солзи – Kurir.mk

Не воздржувајте се: Поради ОВИЕ пет причини понекогаш е добро да плачете

Ивана Ефремовски — Mon, 19 Dec 2022 19:56:28 +0000

Плачењето обично се поврзува со некаква слабост, но тоа воопшто не е така. Дури се препорачува одвреме-навреме да ви олесни на душата и убаво да плачете. 1. Солзите ги чистат очите Солзите делуваат како природен антибиотик и можат да убијат до 95 проценти од штетните бактерии во очите за само пет минути. 2. Солзите го подобруваат видот Мембраната на окото може да биде дехидрирана, што предизвикува проблеми со видот, а сликата што ја гледаме е едноставно заматена. Кога плачеме, солзите ја обезбедуваат влажноста на мембраната и на тој начин го олеснуваат и подобруваат видот. 3. Солзите ги елиминираат токсините Во текот на 1980-тите Др. Вилијам Феј, истражувач во медицинскиот центар Ремзи во Минеаполис, открил дека солзите, во зависност од причината, имаат различен хемиски состав. Така, рефлексните солзи (предизвикани, на пример, со сечење кромид) се состојат од 98 проценти вода, додека емотивните солзи се полни со хормонот на стресот - пролактин. 4. Солзите нудат утеха Интересно е како плачењето е придружено со зголемена активност на одреден дел од нервниот систем, чија задача е да го смири телото по стресен настан и да го забави отчукувањата на срцето. 5. Солзите нудат емоционално ослободување и поврзување со другите „Пресметката“ со емоции преку плачење ни помага и полесно да продолжиме со животот. Плачењето ги буди нашите заштитни инстинкти и делува како повик за помош.

СОЛЗИТЕ САМИ ЌЕ ЛИЈАТ И НЕМА ДА СЕ СРАМИТЕ ОД ТОА – Италија плачеше кога го гледаше ова интервју во кое легендата со еден детаљ беше погоден во срцето (ВИДЕО)

Дарко Андоновски — Mon, 19 Dec 2022 11:41:32 +0000

Легендарниот српски фудбалер Синиша Михајловиќ почина во петокот на 54-годишна возраст по тригодишна борба со леукемија, а денеска ќе биде погребан во Рим. Миха помина многу на теренот и надвор од него, а некои се сеќаваат на ситуацијата од пред две години кога гостуваше на една италијанска телевизија. Познатиот ас целосно се распадна кога на видеото виде ситуации од детството, првите фудбалски чекори и изјавите од неговите родители. На лицето на легендата се појавија солзи, а таа ситуација можете да ја видите на видеото од 15:40 минути.

Невил за солзите на Роналдо: Тоа беше ужасна слика, во тој момент…

Ристе Здравков — Mon, 12 Dec 2022 07:52:56 +0000

Португалија не се справи со Мароко и поразот од 1-0 значеше елиминација за фаворитот од Светското првенство. Португалците имаа доминатна партија во осминафиналето против Швајцарија (6-1), но потоа беа далеку од истата против Мароко кој даде еден гол и потоа успешно во свој стил, цврсто и борбено се одбрани за пласман во полуфиналето и нова историја. Со ова заврши еден сон, сон за мундијалска титула на Кристијано Роналдо кој со солзи во очите го напушти теренот што секако доволно говори колку му значеше да има успех со националниот тим на оваа сцена. Околу ова свој коментар имаше Гери Невил кој во изминативе месеци имаше критики на адреса на ѕведата која во моментов е без клуб. -Сакам да го спомнам Кристијано Роналдо затоа што ја видов сликата како плаче во тунелот. Тоа беше ужасна слика за мене. Тоа е моментот кога тој знае дека исчезна неговиот сон да го освои Светското првенство за неговата земја. -Сите сме биле таму на крајот од нашите кариери, но тој е еден од најголемите, ако не и најдобриот играч на сите времиња. Беше ужасно да го гледам таков. Имаше тешки неколку месеци, -рече Гери во подкастот за „Скај Спорт“.

Ѓоковиќ ги објасни солзите по освојувањето на Вимблдон

Ристе Здравков — Mon, 11 Jul 2022 14:13:18 +0000

Новак Ѓоковиќ ја одбрани титулата на Вимблдон, која за него беше седма во кариерата, но и покрај тоа следеше пад на АТП-листата од четири позиции и од денеска се наоѓа на седмото место. Ѓоковиќ по победата на Вимблдон се расплака, откако го совладаа емоциите, па во разговор со српските медиуми откри зошто пуштил солза. „Доживеав многу вакви моменти во кариерата, меѓутоа овој трофеј во година каде што минав низ пекол на Австралија… Сè ми беше собрано кога седнав, почуствував олеснување и се расплакав бидејќи постојано бев под стрес“, вели Ѓоковиќ. Србинот има 21. гренслем-титула во кариерата, односно една помалку од Рафаел Надал, кој стигна до полуфиналето на турнирот.

