Во повеќе сојузни држави на САД во април почнува вакцинацијата за сите категории граѓани

Тале Кристо — Mon, 29 Mar 2021 18:32:38 +0000

Властите во САД го забрзуваат снабдувањето со вакцини против Ковид-19, и ги испорачуваат неопходните количества дози до сојузните држави, за привршување на вакцинацијата на ранливите групи, и во април се започнува со вакцинација за сите над 16-годишна возраст. Најзголемени испораки има од компанијата „Џонсон и Џонсон“, чија вакцина што се дава во една доза беше одобрена во февруари. Компанијата „Фајзер“ исто така ги зголеми количините на производство на својата вакцина, со двоен обем на испораки и скратено време за правење на вакцината. Компанијата „Модерна“ денеска изјави дека во САД испорачала речиси 100 милиони дози од кои 88 милиони во првото тримесечје годинава. Како што известуваат некои медиуми, властите во повеќе од десет држави како Вермонт, Ајдахо и Њу Џерси, велат дека зголемените испораки ќе овозможат забрзана вакцинација на постарите лица и здравствените работници, а во некои држави може да започнe и вакцинација за сите. Така, во Вермонт предвидуваат дека од 16 април ќе можат да се вакцинираат сите кои тоа го сакаат, или половина месец порано од планираното. Околу половина од државите во САД планираат вакцинацијата за сите да започне во април. Според тракерот за вакцинација на Центрите за контрола на заболувања и профилактика (ЦДЦ), во САД досега целосно се вакцинирани речиси 53 милиони луѓе или околу 16 отсто од населението во земјата. Најмалку една доза добиле над 95 милиони луѓе, а досега се дадени речиси 146 милиони дози вакцини против Ковид-19.

Во 40 американски сојузни држави расте бројот на новозаболени лица

Тале Кристо — Fri, 03 Jul 2020 06:42:18 +0000

Бројот на заразени лица со Ковид-19 е во пораст во 40 од вкупно 50 американски сојузни држави, а од ширење на болеста во моментот поштеден е само североисточниот дел на земјата, покажуваат податоците на Проектот за следење на коронавирусот, волонтерска организација која собира податоци за тестирањето. Порастот на бројот на новозаразени лица се должи и на тоа што Американците не носат маски и не држат физичка дистанца по отворањето на економијата. Поради раст на бројот на инфицирани лица во 40 проценти од САД повторно се вовоедуваат рестрикции или се откажува отворањето на економијата. Вo САД 2.837.189 луѓе се инфицирани со Ковид-19, од кои 131.485 починале, а оздравеле 1.191.091 луѓе.

сојузни држави – Kurir.mk

Во повеќе сојузни држави на САД во април почнува вакцинацијата за сите категории граѓани

Во 40 американски сојузни држави расте бројот на новозаболени лица