софија гоџа – Kurir.mk

Софија Гоџа четврти пат победи во спустот во Крањ-Монтана

Бошко Тасиќ — Mon, 27 Feb 2023 05:49:54 +0000

Италијанската скијачка Софија Гоџа е победник во спустот во швајцарскиот Крањ-Монтана.Италијанката победи со време од 1:26.81. Гоџа четврти пат во кариерата победува во спустот во Крањ-Монтана. Втора заврши уште една Италијанка, тоа е Федерика Брињоне која имаше 15 стотинки послабо време од Гоџа додека третата позиција ја освои француската скијачка Лора Гоше. Во генералниот пласман води Микаела Шифрин со 1697 поени, пред Петра Влхова. Во спустот прва е Софија Гоџа со 580 поени преку Илика Штухец која има 401. Следните натпревари се во норвешки Квитфјел од 3 март па до 5 март и тоа во две трки во Супер-Џи и една во спуст.

Италијанката Гоџа најдобра во Кортина Д’Ампецо

Бошко Тасиќ — Fri, 20 Jan 2023 15:09:15 +0000

Софија Гоџа победи во денешната трка во Кортина Д'Ампецо со време 1:33,47 минути. За италијанската скијачка ова беше четврта победа во петте трки сезонава во најбрзата дисциплина, со речиси и да го обезбеди трофејот со оглед што има 480 бодови, што е 208 бода повеќе во однос на второпласираната Илка Стухец. Таа воедно заврши второпласирана и на трката во Д'Ампецо со 13 стотинки полошо време од победничката. Како трета заврши Германката Кира Вајдл со 36 стотинки заостанување. На четвртата позиција со половина секунда заостанување заврши Американката Михаела Шифрин, која е лидер во генерален пласман во Светскиот куп.

Софија Гоџа победи во спуст

Бошко Тасиќ — Sun, 18 Dec 2022 07:36:30 +0000

Италијанката Софија Гоџа за време на трката во Сент Мориц (го освои второто место) удри во капија и скрши два прсти, по што беше оперирана во Милано. Софија пак да се појави на патеката, и не само тоа, туку победи во спуст трката од Светскиот куп во алпско скијање. Гоџа беше за 43 стотинки побрза од второпласираната Илка Штухец, и го освои првото место, па сега е второпласирана во генералниот пласман со 50 поени помалку од Микаела Шифрин.

Гоџа најбрза во спуст

Бошко Тасиќ — Sun, 04 Dec 2022 21:20:22 +0000

Италијанската скијачка Софија Гоџа победи на спустот во Лејк Луиз, во рамки на Светскиот куп. Гоџа ја постигна втората победа за два дена со време од 1:28,96 минути и беше за 34 стотинки побрза од второпласираната Австријка Нина Ортлиб. Третото место го зазеде Корин Сутер од Швајцарија со време од 1:29,33 минути. Благодарение на двојната победа во спустот во Лејк Луиз, Гоџа се искачи на четвртото место во генералниот пласман со 200 бодови. Водечката во генералниот пласман Миакела Шифрин ги прескокна брзинските трки во Лејк Луиз со цел подобро да се подготви за велеслаломот во Сестриере следниот викенд.

Олимписката шампионка Гоџa се повреди пред Игрите во Пекинг

Бошко Тасиќ — Mon, 24 Jan 2022 20:28:32 +0000

Италијанката Софија Гоџа се повреди пред Зимските олимписки игри што ќе се одржат во Пекинг. На вчерашната трка во Кортина д’Ампецо во супервелеслалом Гоџа имаше пад што резултираше со повреда на вкрстените лигаменти на коленото и пукнатина на потколеницата. Гоџа, кој треба да биде знаменосец на Италија во Пекинг, најверојатно ќе ги пропушти велеслаломите и супервелеслалом закажани за 7 и 11 февруари, соодветно. -Многу сум вознемирена. Очигледно ова не е „пауза“ што ми требаше пред толку важен почеток на сезоната. Но, во следните неколку часа ќе започнам курс за физикална терапија за да се обидам да ја одбранам олимписката титула во моите омилени натпревари, изјави Гоџа.

Софија Гоџа до седма победа по ред во спуст

Бошко Тасиќ — Sun, 19 Dec 2021 07:50:43 +0000

Софија Гоџа славеше спуст трката во Вал Дизер во рамки на Светскиот куп во алпско скијање. Италијанката до својата 11-та победа во оваа дисциплина во кариерата, а седма по ред дојде со време од 1:41,71 минути. Зад неа со 27 стотинки задоцнување финишираше Бризи Џонсон од САД, додека место на подиумот имаше и за Миријам Пухнер од Австрија. Гоџа сега е лидер во спуст со 300 бодови и во генералниот пласман со 535 бодови. Втора е Микаела Шифрин со 10 бодови помалку, додека трета во поредокот е Петра Влхова со 340 бодови.

Гоџа најбрза во Супер-Г трката во Сент Мориц

Тале Кристо — Sat, 14 Dec 2019 13:49:51 +0000

Одличен ден за Италија на Супер-Г трката од Светскиот куп во алпски дисциплини, одржана на патеката во Сент Мориц. Италијанката Софија Гоџа победи во трката со време од 1:12,96 минути, а по неа следуваше нејзината сонародничка Федерика Брињоне. Втората беше лидер во пласманот, но беше надминаната за само една стотинка од секундата од Гоџа. Трета заврши американската суперѕвезда Михаела Шифрин. Таа исто така имаше силна трка и беше блиску до победа, но остана на 13 стотинки зад Гоџа. За олимписката шампионка од ПјонгЧанг 2018, ова беше нејзина прва победа во Супер-Г од март 2018 година, кога беше најбрза во Оре. Италијанката ја запиша седмата победа во Светскиот куп. Денешната победа за Гоџа е уште поимпресивна, имајќи предвид дека во подоцнежната фаза од трката и ’падна едната штека, но тоа не ја спречи да запише најдобар резултат. По втор пат оваа сезона, две Италијанки завршуваат на првото и на второто место на стартот на Светскиот куп. Во велеслаломот во Килингтон Брињоне беше втора, а победник беше Марта Басино. Во генералниот пласман на Светскиот куп, продолжува да води Микаела Шифрин со сè посериозно водство пред конкурентите. Американката има 532 бода, а потоа следи Германката Викторија Ребензбург со 261 и Федерика Брињоне има 241. Гоџа е седма со 186 бода.