Докторка пријавила сомнеж за извршен полов напад врз шестгодишно дете во Тиквешко

Магдалена Андонова — Wed, 22 Jul 2020 13:05:41 +0000

Докторка пријавила сомнеж за извршен полов напад врз шестгодишно дете во Тиквешко, дознава МИА. Заради заштита на детето, нема да објавиме за која општина станува збор. Од МВР го потврдија случајот за агенцијата. -Вчера, докторка од приватна здравствена ординација пријавила дека на преглед кај неа било донесено дете на шестгодишна возраст, за кое се сомнева дека врз него има извршено полов напад, стои во одговорот на нашето прашање. Се преземаат мерки за расчистување на случајот. (МИА)

Сомнеж за појава на коронавирусот во Велика Британија

Тале Кристо — Thu, 23 Jan 2020 17:30:46 +0000

Британски медиуми денеска објавија дека коронавирусот најверојатно пристигнал во Велика Британија, откако двајца кинески државјани биле хоспитализирани во Шкотска со симптоми слични на грип. Се претпоставува дека патниците пристигнале од кинескиот град Вухан, од каде се шири епидемијата на новиот вирус од кој досега починаа 17 луѓе, а потврдени се над 600 случаи на заразени. Тестовите, кои им се направени во болницата, досега не го исклучуваат коронавирусот, пишува „Дејли мејл“, додавајќи дека пациентите се наоѓаат во изолација во Универзитетската болница Кралица Елизабета во Глазгов. „Дејли рекорд“ наведува дека кинеските патници пристигнале во Лондон минатата недела пред да заминат во Шкотска. Претходно денеска случаи на заразени лица од новиот коронавирус потврдени се и во Виетнам, Сингапур и Саудиска Арабија.

Сомнеж – Kurir.mk

Докторка пријавила сомнеж за извршен полов напад врз шестгодишно дете во Тиквешко

Сомнеж за појава на коронавирусот во Велика Британија