соиграчи – Kurir.mk

Меси за своите соиграчи и тренери од репрезентацијата купил 35 златни ајфони

Тале Кристо — Thu, 02 Mar 2023 10:18:29 +0000

Напаѓачот на ПСЖ и Аргентина, Лионел Меси купи 35 златни ајфони за играчите и тренерите на националниот тим. Бенџамин Лион, шеф на компанијата за уредување телефони „Indesign Gold“, рече: „Беше чест да му доставам 35 златни „iPhone 14“ на Меси. Ги нарача за соиграчите и стручниот штаб како подарок за победата во финалето на Светското првенство“. На задната страна на секој телефон се имињата и броевите на репрезентативците на Аргентина. - Лионел не контактираше неколку месеци по финалето на Светското првенство. Тој рече дека би сакал да им подари посебен подарок на сите играчи и стручниот штаб за да ја прослават нивната убава победа, но не сакаше да подари нешто обично како часовник. Предложив златни iPhone-и со бројки, а идејата му се допадна на Лео, изјави Лион за „Сан“. Триесет и петгодишниот Аргентинец потрошил околу 200 илјади евра за овие подароци. Аргентина го освои Мундијалот по трет пат, претходно до трофејот стигна во 1978 и 1986 година.

Роналдо денот во Торино продолжува: Јувентус објави ново ексклузивно видео- Кристијано се запозна со соиграчите (ВИДЕО)

Матеја Петровски — Mon, 16 Jul 2018 15:41:05 +0000

Во Торино во таборот на Јувентус, денеска е ЦР7 денот, така управата го најави доаѓањето на Кристијано Роналдо во нивниот клуб. Клубот на својата официјална Фејсбук страна, објави видео од првата средба на Роналдо како играч на Јувентус со соиграчите. Погледнете како изгледаше првата средба на Роналдо со дел ѕвездите на италијанскиот клуб. Инаку, Роналдо во Јувентус доаѓа за 112 милиони евра, од кои 100 одат за Реал Мадрид, а неговата годишна плата ќе изнесува 30 милиони евра или вкупно 120 милиони за четири години. Во Торино владее вистинска еуфорија поради трансферот на големата ѕвезда, фановите очекуваат дека со него клубот конечно ќе го направи последниот клучен чекор кон толку посакуваниот трофеј од Лигата на шампионите.

Срцепарателни фотографии: Моментот кога Пандев и соиграчите на Астори дознаа за трагедијата

Ивана Ефремовски — Sun, 04 Mar 2018 14:07:40 +0000

Фудбалскиот свет е во тага по ненадејната смрт на Давиде Астори, поради што сите натпревари од Серија А се одложени. Џенова и Каљари требаше од 12:30 часот да го одиграат својот натпревар, но токму кога играчите излегоа на теренот се дозна дека во Удине, во текот на вечерта починал фудбалерот на Фиорентина и италијански репрезентативец. Следуваше молк на „Луиџи Ферарис“, играчите, меѓу кои и нашиот Горан Пандев, и навивачите беа во шок, многумина и заплакаа кога им беше соопштено дека животот го загубил италијанскиот репрезентативец. Капитенот на Фиорентина во сон почина во хотелот во Удине каде неговиот тим требаше да одигра натпревар со домашниот Удинезе.