софтвер – Kurir.mk

Софтверот што Рашковски го набавил за МВР не функционирал, констатира вештакот

Тале Кристо — Wed, 21 Sep 2022 14:15:50 +0000

Во Основниот кривичен суд во Скопје денеска продолжи рочиштето за случајот „Софтвери“, во кој првообвинет е поранешниот генерален секретар на Владата, Драги Рашковски. Вештакот на Јавното обвинителство, Мане Пиперевски констатира дека софтверот што Рашковски го набавил како генерален секретар на Владата од фирмата „Инвока груп“ не работел. Според Пиперевски, во доставената документација од Владата за софтверот лозинката не била точна, па вештакот морал преку адвокатите да дознае од обвинетите, која е точната лозинка за да може да го отвори системот. По инсталирањето, како што вели тој, се појавила грешка поради која не можело софтверот да се стави во функција и да се продолжи со детална проверка на неговата функционалност. Вештакот не можел да провери дали навистина софтверот мери брзина, констатира прекршоци кај возачи, но и да детектира дали некое возило е регистрирано или украдено, поминува на црвено светло, погрешно се престројување или има сообраќаен метеж…, поради тоа што софтверот не можел да се вклучи. Рашковски е обвинет за кривичните дела „злоупотреба на службена положба и овластување” и „перење пари и други приноси од казниво дело”. Во истиот случај се обвинери и И.Д., И.Х., Д.С., И.И., И.И. и М.С. за „злоупотреба на службената положба и овластување”.

Шпионски софтвер на израелска компанија бил користен за хакирање на телефони на американски функционери

Магдалена Андонова — Sat, 04 Dec 2021 08:43:44 +0000

Шпионски софтвер на израелската компанија НСО Група (NSO Group) бил користен од наводно непознато лице за хакирање на телефоните на најмалку девет вработени во американскиот Стејт департмент, јавија израелските медиуми. Доколку тоа се потврди, ова ќе биде првпат технологијата на таа компанија, која беше жестоко критикувана, да се користи против американски официјални лица. Цел на хакирањето биле вработени во Стејт департментот кои работеле во Уганда или експерти за таа источноафриканска земја и сите користеле Ајфон (iPhone). Израелските медиуми потсетуваат дека Епл (Apple) минатата недела соопшти дека ја тужи НСО Групата затоа што нејзини цели биле корисниците на неговите производи и побара компанијата да одговара поради скандалот со софтверот Пегаз. Тужбата на Епл претставува нов проблем за израелската компанија по извештаите дека десетици илјади активисти, новинари и политичари се на листата на потенцијални цели на софтверот Пегаз. (MИА)