Лековити солзи: Четири причини поради кои ПЛАЧЕЊЕТО е добро за здравјето!

Ристе Здравков — Sat, 14 May 2022 20:40:59 +0000

Плачењето е сосема нормална работа и е начинот на кој се бориме со тагата, емоциите, загубата… Сепак, потребата за плачење често се потиснува под влијание на различни општествени норми. Од луѓето денес се очекува да бидат силни, расположени, насмеани, оптимисти… Се чини дека нема простор за негативното, кое неизбежно го чувствуваме. Чувствителноста и слабоста се осудени, па солзите стануваат непожелни. Често слушаме од другите „не плачи, не е толку страшно“. Особено на момчињата им се кажува дека вистинските мажи не плачат, а ако плачат, тогаш ги осудуваат со зборовите „плачеш како девојче“. Ако тоа се случи во детството, детето учи да ги потиснува своите емоции, да „голта солзи“ во моментите кога плаче, за да не предизвика потсмев, осуда или екскомуникација, од семејството или пријателите. Сепак, психолозите истакнуваат дека плачењето е многу важно и корисно за здравјето: 1. Солзите помагаат да се воспостави близок контакт Ако ви е тешко да ја отворите душата и да ја споделите тагата со другите, но треба да го направите тоа, солзите ќе ви помогнат. Кога некој плаче, се отстрануваат многу бариери меѓу него и другите. Таа личност станува поотворена, а другите покажуваат поголема нежност, тие се погрижливи, луѓето се зближуваат еден со друг. Плачењето влијае на основните инстинкти на луѓето и ги поттикнува да се грижат за личноста која плаче. Затоа солзите се еден од начините на манипулација. 2. Тие ви дозволуваат да продолжите понатаму Солзите ќе ви помогнат да се ослободите од она што ве мачи, ве стиска, она што е неподносливо. Кога ќе се ослободите од премногу емоции, „камен ви паѓа од срце“, главата ви се расчистува – добивате поинаков увид во ситуацијата, можете да ја видите од друг агол… За да разберете зошто се случило, што точно ве вознемирило … Сè што ви овозможува да продолжите понатаму кога сте подготвени. 3. Ги намалува стресот и напнатоста Плачењето е моќен одбранбен механизам на телото. Дури и ако не го елиминира целосно стресот, значително ќе го ублажи. Ова ќе му помогне на вашето тело да се смири и да го активира парасимпатичкиот нервен систем. Исто така, предизвикува благо ослободување на ендорфин, што моментално ве прави посреќни. Кога ќе се ослободите од она што ве мачи, веднаш ќе ви биде полесно, барем малку. 4. Ја покажува вашата човечка страна Не е срам да плачете, тоа не ве прави слаби или помалку вредни. Солзите велат дека сте само човек кој има проблеми како и сите други, на кој понекогаш му е тешко. Плачењето е всушност начин да се бориме со нашите емоции, наместо да ги потиснуваме.

Лоба во солзи поради војната во Украина: Македонската пејачка со руски корени не можеше да престане да плаче во утринската програма

Ристе Здравков — Thu, 03 Mar 2022 11:56:29 +0000

Македонската поп пејачка, Викторија Лоба, во понеделникот гостуваше во утринската емисија на Телма, во која зборуваше за проектите на кои моментално работи. При крај на разговорот, водителот Ненад Ѓорѓиевски ја спомена и ситуацијата со војната во Украина, на која Лоба не можеше да остане рамнодушна. Пејачката е родена во Русија и живеела таму до својата 8-ма година, па затоа не можеше да ги задржи солзите поради случувањата помеѓу двата словенски народи. „Јас сум со огромна желба за мир, за разбирање помеѓу сите народи. Сакам да кажам дека народот треба да биде обединет, не треба да нè одделуваат, без разлика дали се работи за различни народи и националности. Треба да го доживееме тоа единство во нас и кога ќе се случи тоа, нема да може ниту еден политичар да нè скара“, изјави Лоба, која со склопени раце и со солзи во очите се помоли за мир во светот.

Немој да се срамите од плачење! Лицата кои никогаш не пуштиле солза може да имаат страшни последици по здравјето

