Со Грчките железници и Солунското пристаниште договорени нови протоколи за работа во кризно време

Тале Кристо — Tue, 04 Oct 2022 12:38:04 +0000

Подготовката на логистика за зголемен потенцијален железнички транспорт од Солунското пристаниште, била тема на денешната средба во Солун на раководствата на ЈП ЖРСМ Инфраструктура, ЈП ЖРСМ Транспорт, Солунското пристаниште и Грчките железници. -Состанокот е заради сеопфатна подготовка за зголемен потенцијален железнички транспорт од Солунското пристаниште. Договорени се нови протоколи и процедури за работа во кризно време и одговор на сите потреби во такви околности, изјави за МИА Хари Локвенец, директор на ЈП МЖ Инфраструктура. Разговарано е и за меѓудржавното железничко поврзување преку граничната станица Битла Кременица. -Работите од македонска страна се завршени, а во најскоро време ќе бидат завршени и од грчките железници, рече Локвенец. На средбата со првите луѓе на Грчките железници и Солунското пристаниште покрај директорите на ЈП МЖРСМ Инфраструктура Хари Локвенец и на ЈП МЖРСМ Транспорт Мајан Весели присуствувал и директорот на Фершпед Иван Петровски.

Првите контејнери со линдан од Охис тргнаа кон Солунското пристаниште од каде ќе се транспортираат во Франција

Ивона Петрова — Tue, 05 Jul 2022 09:29:50 +0000

Првите седум контејнери со чист HCH, секој од нив тежок по 22 до 26 тони, вчера попладне излегоа од Охис и тргнаа на пат кон Солунското пристаниште од каде ќе заминат за Франција. Со ова започна транспортот на опасниот историски отпад од малата депонија од поранешниот индустриски гигант Охис, соопшти Министерството за животна средина и просторно планирање (МЖСПП). Како што беше посветено посебно внимание на безбедноста на самиот процес на ископување на линаданот и неговите изомери складирани во малата депонија на поранешниот гигант Охис, исто така координирано, прецизно и крајно внимателно, со особено залагање на искусни професионалци кои си ја знаат својата работа до најситен детал, беше извршана подготовката за транспорт што подразбира пакување и товарање и самото транспортирање, посочија од Министерството. Целиот процес, како што информираат, се водеше со посебна внимателност и почитување на меѓународната регулатива за прекуграничен транспорт на опасен отпад по Базелска конвенција и сега е најважно оваа пратка да стигне безбедно до крајната дестинација. Во наредниот период уште 20 контејнери ќе бидат товарени и транспортиртани од државата со што завршуваат активностите опфатни со ГЕФ проектот што се реализаира преку УНИДО. Но, ископот во континуитет ќе продолжи со користење на средства од Повеќепартнерскиот фонд за животна средина специјално формиран за чистење на контаминацијата во кругот на ОХИС во сорабoтка со UNOPS, стои во соопштението од МЖСПП.

солунско пристаниште – Kurir.mk

Со Грчките железници и Солунското пристаниште договорени нови протоколи за работа во кризно време

Првите контејнери со линдан од Охис тргнаа кон Солунското пристаниште од каде ќе се транспортираат во Франција