„Пегаз“ – најновата закана за демократијата во светот

Ивона Петрова — Tue, 20 Jul 2021 06:05:54 +0000

По откритието за софтверот „Пегаз“, со кој се шпионирале илјадници луѓе низ целиот свет, веќе два дена не стивнуваат ниту реакции, ниту објавувања нови детали и информации околу аферата. Парискиот дневен весник „Ле Монд“ и уште шеснаесет други редакции добија пристап до повеќе од 50.000 телефонски броеви кои потенцијално биле следени со „Пегаз“, моќен израелски шпионски софтвер, кој го купувале влади на десетина држави. На листата се наоѓаат шеф на една европска држава и двајца шефови на влади, мажи и жени на највисоки позиции на власт во поранешна советска република, десетици опозициски пратеници од една африканска земја, принцови и принцези, деловни лидери, неколку милијардери, амбасадори, генерали. Меѓу следените се и стотици новинари, адвокати, активисти за човекови права … Илјадниците следени лица ширум светот биле шпионирани од влади на различни земји користејќи ги нивните Ајфони или Андроид телефони. Истрагата на „Гардијан“, „Вашингтон пост“, „Ле Монд“ и 16 други медиуми откри дека шпионскиот софтвер „Пегаз“ на НСО Груп може да ја вклучи камерата или микрофонот на телефонот и да украде податоци од апаратот без знаење на сопственикот. „Пегаз“ може да се инсталира од далечина без да треба да се наведува корисникот да го преземе, а откако ќе се вклучи, телефонот ефикасно се шпионира. Може да обезбеди пристап до апликации како што се WhatsApp, Telegram и Signal, е-пошта, текстуални пораки, GPS податоци и списокот со контакти на телефонот. „Пегаз“ им овозможува на оние што ја следат целта не само да го следат објектот и да откриваат со кого разговара и за што, туку и да имаат пристап до компромитирачки слики и информации со кои можат да уценуваат или малтретираат. Корисници на софтверот биле репресивни режими, вклучувајќи ги Саудиска Арабија, Обединетите Арапски Емирати и Азербејџан. Извоз во согласност со законите на Бугарија, Израел и Кипар Креаторите на скандалозниот софтвер, НСО Груп вчера соопштија дека ја извезувале програмата според извозните правила на Бугарија, Израел и Кипар. „НСО Груп сериозно ги сфаќа етичките размислувања, регулирана е од режимите за контрола на извозот на Израел, Кипар и Бугарија и се продава само на проверени владини клиенти“, се вели во соопштението на компанијата. Кипарскиот огранок на компанијата беше затворен во август минатата година. НСО Груп ова го објасни со преструктуирање на бизнисот. Поранешни нејзини вработени од Кипар велат дека таа има уште една база којашто се наоѓа во Бугарија. Во мај 2019 година, невладината организација „Пристап сега“ (Access Now) ги предупреди властите во Бугарија и Кипар, повикувајќи ги да обрнат внимание на извозот на компанијата поради злоупотреба на технологијата на НСО Груп. Осуди од сите страни Претседателката на Европската комисија Урсула фон дер Лајен изјави дека е апсолутно неприфатливо властите или тајните служби да го користат израелскиот софтвер „Пегаз“ за шпионирање новинари или активисти на невладини организации. – Проверуваме дали се случило тоа, но ако е точно тогаш е апсолутно неприфатливо и е спротивно на сите правила. Во Европската Унија имаме слобода на медиумите и слобода на говор, и тоа е еден од столбовите на Унијата, истакна Фон дер Лајен на прес-конференција со чешкиот премиер Андреј Бабиш. Претседателката на ЕК реагираше на медиумските објави за скандалот во кои се вмешани некои влади и разузнавачки служби, меѓу нив и од ЕУ, конкретно спомнувајќи ја Унгарија. Официјална Будимпешта демантираше дека го користела „Пегаз“ за шпионажа. За поранешниот американски разузнавач Едвард Сноуден, аферата „Пегаз“ е „настан на годината“. – Владите мора да воведат глобален мораториум на трговијата со меѓународен шпионски софтвер или да се соочат со свет во кој ниту еден мобилен телефон не е безбеден од државно спонзорирани хакери, изјави Сноуден за „Гардијан“ по откритијата за клиентите на НСО Груп. Шпионирањето го осуди и портпаролот на француската влада Габриел Атал, кој рече дека фактите се „крајно шокантни“ и „доколку се докаже дека се точни, тие се крајно сериозни“. Во Франција, порталот на независни медиуми Медиапарт поднесе тужба во Париз затоа што меѓу десетте илјади броеви што ги следеле мароканските тајни служби биле и мобилните телефони на негови вработени, а тужба најави и сатиричниот неделник „Окованиот патор“ (Le Canard Enchaîné). – Ќе поднесеме тужба, рече Мишел Гајард, извршен директор на Le Canard Enchaîné. Германскиот сојуз на новинари побара објаснувања и контрамерки, јави германската новинска агенција ДПА. Претседателот на германското здружение на новинари, Френк Уберал, го нарече „невиден скандал со прислушување“, а претседателката на Германскиот новинарски сојуз Моник Хофман, бара ограничувања за извозот на технологијата за надзор. – Авторитарните држави го користат „Пегаз“ за да ги замолчат гласовите на критика и спротивставување, предупреди Хофман. Унгарската опозициска Демократска коалиција (ДК) побара од Владата писмен одговор на извештајот дека шпионскиот софтвер „Пегаз“ бил користен во Унгарија за да собере информации за опозициски политичари и новинари. – Сакаме да знаеме кого власта незаконски прислушувала, рече Агнес Вадаи од ДК. Таа додаде дека софтверот е достапен само за владите бидејќи неговата продажба е одобрена од израелското Министерство за одбрана. Јанош Халаш, заменик на парламентарниот комитет за безбедност, како пратеник на владејачката партија Фидес, рече дека „извештаите за прислушувањето објавени во левичарските медиуми се неосновани и имаат за цел сеење политички немири“.

