сонце од кутлеш – Kurir.mk

Сонцето од Кутлеш забрането низ цела држава: Во Карбинци офарбано со бела боја (ФОТО)

Ивана Ефремовски — Tue, 10 Sep 2019 11:27:33 +0000

Сонцето од Кутлеш, по договорот кој го направи премиерот Заев, стана забрането низ цела држава. Така, во Карбинци каде е нацртано ова македонско знаме, се прекрива со бела боја.

Албанско или српско знаме не се забранети, но сонцето од Кутлеш не смее да биде залепено на компјутер (ВИДЕО)

Ивана Ефремовски — Fri, 30 Aug 2019 10:19:36 +0000

Претседателката на Советот на општина Куманово, Атина Мургашанска, го спроведува на дело тоа што го наметна Зоран Заев. Македонското знаме, со сонцето од Кутлеш, е строго забрането да се користи. Советниците на ВМРО-ДПМНЕ на своите лаптоп компјутери имаа залепено слики од старото македонско знаме, што наиде на остра осуда од СДСМ. -Ни ставате на товар дека целиот овој Совет, јас како одговорна и градоначалникот и општинскиот имот го кршиме законот и ќе го сметам за намерно нарушување на редот и провокацијата тоа што на вашите службени лаптопови сте го истакнале симболот на знамето кое веќе не важи и кое е со закон забрането за употреба на јавни места, истакна таа. Претседателката на Совет ги повика надлежните органи да поведат прекршочна пријава за ваквото “прекршување“. -Има исклучива забрана за знаме со овој симбол. Ако стои српско знаме, знаме на Република Србија или на Република Албанија, не ни е обврска, ама не е забрането, истакна претседателката на Совет.

ВЛАДАТА СО НАРЕДБА : Општините да го отстранат Сонцето на Вергина од сите јавни места

Дарко Андоновски — Tue, 13 Aug 2019 15:38:35 +0000

Владата им препорача на единиците на локалната самоуправа да ја почитуваат обврската од член 8 став (3) од Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на ОН за престанување на важноста на Привремената спогодба од 1995 и за воспоставување на стратешко партнерство меѓу страните и да пристапат кон отстранување на симболот на Сонцето на Вергина од сите јавни места и јавна употреба. Како што соопшти владината прес-служба, на денешната седница Владата разгледала и усвоила информација за примена на член 8 став (3) од Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на ОН за престанување на важноста на Привремената спогодба од 1995 и за воспоставување на стратешко партнерство меѓу страните.

Од денес згаснува Сонцето од Кутлеш на сите јавни објекти

Катерина Бојаџиева — Mon, 12 Aug 2019 07:31:55 +0000

Симболот на првото знаме на независна Македонија, Сонцето од Кутлеш, од денес не смее да стои на ниту еден споменик, ниту пак институција или јавно место. Ова е „запечатено“ во договорот од Нивици на кој се согласи македонската Влада во јуни минатата година. За периодот од шест месеци од стапување во сила на Договорот, кој инаку истекува денес, власта се обврза симболот од Вергина да биде тргнат, а на спомениците што упатуваат на тој период да бидат истакнати ознаки дека се дел од античката хеленска историја и цивилизација. -Втората страна нема повторно да го употребува на кој било начин и во каква било форма симболот порано истакнат на нејзиното поранешно државно знаме. Во рок од шест месеци по влегувањето во сила на оваа спогодба, Втората страна ќе пристапи кон отстранување на симболот истакнат на нејзиното поранешно државно знаме од сите јавни места и од јавна употреба на нејзина територија. Археолошките артефакти не спаѓаат во опфатот на оваа одредба, стои во чл.8 од Договорот. Инаку, Владата на седница на 4-ти јули побарала надлежните институции да достават информација за спомениците, јавните и другите инфраструктурни објекти чии имиња се дел од античката хеленска култура и цивилизација, во чија надлежност се тие во однос на поставувањето и одржувањето и кој е носител на авторските права, доколку станува збор за уметнички дела. На 13 февруари или на само еден ден од стапувањето во Сила на Договорот дел од институциите веќе почнаа да ги спроведуваат одредбите. ЈП „Водовод и канализација“ први почнаа со спроведување па го отстраниле тепихот со симболи од директорскиот кабинет, а потоа и неколку слики со иста тематика. Пред само два месеца на спортски натпревар во Струмица навивачката група Комити влезе во конфликт со обезбедувањето поради веењето знаме со симболот од Кутлеш. Нејасно е како власта ќе ја забрани употребата на Сонцето од Кутлеш. Дали освен спомениците, овие обележја ќе мораат да се тргнат и од фасадите на домовите, спортските сали, цркви но и дали и натаму граѓаните ќе можат да ги веат знамето со симболот од Вергина. Ќе се тргнат ли и сувенирите за домашните и странски туристи кои го имаат симболот? Неизвесно е што ќе се случува и со неколку општини. Во амблемот на Oпштина Македонска Каменица во целост го има Сонцето од Кулеш, во Виница целиот плоштад е поплочен со црвено-жолти бекатон плочи кои го претставуваат сонцето…И во грбот на Oпштина Могила изгразен е токму овој симбол, пренесува Алфа ТВ.

