Сон Хеунг-мин – Kurir.mk

Сон ја презеде капитенската лента во Тотенхем

Дарко Андоновски — Sun, 13 Aug 2023 15:41:29 +0000

Јужнокорејскиот фудбалски репрезентативец Сон Хуенг – Мин е новиот капитен на Тотенхем, преземајќи на лентата од Уго Лорис. Сон дебитираше со капитенската лента попладнево во воведниот натпревар на Тотенхем во новата сезона во Премиер лигата на кој клубот од Лондон ремизираше 2-2 на гостински терен против Брентфорд. Францускиот репрезентативен голман Лорис е пред заминување од Тотенхем чиј гол го бранеше во изминатите 11 сезони. Тотенхем, во меѓувреме, остана и без заменикот капитен Хари Кејн, кој вчера потпиша договор со минхенски баерн. Сон дојде во Тотенхем во 2015 година од бундеслигашот Баер Леверкузен.

ПСЖ е подготвен да го купи Сон за 80 милиони евра

Ивона Петрова — Mon, 14 Nov 2022 10:43:36 +0000

Напаѓачот на Тотенхем, Сон Хеунг-Мин може да ја продолжи кариерата во Пари Сен-Жермен. Парижаните се подготвени да платат 80 милиони евра за трансфер на 30-годишниот фудбалер. Претседателот на ПСЖ, Насер Ал-Хелаифи е заинтересиран за ангажман на Сон. Тој планира да се сретне со играчот за време на Светското првенство во Катар. Според „Ел Национал“, Сон нема да го продолжи договорот со Тотенхем, кој истекува во 2025 година. Претходно британските медиуми објавија дека за играчот е заинтересиран и Реал Мадрид. Во тековната сезона Кореецот одигра 19 натпревари на кои постигна пет гола и две асистенции. Порталот Трансфермаркт го цени играчот на 70 милиони евра.

Сон мора на операција за стабилизирање на фрактурата на очната шуплина

Ристе Здравков — Thu, 03 Nov 2022 06:40:21 +0000

Тотенхем потврдија дека нивната ѕвезда Сон Хеунг-Мин мора да оди на операција за стабилизација на левата очна шуплина, откако доби фрактура при вчерашниот меч од Лигата на шампионите против Олимпик Марсеј. Кореецот мораше да го напушти теренот во првото полувреме на „Велодром“ по силниот удар со главите со Шансел Мбемба. Останува да се види дали повредата ќе го спречи Сон да настапи за Јужна Кореја на Светското првенство во Катар кое почнува за само три недели.

We can confirm that Heung-Min Son will undergo surgery to stabilise a fracture around his left eye.
— Tottenham Hotspur (@SpursOfficial) November 2, 2022

Јужна Кореја без најдобриот на Мундијалот?

Бошко Тасиќ — Thu, 03 Nov 2022 06:11:46 +0000

Лоши вести за Тотенхем и репрезентацијата на Јужна Кореја, напаѓачот Сон Хеунг-мин (30) ќе мора да оди на операција на само 18 дена пред почетокот на Светското првенство во Катар. Сон се здоби со повреда во вторникот вечерта на натпреварот од Лигата на шампионите против Олимпик од Марсеј. Лекарскиот тим на премиерлигашот потврди дека на Сон ќе му биде извршена операција за стабилизирање на скршеницата околу левото око. – По операцијата, Сон ќе започне со рехабилитација со нашиот медицински тим и навремено ќе ги информираме навивачите за неговата состојба – стои во соопштението на Тотенхем. Екипата предводена од менаџерот Антонио Конте до почетокот на Мундијалот или до таа пауза ќе игра против Ливерпул и Нотингем форест, додека Јужна Кореја на Мундијалот е во групата „Х“ со Португалија, Гана и Уругвај. Хеунг-мин за репрезентацијата на Јужна Кореја настапува од 2010 година и до сега има 35 голови од 104 настапи.

Јужнокореецот Сон стигна до бројката од 100 голови во дресот на Тотенхем

Ивана Ефремовски — Sat, 02 Jan 2021 15:30:27 +0000

Јужнокорејскиот репрезентативец Сон Хеунг-Мин го постигна попладнево јубилејниот 100-ти гол во дресот на Тотенхем, погодувајќи во триумфот на лондонскиот клуб над Лидс на домашен терен од 3:0 во рамки на 17. коло во Премиерлигата. Сон го постигна вториот гол на натпреварот, во 43 минута, откако претходно Хари Кејн од пенал му донесе водство на Тотенхем, а Тоби Алдервајрелд стави печат на триумфот во вториот дел. За Лидс во почетниот состав се најде македонскиот репрезентативец Езѓан Алиоски, кој одигра 64 минути на натпреварот. Победата го искачи Тотенхем на третото место во Премиерлигата, со четири бодови заостанување зад Ливерпул и Манчестер јунајтед, кои го делат првото место со по 33 бодови. (MИА)

Мурињо сака клубот да го продолжи договорот со Сон

Магдалена Андонова — Fri, 23 Oct 2020 18:17:18 +0000

Тренерот на Тотенхем, Жозе Мурињо изјави дека би сакал да го продолжи договорот со напаѓачот Сон Хеунг Мин. – Би сакал Сон да го обнови договорот. Според сегашниот договор, тој има уште три години, така што ситуацијата не е многу алармантна, но би било одлично да се потпише на подолг рок. Се надевам дека и самиот Сон сака да го продолжи престојот во Тотенхем. Сите во клубот го сакаат, тој заслужува нов договор, изјави Мурињо за „Goal.com“. Во сезоната 2020/21, 28-годишниот репрезентативец на Јужна Кореја има девет голови и четири асистенции на осум натпревари. (МИА)

Сон Хеунг-мин го продолжи договорот со Тотенхем

Даниел Василев — Fri, 20 Jul 2018 17:53:52 +0000

Фудбалерот на Тотенхем, Сон Хеунг-мин, го продолжи договорот со клубот од Лондон. Јужнокорејскиот репрезентативец ќе остане во Тотенхем до 2023 година. Тој во лондонскиот клуб дојде во 2015 година од Бајер Леверкузен, а досега на 99 натпревари има постигнато 30 голови. Професионалната кариера 26-годишниот Сон ја почна во Хамбург, каде како 16-годишно момче допатувал од Сеул. МИА