сончање – Kurir.mk

Залудно ставате спреј и крема за сончање ако ги правите ОВИЕ ГРЕШКИ

Ивана Ефремовски — Fri, 07 Jul 2023 18:21:42 +0000

Дали користите спрејови за прскање и креми за заштита од штетни сончеви зраци? Важно е да знаете како да ги нанесете правилно, така што заштитата навистина функционира. Повеќето луѓе не нанесуваат доволна количина. Спреј треба да се нанесува на кожата во изобилство, сè додека не стане видлива на површината на кожата. После тоа, треба да се нанесуваат дополнително и препорачливо е да се примени неколку пати на ден, бидејќи поради сонцето повеќе се потиме. Спреј треба да се нанесува на лицето или на телото околу шест секунди, така што заштитата е соодветна. Така правите голема штета и си го доведувате здравјето во опасност. Можете да изгорите мислејќи дека сте ставиле доволен фактор. Болестите кои може да ги фати кожата при големо изложување на сонце, без добра заштита, сигурно веќе ги знаете. Нанесете го лосионот дома пред да одите на сонце. Намачкајте се убаво, низ целото тело, а од кремата оставете и слој. Задолжително понесете ја и со вас на плажа, процесот мора да се повтори. Кога станува збор за заштита на лицето, никогаш не нанесувајте директно од кремата, а посебно не од спрејот. Ќе вдишете во нос честички кои може да бидат штетни. Нанесете на дланките, па размачкајте на лице откако ќе истриете.

5 совети за блескава кожа по сончањето

Ристе Здравков — Wed, 31 Aug 2022 07:27:56 +0000

Одамна набавивте сè што ви е потребно за на плажа, кога се во прашање козметичките продукти? Мислиме пред сè на лосионите и спреовите кои ќе ја заштитат вашата кожа, лице и коса од сонцето. Сепак, негата после сончањето е подеднакво важна за кожата да ви изгледа здраво, но и вие да се чувствувате убаво во неа. Поради таа причина, со вас споделуваме 6 фантастични совети како да ја сочувате кожата после излегувањето на сонце. Обрнете внимание на водата со која се туширате Туширањето е доста важно штом ќе ја напуштите плажата или базенот. Хлорот, солта и песокот мора да се отстранат, но колку и да сакате да се туширате со топла вода, немојте да го правите тоа, бидејќи таа скоро цел ден била изложена на сонце. Нека водата биде млака, бидејќи многу повеќе ќе ви пријае и нема да почувствувате негативни последици. Изберете соодветен гел за туширање Немојте никако да ги користите оние гелови кои содржат состојки што ја сушат кожата. Таа е претходно исушена, па затоа дајте ѝ третман каков што заслужува. Геловите за туширање на база на масла или оние со ефект на додатна хидратација се одличен избор. Исто така, избегнувајте да правите пилинг кој само ќе ја иритира кожата. Пилингот би требало да го направите пред, но и по завршувањето на летувањето. Никако не заборавајте на интимната зона Знаете и самите дека не треба да ја миете интимната зона со редовни гелови за туширање, туку само со оние кои се специјализирани баш за таа намена. Тие не содржат сапун, туку благи состојки кои природно се наоѓаат во интимната зона на жената и не ја нарушуваат природната pH вредност. На лето, после сончањето и капењето, особено е важно да обрнете внимание на овој дел, бидејќи солената вода и тоа како ја нарушува pH вредноста, а воопшто да не зборуваме за базените. Затоа може да ви се случи да почувствувате чешање, пецкање и други непријатности кои можат да ви го уништат одморот. После туширањето користите млеко или лосион за нега на телото после сончање Ова е подобро за вашата кожа, отколку редовното млеко или лосион за тело. Тоа во себе најчесто содржи голем број витамини и состојки кои ја смируваат, ладат, регенерираат и хидрираат кожата. Доколку немате лосион од овој вид, избирајте ги оние кои се помасни и кои ќе ѝ ја обезбедат на кожата потребната влажност, но и природните масла како што е кокосовото ќе даде одлични резултати. На овој начин, бојата ќе се задржи подолго и нема да се излупи. Евентуалните изгореници негувајте ги на вистински начин Доколку случајно сте се здобиле со изгореници и под услов тие да не се од повисок степен, постои неколку начини за да ја намалите болката. Јогурт или разблажен јаболков оцет се начините на кои изгорениците може да се смират. Алое верата е исто така сјајна, бидејќи нејзиниот гел лади и ја обновува кожата, но секако би требало да имате и мелем за изгореници во вашата козметичка торба. Тој ќе ја регенерира вашата кожа и со зголеменото внесување на течности во организмот и задолжителното избегнување на сонцето, проблемот набрзо ќе биде решен и вашиот одмор нема да пропадне. Во секој случај, чувајте се од силното сонце. Не само поради изгорениците, кои може да создадат трајни проблеми на кожата, туку и поради ризикот за кожни заболувања, флеки на лицето и телото и предвременото стареење на кожата. Сетете се на ова нареден пат кога по секоја цена ќе сакате да останете цел ден на сонце, за само да добиете боја за нијанса потемна од претходната. Оставете ја кожата да дише Вие сте на одмор, па нека се одмори и вашата кожа. Сигурни сме дека не треба да ви нагласуваме дека не пости причина да носите шминка на плажата, но исто така, убаво е доколку целосно ја исфрлите за време на одморот. Наместо парфем, употребувајте спреј за тело со егзотичен мирис или нека вашето тело мириса само на лосионот кој сте го нанеле. Штом ќе се вратите дома ќе продолжите со обврските и рутините, па искористете ги деновите од одморот, да ѝ пружите целосна детоксикација на кожата. Вие со потемниот тен секако изгледате феноменално и не ви е потребно толку многу за да се разубавите. Наместо да го трошите своето време за контурирање и ставање подлоги, искористете ја таа прилика за да го гледате заоѓањето на сонцето на плажата или да направите нешто што не можете кога сте дома. Освен тоа, носете и гардероба која е пријатна за кожата и од природен материјал.

