софија лорен – Kurir.mk

Софија Лорен на итна операција, по повеќе скршеници

Тале Кристо — Mon, 25 Sep 2023 11:49:20 +0000

Софија Лорен вчера била примена на итна операција, по претрпени неколку скршеници, откако паднала во нејзиниот дом во Швајцарија. Според извор близок до актерката, постои „внимателен оптимизам“ за исходот од операцијата и закрепнувањето потоа. Италијанската филмска икона која на 20 септември наполни 89 години, паднала во бањата и се здобила со повеќе скршеници кај колкот и сериозна фрактура на бутната коска, изјави неименуваниот извор за „Холивуд репортер“ . Лорен требаше да отвори ресторан во Бари, источна Италија, на 26 септември - тоа ќе биде четвртата гостилница што го носи нејзиното име. Легендарната глумица требаше да стане и почесен граѓанин на тој град, но сега сите ангажмани се откажани, до наредното известување.

ВИДЕО: Софија Лорен грациозна и на 88 години, еве како денес изгледа една од најпознатите италијански актерки

Ивона Петрова — Tue, 20 Jun 2023 19:08:51 +0000

Прославената и една од најпознатите италијански актерки, Софија Лорен се уште е важи за грациозна и елегантна жена, а иако ретко се појавува во јавноста, нејзините обожаватели се воодушевени секогаш кога ќе добијат шанса да ја видат. Таа стекна голема популарност на млада возраст кога го зазеде местото на најубавата жена на светот на сите времиња. Таа неодамна го отвори својот ресторан, а сега странските папараци ја уловија како излегува од хотел. Софија денес има 88 години и се уште изгледа феноменално. Елегантна како и секогаш, насмеана и добро облечена, иако се забележува дека е тешко да се движи.

Најубавата жена на сите времиња изгледа прекрасно и на свои 84 години (ФОТО)

Ивана Ефремовски — Mon, 15 Jul 2019 11:52:41 +0000

Една од најубавите актерки на сите времиња Софија Лорен, повторно ќе ја гледаме на филмското платно иако оваа дама одамна се повлече од шоубизнисот. По цела деценија пауза, 84-годишната Софија го снима новиот филм „The Life Ahead“ кој го режира нејзиниот 46-годишен син Едуардо Понти. Папарацо фотографите ја сликаа Лорен во Италија. По објавување на фотографиите, се јавија фановите од сите страни на светот со позитивни коментари. Софија во деветтата деценија од животот изгледа прекрасно. Нејзината нова улога е мачна за гледање. Таа ќе биде жена која го преживеала холокаустот, а потоа цел живот чувала деца на проститутки.

Софија Лорен се враќа на големите екрани: Доби улога која ќе го шокира светот

Ивана Ефремовски — Sat, 06 Jul 2019 19:12:15 +0000

Актерката Софија Лорен ќе се снима во филм за прв пат од 10 години. Лорен која има 84 години, ќе глуми жена, врзана во инвалидска количка, која се грижи за децата на секс – работнички во „Животот пред нас “. Режисер е нејзиниот син Едоардо Понте. Ова е прв игран филм каде глуми Софија Лорен од 2010 година, кога снимаше во телевизиската продукција “Куќата ми е полна со огледала” . Софиjа Лорен ја започнала кариерата на 16 години во 1950 година . Таа раскажува дека своевремено ја притискале да си направи пластична операција за да го прилагоди “долгиот нос”. Дури сопругот, продуцентот Карло Понте, ја терал, но таа одбила.

10 животни лекции од Софија Лорен: Постои фонтана на младоста!

Катерина Бојаџиева — Tue, 30 Apr 2019 19:47:27 +0000

Софија Лорен е пример за филмска легенда, симбол на убавина и грациозно стареење. Зад неа има успешна филмска кариера, но и богат живот кој ја научил многу. Таа сподели 10 животни лекции кои за неа биле највредни! 1.Сексапилот се состои 50% од она што го имаш и 50% од она што луѓето мислат дека го имаш. 2.Мораш да уживаш во животот. Секогаш треба да се опкружиш со луѓе кои ти се допаѓаат, со кои можеш убаво да разговараш. Постојат толку многу позитивни работи за кои треба да разговараме. 3.Фустанот треба да биде како ограда од бодликава жица: Да ја оствари својата цел без да се свртат погледите. 4.По сите овие години, сѐ уште сум вклучена во процесот на самооткривање. Подобро е да го истражиш животот и притоа да правиш грешки, отколку цело време да одиш на сигурно. Грешките се дел од долговите кои личноста ги плаќа за да води богат живот. 5.Мајката секогаш треба двапати да мисли. Еднаш за себе, еднаш за своето дете. 6.Постои фонтаната на младоста. Тоа е твојот ум, твоите таленти, креативноста која ја внесуваш во твојот живот и животите на луѓето кои ги сакаш. Кога ќе научиш да го користиш тој извор, тогаш навистина ќе ги победиш животните маки. 7.Погрешно е да мислиш дека кога ќе завршиш училиште никогаш повеќе нема да мораш да учиш нешто ново. 8.Твоите очи не можат да бидат убави ако не си заплакала. 9.Многу луѓе мислат дека сакаат некои работи, но всушност не поседуваат сила, дисциплина. Верувам дека го добиваш тоа што го сакаш само ако навистина доволно силно го посакуваш. 10.Мислам дека заводливоста доаѓа одвнатре. Тоа е нешто што или го имаш или го немаш и навистина нема никаква врска со градите, нозете или испакнатите усни.