Меѓународна ИТ компанија ќе вработи повеќе од 300 инженери

Super Admin — Tue, 20 Apr 2021 10:37:58 +0000

Меѓународната компанија за софтверско инженерство Scalefocus ќе вработи 300 инженери во следните 5 години кои ќе работат на иновативни проекти за дел од најголемите светски компании. Компанијата вработува ИТ професионалци и програмери од земјава и верува во високиот инженерски потенцијал и капацитетот на локалниот ИТ еко-систем. Scalefocus ја комбинира експертизата на своите професионалци со специфично доменско знаење и обезбедува врвни услуги од областа на ИТ технологиите. Од своето основање во 2012 година, компанијата има изработено повеќе од 500 успешно завршени проекти во 26 земји, кои континуирано се користат од страна на нивните партнери. Денес, Scalefocus вработува повеќе од 730 ИТ професионалци распределени на 6 различни локации. Компанијата е присутна на пазарот во Македонија веќе неколку години, а од крајот на 2019 година е присутна и со сопствена канцеларија во Скопје. Одговорното техничко лице на Scalefocus во Македонија e Горан Стојановски, д-р на науки по електротехника.

„Како земја отсекогаш сме имале многу квалитетни инженери, кои работат на светски проекти. Нашите инженери и ИТ професионалци придонесуваат со креативни решенија за подобрување на процесите на нашите клиенти. За нас, иако формалното образование е исклучително важно, не е пресудно во процесот на вработување, бидејќи главните карактеристики кои ги цениме се компетентноста во програмирање и системот на вредности, без разлика каде се стекнати,“ вели Стојановски.

Она што е карактеристично за Scalefocus е способноста да ги привлече, да ги задржи, и да помогне во развојот на најдобрите ИТ професионалци. Ова во комбинација со културата на работа, иновативноста и посветеноста кон клиентите ја промовираат компанијата како лидер и сериозен технолошки партнер во областа на дигиталните трансформации.

„Нашите планови за развој во земјава се многу големи. Свесни сме дека за да ги оствариме, не е доволно само да ги ангажираме најдобрите ИТ професионалци, туку потребно е да им ги обезбедиме најдобрите услови за работа. Тука спаѓаат атрактивните канцеларии, програмата за флексибилни придобивки, можноста за работа од секаде, како и планирањето на нивниот професионален развој. Во културата на нашата компанија, овозможуваме секој да го развие својот потенцијал како ИТ професионалец или како менаџер“, додава Стојановски.

Постапката била предвидена со буџет од 8 милиони денари – како Заев го правдаше осомничениот Рашковски?