Според Преспански Договор – од утре згаснува Сонцето од Кутлеш на сите јавни објекти

Дарко Андоновски — Sun, 11 Aug 2019 17:52:37 +0000

Симболот на првото знаме на независна Македонија , Сонцето од Кутлеш, од утре не смее да стои на ниту еден споменик, ниту пак институција или јавно место – вака стои во договореното во Нивици на кое се согласи македонската Влада лани во јуни. За периодот од шест месеци од стапување во сила на Договорот, кој истекува утре, власта се обврза симболот од Вергина да биде тргнат, а на спомениците што упатуваат на тој период да бидат истакнати ознаки дека се дел од античката хеленска историја и цивилизација, пренесува Алфа. -Втората страна нема повторно да го употребува на кој било начин и во каква било форма симболот порано истакнат на нејзиното поранешно државно знаме. Во рок од шест месеци по влегувањето во сила на оваа спогодба, Втората страна ќе пристапи кон отстранување на симболот истакнат на нејзиното поранешно државно знаме од сите јавни места и од јавна употреба на нејзина територија. Археолошките артефакти не спаѓаат во опфатот на оваа одредба., стои во чл.8 од Договорот. Владата на седница на 4-ти јули побарала надлежните институции да достават информација за спомениците, јавните и другите инфраструктурни објекти чии имиња се дел од античката хеленска култура и цивилизација, во чија надлежност се тие во однос на поставувањето и одржувањето и кој е носител на авторските права, доколку станува збор за уметнички дела. Се ќе било завршено во зацртаниот временски рок. На 13 февруари или на само еден ден о стапувањето во Сила на Договорот дел од институциите веќе почнаа да ги спроведуваат одредбите. ЈП „Водовод и канализација “ први почнаа со спроведување па го отстраниле тепихот со сиболи од директорскиот кабинет, а потоа и неколку слики со иста тематика. Пред само два месеца на спортски натпревар во Струмица навивачката група Комити влезе во конфликт со обезбедувањето поради веењето знаме со симболот од Кутлеш. Нејасно е како власта ќе ја забрани употребата на Сонцето од Кутлеш. Дали освен спомениците, овие обележја ќе мораат да се тргнат и од фасадите на домовите, спортските сали, цркви но и дали и натаму граѓаните ќе можат да ги веат знамето со симболот од Вергина. Ќе се тргнат ли и сувенирите за домашните и странски туристи кои го имаат симболот. Неизвесно е што ќе се случува и со неколку општини. Во амблемот на Oпштина Македонска Каменица во целост го има Сонцето од Кулеш, во Виница целиот плоштад е поплочен со црвено-жолти бекатон плочи кои го претставуваат сонцето…И во грбот на Oпштина Могила изгразен е токму овој симбол.