона за да имате мазна и нежна кожа. Овој пилинг ќе можете да го примените на целите стапало, односно на сите делови каде што ќе забележите задебелување, а особено ефикасен е за тврди и суви пети. Особено непријатно е кога петите се испукани, што значи дека освен пилинг, треба да ја зголемите и хидратацијата на кожата на стапалата за да го решите овој непријатен проблем. Па, еве како да направите свој пилинг за стапала. Содата бикарбона е одличен избор за оваа намена. Содата има антисептички својства, а во овој случај се меша со вода и има функција да ја намали нејзината тврдост, и што е особено важно – благотворно дејствува на кожата. Сè што ќе ви треба е 3 л вода и 5 супени лажици сода бикарбона. Загрејте ја водата за да биде врела и потоа сипете ја во леген и додајте сода. Промешајте малку, па потопете ги стапалата. Оставете ги да отстојат така 20 минути. Потоа, следува пилингот. Земете камен за пети или турпија, која не е премногу груба, намокрете ја, потопете ја во сода бикарбона, па со неа третирајте ги проблематичните делови. По третманот, нанесете хидратантен крем или вазелин на петите ако се многу испукани. Најдобро е да го правите ова навечер пред спиење. Слободно можете да го практикувате секојдневно во период од 7 дена, а потоа направете пауза една недела, по што ќе можете да ја применувате оваа нега на стапалата еднаш до два пати неделно. Резултатите ќе ги забележите многу брзо.

Овие трикови за убавина со сода бикарбона секоја дама треба да ги знае

Ивана Ефремовски — Fri, 13 May 2022 19:22:17 +0000

Содата, освен што има широка употреба во домаќинствата, може да биде и одлична состојка за убавина. Достапна е, не е опасна по здравје, а воедно е многу евтина. Еве неколку едноставни трикови кои можат да ѝ помогнат на секоја жена да си ја зачува и да ја одржи убавината. МАСКА ЗА ЛИЦЕ Во блендер измешајте една лажица сода бикарбона, две лажици овесни снегулки и малку мед. Додадете онолку вода колку што е потребно за да добиете густа смеса. Маската нанесете ја на лицето, оставете да делува 10 минути и потоа исплакнете. ПРОТИВ ЦРНКИ На црнките можете да им ставите крај со овој природен лек. Во малку гел за миење лице додадете една лажица сода бикарбона, лажица сол, и измешајте. Нанесете на сува кожа, почекајте 5 минути и потоа исплакнете. ЧИСТЕЊЕ НА ЛИЦЕТО Ставете малку сода бикарбона на вашата дланка, додадете неколку капки вода и потоа тријте го лицето. Вака ќе направите нежен пилинг, но притоа внимавајте смесата да не дојде во допир со очите, па убаво исплакнете. ПЕДИКИР Во топла вода ставете една или две лажици сода бикарбона и неколку капки есенцијално масло (можете да одберете лаванда, бидејќи е добра за опуштање или пак масло од чајно дрво кое делува антибактериски). Држете ги стапалата околу 15 минути, а потоа почнете со нежен пилинг. ОТСТРАНУВАЊЕ НА ЛАЖНИОТ ТЕН Кремите за самопотемнување често знаат да остават флеки по телото, особено ако не ги користите правилно. Содата е добро решение против овој проблем. Исцедете сок од лимон и додадете му неколку лажици сода бикарбона, така што ќе добиете густа паста. Користете ја како пилинг, тријте сè додека флеките не исчезнат.

Овие три производи сигурно ги имате дома, а со нов можете да го “светнете“ целиот дом

Ивана Ефремовски — Wed, 06 Apr 2022 08:43:58 +0000

Нема потреба повеќе да фрлате толку пари на скапите средства за чистење, погледнете дека тие не се секогаш неопходни. Понекогаш доволни се и некои работи кои веќе ги имате дома и се многу поевтини. Сода бикарбона Сода бикарбоната има абразивни својства кои можат да бидат од голема помош во борбата со нечистотијата на металните површини кои бара повеќе стругање. Исто така, можете да ставите малку сода во затнат одвод, а кога ќе додадете и врела вода таа ќе почне сама да работи на одзатнувањето. На крај, може да ја искористите и за чистење на прозорците. Неколку лажичиња сода помешани со малку вода можат многу ефикасно да се изборат со маснотиите и другите нечистотии кои остануваат на стаклото. Алкохолен оцет Нема нешто во домот што не можете да го дезинфицирате со алкохолен оцет – од даскатаа за сечење, преку садовите, па се до ВЦ школката. Мешавина од него и вода во сооднос 1:2 е најевтиниот начин да се справите со маснотиите кои не сакаат да излезат од садовите во кои готвите или бигорот. Маслиново масло Маслиновото масло може да ги светне вашата кожа и коса, но и мебелот во домот. Ставете малку од него на крпа и искористете го како замена за скапите хемиски средства. Можете да ги пребришете сите дрвени површини од столиците и комодата, до креветот и паркетот.