Тале Кристо — Fri, 16 Apr 2021 11:13:16 +0000

Премиерот Зоран Заев своевемено, речиси пред еден месец за набавката на совтверот за потребите на МВР го бранеше неговиот секретар од кабинетот сега веќе осомничениот Драги Рашковски. Заев тогаш рече дека не исклучува сомнеж со набавката, но дека се било направено потендерска процедура и со ФИНКИ. -Секако дека исклучувам сомнеж во набавката, тоа е направено колку што се сеќавам со ФИНКИ, со тендерска процедура. По информацијата во јавноста се обратив до службите да ме информираат барем усно, чекам да ми стигнат документите. Постапката била предвидена со буџет од 8 милиони денари, имало компетитивност, но сè уште не ги знам детали…Спроведена е целосна постапка, рече Заев одговарајќи на новинарско прашање на 9ти март изминатиот месец. Тендерот за кој се сомничи Рашковски бил распишан во ноември 2019 година, на истиот се пријавиле три фирми, а како добитник на истиот во вредност од 81.000 евра се јавува компанијата „Инвока гроуп“. Софтверот, кој треба да одредува брзина, локација, регистарска табличка, поминување на црвено и друго требало да биде испорачан најдоцна во јули 2020 година. -Дадов насоки да се расчисти работата од позитивен аспект, затоа што е нешто што се спроведувало и за време на техничката Влада. Видов докази дека имало комуникација меѓу Генералниот секретаријати Министерството за внатрешни работи, токму поради постапките, информациите, можноста за тестирање на самиот систем. Ќе има соопштение од Владата со сите детали за набавката на софтверот, решенијата кои всушност јас и ги видов како изгледаат во целата оваа постапка, истакна тогаш Заев.

Рашковски во скандали до гуша, Заев го брани: Со народни пари набавил софтвер кој МВР не го користи, но тоа не е најголемата иронија!

Ивана Ефремовски — Thu, 11 Mar 2021 11:57:30 +0000

Поранешниот генерален секретар на Владата на Зоран Заев, Драги Рашковски, беше во центарот на вниманието на медиумите и јавноста, не поради тоа што го работи, туку поради низа скандали во кои беше вмешан. Дури и откако тој ја загуби функцијата откако беше наследен од Мухамед Зекири, продолжи да се одмотува клопчето на скандали во кои е тој вмешан. Пред неколку дена беше обелоденет скандал дека Рашковски како генерален секретар на Владата набавил софтвер за следење на сообраќајни прекршоци за потребите на МВР, со народни пари. Набавката самата по себе немаше да биде скандал, но следуваат податоци кои фрлаат нова сенка на оваа набавка. МВР не знаат ниту дека истиот сервер постои, а Рашковски фрлил народни пари, за систем кој 8 месеци не е во функција -Драги Рашковски потрошил државни пари за софтвер кој не само што не е приоритет во време на пандемија, туку истиот сега воопшто не е во функција. Драги Рашковски само за ова треба да лежи во затвор. Владата платила софтвер, за кој никој не знае дали воопшто некогаш ќе се користи. Драги Рашковски да каже, зошто го набавил софтверот, ако МВР не знаат за него, тоа значи дека воопшто не го ни побарале. Кого прашал Рашковски и врз база на која анализа и потреба е купен софтверот? Дали набавката на софтверот е уште еден “Леонардо вил вин”? Ја повикуваме МВР веднаш да каже дали нарачеле софтвер од Рашковски, и дали тој за тоа добил овластување од влада, изреагираа од ВМРО-ДПМНЕ. Од ВМРО-ДПМНЕ бараат Владата да каже како во време на пандемија воопшто дозволиле набавка на неприоритетна опрема. -Колку вакцини можеле да се купат со парите кои Рашковски ги фрлил за софтверот кој никој не го користи? ЈО да го испита случајот и да се види целиот процес при набавка. А доколку се колеба и е во соработка со Заев тој ќе биде истражен по промената на власта наскоро. Одговорност ќе има, велат од партијата. Реагираа од Антикорупциска Државната комисија за спречување на корупцијата (ДКСК) отвори предмет за набавка на софтверот од страна на поранешниот генерален секретар на Владата, Драги Рашковски. Претседателката на ДКСК, Билјана Ивановска, вчера рече дека сметаат оти има доволно елементи за истражување на причините за набавката на тој софтвер, како и зошто тој се’ уште не е во употреба. Во согласност со процедурата, предметот ќе биде распореден на еден од членовите и тој понатаму ќе ги бара сите потребни информации за утврдување на состојбите.