Магдалена Андонова — Thu, 30 Sep 2021 19:48:14 +0000

Различни емоции може да не доведат до солзи. Некои од најчестите прчини кои предизвикуваат солзи се: страв, радост, благодарност, љубов. На некои луѓе им е непријатно да плачат, особено ако се опкружени со други луѓе. Замислете сцена каде што еден ден се будите и не можете да плачете. Последиците од тоа би биле неверојатни. Нашите очи не се извор на нашите солзи. Плачењето започнува и завршува во системот на солзи. Составот на солзи предизвикани од различни чувства се разликува. Под микроскоп, можеме да утврдиме кои солзи се предизвикани од смеа, тага, стрес. Не се сите солзи исти. Рефлексните солзи измиваат се што ни паѓа во очи. Емоционалните солзи се одговор на силни емоции. Во просек, жените плачат дури пет пати месечно. Нивниот просечен плач е шест минути. Мажите плачат многу поретко отколку жените. Еднаш во два месеци, еден маж пролева солза. Просечното времетраење на плачење е четири минути. По плачењето, можеме да почувствуваме големо олеснување, но и да паднеме во депресивна состојба. Многу зависи од луѓето околу нас. Ако не поддржат, плачењето ќе биде добра терапија за нас. Ако не можеме да плачеме, тоа ќе предизвика огромни промени во нашето тело. Тенката обвивка на очното јаболко и очен капак ќе се исуши и ќе се згусне. Нашиот вид ќе се замагли, без солзи да ги подмачкуваат очите и очните капаци. Нашите очи не можат да ги измијат остатоците од прашина и бактерии. Рожницата ќе стане течна. На крајот ќе дојде до слепило. Затоа, не треба да се срамите да плачете. Со солзи покажуваме болка, среќа, различни емоции. Солзите ги штитат нашите очи од разни бактерии и прашина. Тие се нормална реакција на организмот.

Солзите на сопругата на Кејн го обиколија светот: По поразот не можеше да престане да плаче, жали само поради една работа – тој ја тешеше

Дарко Андоновски — Tue, 13 Jul 2021 13:03:35 +0000

Сопругата на фудбалерот на Англија ја совладаа емоции по финалето помеѓу Англија и Италија на ЕП 2020 во неделата вечерта. По поразот во финалето од репрезентацијата на Италија, Англичаните не можеа да ги сокријат емоциите, особено разочарани беа фудбалерите, но и нивните најблиски. Една од нив беше и Кејти Годланд, сопругата на фудбалерот Хари Кејн која плачеше целото време, а тој ја тешеше. Кејт целото време го бодреше својот сопруг од трибините, а по последниот промашен пенал таа плачеше без престан. По ова тој цело време ја тешеше сопругата која пред финалето му упати и порака на Инстаграм за среќа. -Не сум една од оние кои лесно се расплакуваат, но солзите започнаа штом започнав да пишувам колку нас не направи горди поради тоа што ова го правиш за државата, напиша таа.

View this post on Instagram

A post shared by @katekanex

Таа додаде и тој да го донесе трофејот бидејќи заслужува да го подигне истиот.

Министерот за здравство се расплака, Британците го обвинија за „крокодилските солзи“ (ВИДЕО)

Ивана Ефремовски — Wed, 09 Dec 2020 14:11:53 +0000

Гледачите на емисијата „Good Morning Britain“ останале зачудени додека ова утро ја следеле програмата и гостинот, министерот за здравство Мет Хенкок. Целата јавност го гледала Хенкок како плаче додека зборува за вакцинацијата против коронавирусот, која започна денеска во оваа земја. „Уверени сме дека наредната серија на вакцината на Фајзер против коронавирусот ќе биде испорачана наредната недела, и тоа неколку милиони дози“, изјавил министерот, откако денеска беше вакцинирана првата личност во Велика Британија. Тој нагласил дека програмот за вакцинација започнал во 70 болници ширум Велика Британија, а додека зборувал на таа тема, реагирал прилично емотивно, па дури и се расплакал. Хенкок почнал да плаче поради веста дека 90-годишна баба од Ковентри и пензионер од Ворикшир наречен Вилијам Шекспир се првите луѓе на светот кој ја добиле одобрената вакцина. Оваа земја презеде голем чекор за спречување на пандемијата на т.н. „V-Day“ (ден на вакцинација). Меѓутоа, гледачите го оцениле неговото однесување како „срамотен настап“ и го обвиниле за лажно плачење и „крокодилски солзи“.

Новиот коронавирус е активен и во солзите на заразените, тврди Националниот институт за заразни болести

Ивана Ефремовски — Wed, 22 Apr 2020 13:01:36 +0000

Вирусот Sars-Cov-2, кој е одговорен за пандемијата на Ковид-19, е активен и во солзите на заразените пациенти, покажа истражување на Националниот институт за заразни болести Спаланзани во Рим, објавено во списанието „Анали на интерна медицина“. Во брис земен од око на заразен пациент кој имал билатерален конјунктивит, истражувачите успеале да го изолираат вирусот, покажувајќи дека тој може да се размножува, не само во респираторните органи, туку и во окото, предизвикувајќи конјунктивит. Ова откритие има важни импликации за општата здравствена состојба, па резултатот до кој дојдоа италијанските лекари, е проследен до Светската здравствена организација. – Ова истражување покажа дека очите не се само една од влезните врати за вирусот во организмот, туку се и потенцијален извор на зараза, коментира Кончета Кастилети, шефица на оперативната единица во лабораторијата на Клиниката Спаланзани во Рим. (МИА)