Софија Кенин – Kurir.mk

Кенин ќе го пропушти УС Опен поради позитивен тест за коронавирус

Тале Кристо — Thu, 26 Aug 2021 07:02:13 +0000

Американската тенисерка Софија Кенин изјави дека има позитивен тест за коронавирус и поради тоа нема да настапи на УС Опен. – Неодамна се тестирав позитивно на коронавирус. За среќа, јас сум вакцинирана, така што моите симптоми беа прилично благи. Сепак, нема да можам да се натпреварувам на УС Опен следната недела. Планирам да ги поминам следните недели дома за да се закрепнам и да се подготвам за добра игра оваа есен. Ви благодарам на сите за поддршката. Сакам да им посакам на сите играчи се најдобро на УС Опен, напиша Кенин на Твитер. Грен слемот во Њујорк ќе се одржи од 30 август до 12 септември.

Софија Кенин е новата шампионка на Австралија Опен

Дарко Андоновски — Sat, 01 Feb 2020 13:09:54 +0000

Рангираната под бр. 14, американската тенисерка Софија Кенин е новата шампионка на Австралија Опен. 21-годишната Американка со потекло од Москва направи импресивен пресврт во финалето со Гарбине Мугуруза и ја совлада поискусната Шпанка со 4:6, 6:2, 6:2. Така, таа стана најмладиот шампион во Мелбурн од 2008 година. Поранешната бр.1 во светот, Мугуруза стигна до финалето како непоразена, а меѓу нејзините „жртви“ на патот кон мечот за титулата беа Елина Свитолина, Кики Бертенс, Анастасија Павлученкова и Симона Халеп. Кенин, од друга страна, се справи со 15-годишното дете-чудо, Кори Гоф и лидерката на ВТА листата, Ешли Барти за да се пласира во финалето, а денес се поздрави со уште поимпресивна и важна победа. Ова беше втор натпревар помеѓу Мугуруза и Кенин, откако Американката ја совлада Шпанката по втор пат, откако го стори тоа во првото коло на турнирот во Пекинг во септември 2019 година.

Мугуруза – Кенин во финалето на Австралија опен

Ивона Петрова — Thu, 30 Jan 2020 07:46:27 +0000

Американката Софија Кенин и шпанската тенисерка Гарбиње Мугуруза ќе играат во финалето на женскиот дел од годинашното издание на Австралија опен. Ова е епилогот по полуфиналните дуели на Грен слемот во Мелбурн одиграни рано утрово. Во првото полуфинале, Кенин ја совлада првата носителка Ешли Барти од Австралија со 7:6 и 7:5 Со истиот резултат, во два сета, Мугуруза беше поуспешна од Романката Симона Халеп. Вкупниот награден фонд на Грен слемот во Мелбурн изнесува 49 милиони долари.