Чулев за набавката на софтверот од страна на Рашковки: Не е прашано МВР и таков систем не е стигнат во МВР, ниту пак владата донела одлука

Во време кога софтверот е набавен, министер за внатрешни работи во техничката Влада беше Наќе Чулев. По обелоденување на скандалот, тој се огласи во јавноста. -Почитувани граѓани, во врска со случајот за набавка на софтвер за детектирање на сообраќајни прекршоци, со оглед дека беше споменато и Министерството за внатрешни работи во периодот кога раководев со истото, а со цел прецизирање на работите и утврдување на вистинската фактичка состојба, сакам да ја информирам јавноста за следното: Во периодот додека ја извршував функцијата министер за внатрешни работи во ниту еден момент не бев информиран дека Генералниот секретеријат на Владата извршил набавка на софтвер за детектирање на сообраќајни прекршоци, ниту пак е побарано од МВР спецификација за набавка на ваков софтвер, проблематика која е единствено во делокругот на надлежности на МВР, а не на други институции. Никаков софтвер не е примен во МВР во периодот додека бев министер. Уште повеќе, никогаш на Влада или на било каква владина работна група не е дискутирано или имало било каква координација за законски промени со цел примена на наведениот софтвер. Ниту тогашниот премиер, ниту генералниот секретар или било кој друг не ме информирале дека ваков софтвер е набавен. Не ми е јасно зошто Генералниот секретеријат спровел набавка на вакво софтверско решение, со оглед дека Министерството за внатрешни работи, раководено од тогашниот министер, Оливер Спасовски, во истиот период спроведува постапка за набавка на хардверско и софтверско надградување на проектот “Безбеден град”, кое вклучува и софтвер за сообраќајни прекршоци, посебно ако се има предвид дека производителот и одржувач на “Безбеден град” со кој МВР има склучен договор, не дозволува инкорпорирање на надворешни софтверски решенија, стои во неговиот пост на Фејсбук. Доколку мислевте дека скандалот застанува тука, не сте во право. Најголемиот пресврт доаѓа во моментот на обелоденување на фактот дека Рашковски лично развил софтвер за сообраќајни казни пред да го купи како генерален секретар на Владата. Набавката за која Владата платила 81 илјада евра, а осум месеци седи неискористена, носи назив „Софтвер за определување просечна брзина на возила во сообраќајот и изрекување на казни“, додека Рашковски има патент од 2018 година со речиси исто име: „Систем и уреди за контрола на брзината на возилата во сообраќајот, определување на просечна брзина и изрекување на казни“, пренесе 360 степени. За оваа набавка Владата ѝ платила околу 81 илјада евра на фирмата „Инвока гроуп“. „Инвока гроуп“ е формирана на 14 јуни 2017 година, две недели по доаѓањето на СДСМ на власт и девет дена по именувањето на Рашковски за генерален секретар на Владата. Компанијата, чиј сопственик и управител е Даниел Станчев, досега добила три јавни набавки – сите три од владиниот Генерален секретаријат додека со него раководеше Рашковски. Плаќањето за конкретната набавка е извршено на 9 јули минатата година, шест дена пред парламентарните избори. Пред оваа јавна набавка да ја добие „Инвока гроуп“, имало уште два вакви тендера во 2019 година распишани од Секретаријатот, но биле поништени, анализира 360 степени.

Рашковски набавил софтвер за систем за кој што и самиот патентирал софтвер и хардвер

