Детали од убиството во Сончев Брег: Ова се можните причини за немилиот настан

Ристе Здравков — Fri, 28 Apr 2023 12:00:48 +0000

Дали македонскиот државјанин на возраст од 49- години кој беше брутално убиен вчера во Сончев Брег во Бугарија од страна на 14-годишно момче со остар колец, всушност сакал да го силува? Ваква верзија објави бугарскиот сајт Флагман. Македонскиот државјанин кој беше убиен е 50-годишниот Игор Николовски кој живеел во Бугарија со години. Бруталното злосторство се случило вчера, откако 14- годишниот Михаил кој живеел со семејството во Сончев брег го убил Николовски со дрвен колец. Откако му ги задал фаталните удари во главата, малолетникот го однел безживотното тело на Николовски во шума во близина на ресторанот Бачвата и го затрупал со дрвени даски. Но полицијата брзо го нашла и телото и сторителот. Според информации од познаници на семејството на малолетникот, кои ги пренесува Флагман, убиството се случило откако повозрасниот маж му давал знаци за интимен контакт на малолетникот. Двајцата се запознале во Сончев брег после што македонскиот државјанин му понудил на 14-годишникот да го почасти. „За време на средбата му понудил да одат на поинтимно место да имаат секс. Малолетникот се налутил, зел дрвен колец и почнал да го удира по главата. Неколку удари биле доволни за да го убие“, пишува Флагман за една од верзиите од настанот на кои се работи. Полицијата нема потврдено дека ова се вистинските мотиви за убиството. Тие работат на сите верзии, вклучително и грабеж. Михаил бил проблематичен и имал криминално досие. Ако биде осуден му се заканува затворска казна од 5 години поради тоа што е малолетен. Од МВР на Бугарија за „Слободен печат“ велат дека тинејџерот е задржан за убиството, откако вчера во 11 часот и 14 минути добиена е пријава за откриено тело во Сончев брег-Запад. Полицијата на Бургас и Несебар утврдила дека телото е на македонски државјанин кој влегол во Бугарија пред еден месец. „По извршени бројни оперативни и процесно истражни дејствија, сослушување, одземање видео снимки од безбедносните камери на широк периметар и друго, утврдено е дека извршител на убиството е 14-годишник од Несебар. Тој е задржан во притвор. Причините за делото се во постапка на расчистување и работата на случајот продолжува“, велат оттаму.

Лефков: Јавноста мора да знае, сомнежите за вакцинирани политичари од власта мора да се расчистат

Тале Кристо — Tue, 23 Mar 2021 12:19:43 +0000

Вакцини нема, вакцинацијата сопрена, стоматолозите се известени бидејќи нема веќе вакцини ќе имало „краткотраен прекин на имунизацијата“ бидејќи немало веќе вакцини. Не сопираат вестите во јавноста дека се вакцинирани високи функционери и владини претставници. Сомнежот е каде се вакцинирани, дали тука или во други држави, изјави денеска пратеникот од редовите н ВМРО-ДПМНЕ Миле Лефов. -Сомнежите дека вакцинацијата се злоупотребува поточно дека се вакцинирани и политичари од власта мора да се расчисти. Не може и не смее да нема вакцини за здравствените работници, а да има за политичарите од власта, рече Лефков. Лефков исто така најави дека пратениците на ВМРО-ДПМНЕ ќе поднесат барање до собраниската комисија за здравство да побара информации од Министерството за здравство кој се до сега се вакцинирл. -Во интерес на јавното здравје апелираме информациите за тоа кој се е вакциниран да се декласифицираат, кажете кој се е вакциниран. Ние како пратеници од ВМРО-ДПМНЕ ќе поднесеме посебно барање до собраниската комисија за здравство да побара информации од Министерството за здравство и точно да се знае кој до сега се вакцинирал против корона, истакна тој. Додека бројката на заболени се движи околу 30 проценти, а бројката на починати расте, не е време за криење на податоци порача Лефков -Во меѓувреме, бројката се движи околу високи 30 проценти заболени од вкупно тестираните. Бројката на починати секој ден е по неколку десеттина. Не е време да се кријат податоци. Апелираме на декласифицирање на податоците и расчистување на сите сомнежи. Излезете и јавното кажете кој се и колку лица се вакцинирани, ова не е работа и бројки со кои треба да се шпекулира, повика пратеникот од редовите на ВМРО-ДПМНЕ Миле Лефков.

сомнежи – Kurir.mk

Детали од убиството во Сончев Брег: Ова се можните причини за немилиот настан

Лефков: Јавноста мора да знае, сомнежите за вакцинирани политичари од власта мора да се расчистат