солена вода – Kurir.mk

Миењето на лицето со солена вода е во тренд, но дали е тоа добра идеја? Еве што велат дерматолозите

Ристе Здравков — Fri, 09 Dec 2022 08:25:29 +0000

Кога ќе помислите на солена вода, вашата прва асоцијација е веројатно лежењето на плажа и веселењето во морето. Но, благодарение на социјалната мрежа „ТикТок“, солената вода стана популарна заради нега и убавина. Имено, на оваа мрежа корисниците наведуваат дека миењето со солена вода е добро за отстранување на акните и намалување на црвенилото на кожата. Во повеќето случаи, мешаат обична топла вода од чешма, која ја истураат во шише со распрскувач и додаваат обична кујнска или морска сол. Потоа ја нанесуваат смесата на лицето и ја оставаат да се исуши, а потоа го мијат лицето со обична вода. Дерматолозите, се разбира, го дадоа својот збор за овој тренд. Од една страна, предупредуваат дека солта може да ја исуши кожата и да ја загрози нејзината бариера, а од друга, не оспоруваат дека солената вода би можела да биде корисна за отстранување на вишокот маснотии или за ублажување на промените предизвикани од псоријаза. Д-р Мариса Гарсик, дерматолог од Њујорк, за „Byride“ вели дека миењето со солена вода може да помогне да се намали вишокот маснотии и дека тоа би било корисно за луѓето со мрсна кожа. – Солената вода може да делува како механички пилинг и да придонесе кожата да биде посветла и помазна – вели д-р Гаршик. Но, таа предупредува дека користењето солена вода може да предизвика иритација кај луѓето со почувствителна или сува кожа. Д-р Горана Исаиловиќ, специјалист по дерматовенерологија вели дека никогаш не би го пробала ефектот од комбинацијата на топла вода од чешма и сол на себе. – Кој сака да проба нека го направи, но јас никогаш не би го направила и не би го ни препорачала – категорична е д-р Исаиловиќ.

Индија: Илјадници луѓе вакцинирани со солена вода

Ивона Петрова — Tue, 06 Jul 2021 09:57:24 +0000

Илјадници луѓе во Индија станаа „плен“ на разработена шема за измама која продава лажни вакцини за коронавирус и вакцинира луѓе, вклучувајќи лекари и медицински работници, соопштија денеска индиските власти. Најмалку 12 лажни акции за вакцинирање се случиле во или во близина на Мумбај, во западно индиската држава Махарастра, изјави за Си-Ен-Ен Висал Такур, висок полициски службеник во Мумбај. – Тие користеа солена вода и инекции. Во секој лажен камп што го имаа, тие го правеа тоа, рече Такур. Околу 2.500 лица примиле лажни вакцини, а организаторите за вакцинација им наплатиле на жртвите за вакцините, заработувајќи вкупно 28.000 долари. – Ги уапсивме лекарите кои користеа болница што произведува лажни сертификати, шишиња, шприцеви, рече Такур. Досега се уапсени 14 лица под сомнение за измама, обид за убиство, заговор и низа други кривични дела. Индија беше погодена од втор бран на коронавирус помеѓу април и почетокот на јуни, што зарази милиони и уби десетици илјади луѓе низ целата земја.

По една чаша солена вода секое утро – еве како ќе ви помогне ако ја пиете

Ивана Ефремовски — Wed, 13 Jan 2021 08:16:39 +0000

Солената вода е најдобриот и најлесниот начин да го регенерирате телото и да го исчистите од непотребните токсини. Иако ова Индијците одамна го применуваат, западниот свет ја отфрли оваа практика под претпоставка дека е штетна за телото. Но, ако користите природна и чиста морска сол, тогаш нејзиниот ефект е гарантиран. 1.Хидратација Нутриционистот Мет Стоун истакнува дека ако пиете вода само за да го хидрирате телото постои можност да претерате и да го преполните организмот со течности. Наместо чиста вода, тој советува да пиете посолена вода, еднаш дневно. 2.Проблеми со варење на храната Солената вода исто така ги решава и проблемите со дигестијата. Таа ги поттикнува ензимите кои го забрзуваат дигестивниот тракт. Доколку пиете посолена вода секое утро, многу брзо ќе ги забележите позитивни промени и регулацијата на дигестивниот систем. 3.Несоница Минералните соли имаат моќ да го смират нервниот систем. Затоа, ако ве мачи несоница, една чаша посолена вода пред да си легнете ќе го реши тој проблем или барем ќе го ублажи. Што значи, ќе можете мирно да спиете. 4.Детоксикација Нејзиното благотворно дејство делува и антибактериски. Таа ги исфрла сите отрови од телото и се ослободува од вишокот бактерии кои му штетат на организмот. 5.Проблеми со коските Моментално една од најпопуларните теории е дека алкалните минерали влијаат врз решавање на проблемите со коските. Особено со остеопорозата. А солената вода е тука да помогне. 6.Чиста кожа Ако сакате нежен сјај и чиста кожа, тогаш напијте се чаша солена вода. Детоксикацијата ќе ви даде блескава и нежна кожа за која отсекогаш сте сонувале. 7.Одличен извор на минерали Солта има огромен број минерали кои во корелација со водата и нејзините благотворни дејства имаат моќ да решат многу проблеми. Минералите се основата на здравата исхрана и здравјето затоа не двоумете се и веднаш испијте чаша солена вода. Ви ветуваме дека нема да зажалите.

Секое утро треба да пиете чаша солена вода, еве зошто

Предраг Кукиќ — Thu, 27 Sep 2018 17:30:25 +0000