Драги Рашковски, поранешен генерален секретар на владата на Зоран Заев, во јануари годинава јавно објави диплома на ФБ. Дипломата, наградата за Драги Рашковски е златен медал од „Глобален Форум за Иновации“ во Кипар за негова иновација во областа на транспортот и сообраќајот, истакна портпаролот на ВМРО-ДПМНЕ, Наум Стоилковски. Тој посочи дека наградениот проект на Рашковски е „Сообраќаен контролен систем за возила и апарати, определување на просечна брзина и казни“. -Според кусото експозе напишано од Рашковски при конкурирањето, а објавено на страната на Форумот, Рашковски е иноватор на интегриран систем од хардвер и од софтвер, за мерење на просечната брзина на возила, работи на соларна енергија, а е поврзан со ГПС. Системот ги чита и следи табличките на возилата, ја мери просечната брзина, по што системот генерира казни за сопственикот на возилото. На пополнетото експозе при конкурирање стои датум фебруари 2020-та. Внесен е и бројот со кој што е патентирана иновацијата, со дата на патентирање од 14-ти март 2018 година, со целосно поседување на правата на Драги Рашковски. Драги Рашковски од позиција генерален секретар на Владата, од ноември 2019-та година, до февруари 2020-та година, води процедура за набавка на софтвер за сообраќајни прекршоци – односно за софтвер за систем за автоматско генерирање на казни за сообраќајни прекршоци. Да потсетам, тоа е систем со исти цели за каков што Драги Рашковски има добиено златен медал за иновација, нагласи Стоилковски. Според податоците до кои дојде „360 степени“, Рашковски во 2018 година го патентирал „Систем и уреди за контрола на брзината на возилата во сообраќајот, определување на просечна брзина и изрекување на казни“. Интересен е податокот дека во периодот кога според договорот меѓу Генералниот секретаријат и „Инвока гроуп“ (потпишан на 6 февруари 2020 година) сѐ уште се изработувал нарачаниот софтвер, Рашковски добил меѓународно признание за својот изум со слично име. Станува збор за пехар и златен медал на Меѓународниот саем на пронајдоци „Архимед“ одржан во Москва од 24 до 27 март 2020 година. Системот на Рашковски е награден со златен медал и на Глобалниот форум за иновации одржан во октомври 2020 година на Кипар. И за руската и за кипарската награда на Рашковски постојат записи на официјалните интернет-страници на двете манифестации. Заев во одбрана на Рашковски Премиерот Зоран Заев, наместо да го осуди овој скандал, застана во одбрана на Рашковски, иако рече дека ги побарал на увид сите документи за случајот. -Секако дека исклучувам сомнеж во набавката, тоа е направено, колку што се сеќавам, со ФИНКИ, со тендерска процедура. По информацијата во јавноста се обратив до службите да ме информираат барем усно, чекам да ми стигнат документите. Постапката била предвидена со буџет од 8 милиони денари, имало компетитивност, но сè уште не ги знам деталите. Спроведена е целосна постапка, изјави премиерот.

Не е само софтверот за МВР, Владата на СДСМ ѝ исплатила на „Инвока“ околу 400.000 евра

Без веб страница и контакт информации, информатичка фирма работи на одржување на софтвери за потребите на македонската Влада. За сервисирање и набавка на софтвер, македонските институции на Инвока Гроуп во изминативе три години ѝ исплатиле речиси 400 илјади евра. Софтверска компанија работи на одржување на компјутерски програми на десетици државни институции. Станува збор за Друштвото за инженеринг, информатика и дигитален дизајн „Инвока груп“ од која Генералниот секретаријат на Владата купил софтвер за определување на брзина на возила во сообраќај и изрекување казни, обелодени Радио Слободна Европа. -Во изминативе три години, колку што постои компанијата, од македонските институции наплатиле 62 илјади евра за одржување на софтвери, покажува владината дата база „Отворени финансии“. Во неа може да се забележи дека под контото „поправка и одржување на софтверска и хардверска опрема“ од сметките на институциите биле исплаќани фактури со вредност од 4 евра па се до илјада или две илјади евра. Од сметката на Генералниот секретаријат на Владата со потпис на поранешниот генерален секретар, а сега советник во кабинетот на премиерот, Драги Рашковски, биле исплатени фактури за 323 илјади евра за набавка на два софтвери, покажуваат податоците од Бирото за јавни набавки, пишува РСЕ. Од документацијата може да се види дека не е единствена набавка софтверот за кој деновиве се зборува, туку постојат уште две скандалозни набавки како “превентивно и адаптивно одржување на систем за електронски полагања на државни испити“ и „групна набавка на услуги - превентивно и адаптивно оддржување на софтверот за полагање на испити во државни институции.“ Вредноста на договорот е мегаломански суми. Така “превентивно и адаптивно одржување на систем за електронски полагања на државни испити“ чини 9.290.000 денари, софтверот за определување просечна брзина на возила чини 4.997.300 денари и „групна набавка на услуги - превентивно и адаптивно оддржување на софтверот за полагање на испити во државни институции“ чини 5.576.398 денари. Договорен орган за сите три е Владата - Генерален секретеријат на чие чело во тоа време е Драги Рашковски. Прашањата од јавен интерес, во време на објавата кога се обелодени скандалот беа: Дали може да зборуваме за независна Академија за судии и јавни обвинители кога генералниот секретар на владата и еден од најмоќните луѓе на извршната власт одлучува која фирма ќе ги спроведува испитите за Академијата и ќе ги коорднира активностите на системот за полагање? Дали Драги Рашковски кој уште тогаш (2019-та година) беше во центар на скандалот со наводно местење на тендер во М-НАВ, актуелната власт на чело со премиерот Заев ќе одолеат на искушението да не влијаат врз изборот на прием на слушателите на академијата за судии и јавни обвинтители? Одговори нема! Како што нема ниту за скандалите од поново време.

