сојузници – Kurir.mk

Подољак: Западните сојузници одобрија напади врз руски цели на Крим

Тале Кристо — Tue, 29 Aug 2023 20:47:29 +0000

Украина тврди дека не нејзините западни сојузници одобриле напади врз руски цели на полуостровот Крим. Денес постои апсолутен консензус дека можеме да уништиме сè што е руско на окупираните територии, како на пример на Крим, изјави синоќа на украинската телевизија советникот на украинскиот претседател Володимир Зеленски, Михаило Подољак. Тој додаде дека западните партнери минатата година сè уште беа против украинските напади на Крим, кој е анектиран од Русија во 2014 година. Поранешниот руски претседател Дмитриј Медведев реагираше на изјавата на Подољак, истакнувајќи дека тоа е доказ за „соучесништвото на Западот во војната против Русија“.

Полска и Словачка ги повикуваат сојузниците од НАТО да испратат борбени авиони во Украина

Тале Кристо — Fri, 10 Mar 2023 06:48:28 +0000

Властите во Полска и Словачка ги повикуваат своите сојузници да обезбедат борбени авиони за Украина и велат дека се подготвени да ги испратат своите советски суперсонични борбени авиони МиГ-29 во Киев како дел од меѓународната коалиција. Засега останува нејасно дали другите западни поддржувачи на Украина се подготвени на тој чекор. „Мислам дека е време да се донесе одлука. Луѓето во Украина умираат. Навистина можеме да им помогнеме“, напиша на Фејсбук словачкиот министер за одбрана Јарослав Над. Полскиот претседател Анджеј Дуда изјави за Си-Ен-Ен дека Полска е подготвена да и ги даде на Украина своите МиГ-ови во коалиција со други земји. Над, исто така, во средата рече дека разговарал за ова со својот полски колега на состанокот во Шведска и дека двајцата се согласиле за тоа прашање. Полското Министерство за одбрана соопшти дека Варшава е подготвена да ги предаде своите борбени авиони МиГ-29 на Украина како дел од меѓународна коалиција.

Сојузниците на Навални повикуваат на масовен протест

Тале Кристо — Tue, 23 Mar 2021 13:35:16 +0000

Сојузниците на рускиот опозициски лидер Алексеј Навални денеска повикаа на нов масовен протест низ целата земја со барање за негово ослободување од затвор. Во соопштение објавено на веб-страницата на Навални, тие ги повикаа Русите да се пријават на протестот на интерактивна мапа и наведоа дека ќе закажат датум за тоа кога бројот на луѓе кои сакаат да учествуваат достигне најмалку 500.000 низ целата земја. Организаторите преку соопштение ветија дека протестот ќе биде најмасовен досега во Русија.

Помпео ќе ги посети сојузниците кои ја признаа победата на Бајден

Тале Кристо — Wed, 11 Nov 2020 07:14:31 +0000

Американскиот државен секретар Мајк Помпео најави дека ќе посети седум земји, сојузници на Соединетите Американски Држави, кои му честитаа на демократскиот кандидат Џо Бајден за победата на претседателските избори, иако Доналд Трамп одбива да ја признае. Помпео рече дека во петок ќе отпатува за Париз, а потоа ќе ги посети Истанбул, Тбилиси, Ерусалим и трите заливски сојузници – Саудиска Арабија, Обединетите Арапски Емирати (ОАЕ) и Катар. Тој изјави дека ќе разговара за „историските напори на Трамп да воспостави мир и соработка на Блискиот исток“, објави „Тајмс оф Изарел“.