Сон Хунг Мин – Kurir.mk

Мурињо: Оваа сезона веќе не сметам на Сон

Ивона Петрова — Wed, 19 Feb 2020 09:23:22 +0000

Тренерот на Тотенхем, Жозе Мурињо, рече дека до крајот на сезоната нема да смете на Сон Хунг Мин. Кореецот се здоби со фрактура на натпреварот во Премиер лигата против Астон Вила. – Ситуацијата со Сон Хунг Мин не можете да ја замислите колку е лоша од гледна точка на замена на овој играч. Сè е премногу очигледно и тука не може да се стори ништо. Ќе играме со помош на оние што ги имаме. Оваа сезона нема да сметам на Сон. Ако тој може да одигра два-три натпревари, тогаш тоа ќе благодарение на оптимизмот на нашиот прес-аташе, изјави Мурињо. Тотенхем вечерва од 21 часот е домаќин на Лајпциг во првиот натпревар од осминафиналната пресметка во Лигата на шампионите.

Сон Хунг Мин ќе пропушти 6-8 недели поради скршена рака

Дарко Андоновски — Tue, 18 Feb 2020 14:09:27 +0000

Напаѓачот на Тотенхем, Сон Хунг Мин, се повреди во натпревар од 26-то коло од Премиер лигата против Астон Вила (3:2). На 27-годишниот напаѓач му беше дијагностицирана фрактура на десната рака. Тој ќе биде подложен на операција оваа недела. Клубот на веб-страницата објави дека играчот ќе биде надвор од теренот неколку недели. Според „Атлетик“, закрепнувањето ќе трае шест до осум седмици. Ова е голем хендикеп за Тотенхем со оглед на тоа што и Хари Кејн не е во составот на Мурињо поради повреда. Неговотo враќање нема да се случи порано од април. Утре (19 февруари), Тотенхем ќе го одигра првиот натпревар од осминафиналето на Лигата на шампионите против Лајпциг.

Тотенхем поднесе жалба за исклучувањето на Сон

Ивона Петрова — Tue, 05 Nov 2019 07:19:42 +0000

Премиерлигашот Тотенхем поднесе жалба за отстранување на напаѓачот Сон Хунг Мин во натпреварот од 11. коло од шампионатот на Англија против Евертон (1:1), пренесува „Гардијан“. Во 79-та минута од средбата, Сон стартуваше врз играчот од средниот ред на Саутемптон, Андре Гомеш, кој налета на друг фудбалер на Тотенхем и при тоа доби фрактура на стапалото. Првично, судијата Мартин Аткинсон извади жолт картон од џебот, но сериозноста на повредата и ВАР го натераа да се премисли и да му додели црвен картон на Кореецот. Доколку Англиската фудбалска асоцијација не ја прифати жалбата и го регистрира црвениот картон, тоа автоматски ќе значи дисквалификација на Сон за натпреварите во Премиерлигата против Шефилд Јунајтед, Вест Хем и Бурнемут.