Тасева за скандалот со софтверот набавен од страна на Рашковски: Соопштението од Влада не дава никаков одговор за целиот случај

Слаѓана Тасева од „Транспаренси Интернешнл“ во своето гостување во Студио 10 зборуваше за скандалозниот случај околу набавката на софтвер за сообраќајни прекршоци и посочи дека соопштението од Влада во врска целиот овој случај е многу лош обид да се објасни целата оваа ситуација. -Тоа соопштение воопшто не треба да ги толкуваме, тоа беше еден лош обид да се објасни или оправда цела ситуација и воопшто не е соодветно и не дава одговор. Eдноставно се труди да ја отргне дилемата дека тука нешто е направено надвор од законите на оваа држава. Tука недостасуваат многу работи, односно од каде произлегува потребата за набавката на таков софтвер, кој во државата носи таква одлука, дали за тоа постоела некаква претходна активност дека ќе се воведе таков тип на следење на сообраќајот и кој треба да донесе таква одлука, dали е Владата таа која треба да спроведе таков тендер, рече Тасева во своето гостување. Таа во врска со целиот овој случај побара јавните обвинители да си ја остварат својата улога и да не стануваат соучесници и прикривачи во целиот случај. -Повторно ги повикувам јавните обвинители да си ја остварат својата улога, да не стануваат на овој начин соучесници, прикривачи односно дозволуваат ваков тип на дилеми да се повторуваат и на сето тоа се завршува со некој став од Влада дека тука нема ништо спорно, но тоа треба да го каже некој друг, додаде таа. Ќе одговара ли Рашковски? Антикорупциска веќе превзема еден чекор, но од обвинителството уште нема ни трага ниту глас. Заев јавно се обиде да го одбрани својот поранешен најблизок соработник, оставајќи простор за сомнеж дека можеби и тој имал некакви информации. За досегашните скандали, Рашковски избегна одговорност. Додека чекаме разврска, ви го пренесуваме скандалозниот договор, потпишан лично од Рашковски:

Тасева за скандалот со софтверот набавен од страна на Рашковски: Соопштението од Влада не дава никаков одговор за целиот случај

Ивона Петрова — Thu, 11 Mar 2021 11:16:05 +0000

Слаѓана Тасева од „Транспаренси Интернешнл“ во своето гостување во Студио 10 зборуваше за скандалозниот случај околу набавката на софтвер за сообраќајни прекршоци и посочи дека соопштението од Влада во врска целиот овој случај е многу лош обид да се објасни целата оваа ситуација. -Тоа соопштение воопшто не треба да ги толкуваме, тоа беше еден лош обид да се објасни или оправда цела ситуација и воопшто не е соодветно и не дава одговор. Eдноставно се труди да ја отргне дилемата дека тука нешто е направено надвор од законите на оваа држава. Tука недостасуваат многу работи, односно од каде произлегува потребата за набавката на таков софтвер, кој во државата носи таква одлука, дали за тоа постоела некаква претходна активност дека ќе се воведе таков тип на следење на сообраќајот и кој треба да донесе таква одлука, dали е Владата таа која треба да спроведе таков тендер, рече Тасева во своето гостување. Таа во врска со целиот овој случај побара јавните обвинители да си ја остварат својата улога и да не стануваат соучесници и прикривачи во целиот случај. -Повторно ги повикува јавните обвинители да си ја остварат својата улога , да не стануваат на овој начин соучесници, прикривачи односно дозволуваат ваков тип на дилеми да се повторуваат и на сето тоа се завршува со некој став од Влада дека тука нема ништо спорно, но тоа треба да го каже некој друг, додаде таа.