Трикови за убавина кои секоја дама треба да ги знае: Најважната состојка сигурно ја имате во кујната

Ристе Здравков — Wed, 01 Sep 2021 13:18:36 +0000

Пробајте го овој едноставен трик ако вашите пешкири не мирисаат и по перењето

Ивона Петрова — Tue, 29 Oct 2019 08:23:01 +0000

Доколку се мачите се груби пешкири кои не мирисаат по перењето, не се грижете. Постои едноставно решение кое се наоѓа во вашата кујна. Ова може да го решите со сода бикарбона во комбинација со оцет, а оваа мешавина инаку е позната како драгоцена помош во домаќинството. Сепак, пред да ја употребите имајте на ум дека пешкирите треба да се исперат на висока температура за да се уништат сите бактерии, но и да го нема непријатниот мирис. Пешкирите треба да ги перете на 60 степени, но ако и после тоа не мирисаат машината вклучете ја на 90 степени. Доколку и по ова пешкирите го задржале непријатниот мирис, употребете сода и оцет. Половина часа оцет ставете директно во машината за време на циклусот на плакнење, додека половина чаша сода потребно е да се стави во циклусот на перење. Оцетот ќе ја омекне ткаенината, ќе ги отстрани дамките и бактериите додека содата ќе ги неутрализира потенцијалните мириси, но и дамките од храна и масло.

Ова сите го имаме дома, а не знаеме дека е медицинско чудо: Во кујната чуваме лек кој е замена за пола аптека

Ивана Ефремовски — Fri, 02 Aug 2019 18:57:09 +0000

Содата бикарбона е наречена „медицинско чудо” зашто има многу употреби и голем број здравствени придобивки. Таа е лесно достапна, а во народната медицина е добро позната како природен лек. Содата бикарбона е корисна при широк спектар на болести Постојат повеќе научни докази што укажуваат на тоа дека содата бикарбона без алуминиум може да стане примарен и универзален медикамент за широк спектар на заболувања. Некои истражувања тврдат дека може да се користи од третмани на габични заболувања, па сѐ до подобрување на состојбата при канцер и дијабетес. Поради тоа, одредени истражувачи сметаат дека таа треба да биде дел од третманот и лечењето на многу болести на денешницата. На што се должи позитивното влијание на содата бикарбона без алуминиум? Милиони луѓе во светот консумираат од овој „природен лек” во водата за пиење, поради превенција или како терапија кај клиничка ацидоза – во народот многу позната состојба како „киселини во желудникот”. Во голем број на развиени земји од ЕУ, од страна на онколозите, со децении наназад содата бикарбона рутински се применува со цел да се намали токсичното дејство на хемотерапијата и зрачењето. Што се случува во телото кога земаме сода бикарбона? Сите биохемиски реакции, кои се одвиваат во клетките на нашето тело, се зависни од рH-вредноста. Колку е пониска телесната рH-вредност, толку претставува поголем проблем за клеточната физиологија. Некои од причинителите за ниска или кисела рH-вредност се: * често внесување синтетички лекови, * исхрана што се темели на намирници кои предизвикуваат киселост во организмот, * стрес, * искажување и насобирање на негативни емоции. Сите овие причини може да доведат до разорување на клетките и до сериозни здравствени заболувања – канцер, кандидијаза, кардиоваскуларни заболувања, дијабетес, остеопороза, чир на желудник. Фактот дека нашето тело најдобро функционира во алкална средина ѝ оди во прилог на содата бикарбона. Нејзиниот корисен спектар е навистина многу широк. Со внесувањето на сода бикарбона без алуминиум се неутрализира ниската рH-вредност, односно се воспоставува рH-рамнотежа во клетките. Таа дејствува така што ги шири крвните садови и го поттикнува ослободувањето на кислородот во ткивата, зголемувајќи ја притоа рH-вредноста. Зголемената рH-вредност на урината спречува кристализација на мочната киселина во мочните канали, а со тоа помага против низа последици, како што се дијабетес, срцеви заболувања, срцев удар, гихт, камен во бубрези итн. Се смета дека истовременото внесувањето на сода бикарбона и магнезиум хлорид помага во третманот против срцеви заболувања, невролошки заболувања и потешки облици на грип. Дел од истражувачите тврдат дека заедничкото дејство на овие две супстанции ефикасно ги отстранува токсините и киселините од клетките, ткивата и од органите.