Перински: Марин со нула денари за економски развој, а 300 илијади евра за софтвер

Тале Кристо — Mon, 08 Feb 2021 12:27:30 +0000

Работењето на Златко Марин за минатата година изгледа вака: × Срамни 31 % капитални расходи за цела 2020 година; × Срамни 32 % расходи за комунални дејности, т.е градба на паркови, патишта, канализации и водоводи; × 0 денари за локален економски развој на општината; × Извонредни 300.000 евра за набавка на софтвер за геогравски информациски систем од кој ниту еден жител на Аеродром нема фајде. Сега е добро време Златко Марин да им објасни на граѓаните на Аеродром зошто 300 000 евра за набавка на софтвер се поважни од обезбедување на чист воздух и пристојни услови за живот..., пишува на својата Фејсбук страница Златко Перински, шеф на кабинет на Претседателот на ВМРО-ДПМНЕ г. Христијан Мицкоски.

Европол: Совладан е најопасниот малициозен софтвер во светот

Катерина Бојаџиева — Wed, 27 Jan 2021 16:14:49 +0000

Властите во неколку земји, вклучувајќи ги Холандија, Германија, САД, Велика Британија и Франција, ја презедоа контролата врз најопасниот малициозен софтвер во светот, соопшти денеска европската полициска агенција Европол и Европската канцеларија за судска соработка Евроџаст. Според двете организации, станува збор за ЕМОТЕТ, софтвер кој работи врз основа на „ботнет“, мрежа на хакирани компјутери што овозможи испраќање малициозни електронски пораки од големи размери. – Силите за спроведување на ред и правосудните власти ширум светот оваа недела ја прекинаа работата на една од најважните мрежи во минатиот век, истакнаа Европол и Евроџаст во заедничко соопштение. – Истражителите ја презедоа контролата врз инфраструктурата на мрежата како дел од координирана меѓународна операција што овозможи таа да се уништи одвнатре, додаваат Европол и Евроџаст. – ЕМОТЕТ беше повеќе од малициозен софтвер. Беше толку опасен затоа што кибер криминалците можеа да го употребат за да инсталираат други видови малициозен софтвер како Тројански коњ и рансомвер на компјутерот на жртвата, велат двете агенции со седиште во Хаг. Европол и Европравда сметаат дека ЕМОТЕТ е еден од главните елементи на кибер криминалот во светот и го користат и други оператори со малициозен софтвер, како што се Трикот и Рјок. Во минатото, ЕМОТЕТ преку електронска пошта пристигнуваше во форма на фактури, сметки и информации за Ковид-19. Сите електронски пораки содржеле малициозни ворд документи во атачмент или се преземани со кликнување на линк.

Амазон ја забрани употребата на својот софтвер за препознавање лица

Тале Кристо — Thu, 11 Jun 2020 08:56:53 +0000

Компанијата „Амазон“ ја забрани употребата на својот софтвер за препознавање лица од страна на полицијата за една година. Овој гигант е последен во низата компании кои забранија употреба на вакви системи и кои се соочуваат со критики за погрешно идентификување на луѓе со потемна боја на кожата. Активистите за заштита на човековите права и вработените во „Амазон“ извршија притисок врз раководството на компанијата да престане да ја продава технологијата за препознавање лица под името „Рекогнишн“ (Rekognition) на владините агенции, бидејќи може да се употреби за нарушување на приватноста на луѓето и таргетирање на малцинствата. Компанијата соопшти дека се надева дека Конгресот ќе воведе построги правила во врска со употребата на оваа технологија.