Важен совет за овој период од годината: Не смеете да се сончате ако ги користите овие лекови или препарати

Ивана Ефремовски — Wed, 29 Jun 2022 14:12:39 +0000

За жал поединечни медикаменти и уживањето во сончањето не одат заедно. Некои од лековите и помошните средства можат да предизвикаат тешки алергиски реакции по кожата, но и на самиот организам. На пример, доколку користите одредени антибиотици, анти-бејби пилули или сте на терапија на коритиостероиди, а сте планирале летување, консултирајте се со својот лекар. Парфеми, дезодоранси, пилинзи и други козметички препарати во комбинација со сончевите зраци, можат да предизвикаат бурна реакција на кожата, како што е осипи, облици на ситни меурчиња, пликови, лупење на кожата и силно чешање.

ДАЛИ ЗНАЕТЕ ШТО ЗНАЧАТ БРОЈКИТЕ НА КРЕМИТЕ ЗА СОНЧАЊЕ? Сите мислат дека заштитен фактор 50 е најјак, дерматолог ја открива вистината!

Ристе Здравков — Thu, 23 Jun 2022 18:01:48 +0000

Пред да започнете со сончање, важно е да го купите вистинскиот крем за сончање и да го користите правилно. Кога купувате крема за сончање, на амбалажата гледате „SPF 50“ и мислите дека тоа е најсилната заштита со која нема шанси да се изгори. Сепак, тоа не е точно. Тоа е највисоката заштита што постои, но доколку не ја применувате редовно, тогаш сте во голем ризик. Што значи фактор 50? „Тоа значи дека производот ве заштитува од 98 проценти од УВБ зраците кои доаѓаат во контакт со вашата кожа. Нивоата на заштитен фактор отсекогаш им задавале проблем на клиентите. Некои мислат дека бројот на заштитен фактор одговара на минутите што можете да ги поминете на сонце по нанесувањето, а некои мислеа дека етикетата го покажува нивото на заштита“, вели дерматологот и открива: “СПФ бројот технички покажува колку минути можете да бидете на сонце без да изгорите. Има проблем кој не го зема предвид типот на кожата, пливањето, сончањето, потењето и УВ индексот за тој ден. Заштитните креми можат да бидат ефективни до 40 минути на сонце или до 80 минути во вода. Луѓето мора да ги нанесуваат на секои два часа“, предупредува дерматолог. Што да барате на етикетите на кремите за сончање? За да си обезбедите соодветен заштитен фактор, треба да обрнете внимание на декларацијата. “Постојат два вида креми за сончање: минерални и хемиски. Хемиските содржат состојки кои ги апсорбираат УВ зраците, а минералните ги одбиваат. Доколку имате чувствителна кожа, склона на иритации, изберете минерални”, вели дерматологот.

За дамите кои сакаат бронзен тен: Ова масло за сончање може да си го направите сами, ќе бидете многу задоволни

Ивана Ефремовски — Wed, 01 Jun 2022 16:40:24 +0000

Маслото за сончање кое дома сами ќе го направите не содржи заштитен фактор, така што ако имате бел тен, би требало да почекате додека кожата не се адаптира на сонцето. Откако ќе добиете боја, слободно користете го ова масло кое на вашата кожа ќе даде бронзен изглед и ќе спречи сушење на кожата. Потребни ви се: -3 децилитри маслиново масло -1 децилитар кантарионово масло -2 моркови Изрендајте ги морковите, ставете ги во тегла, а потоа прелијте ги со маслиново масло и масло од кантарион. Добиената смеса треба неколку дена да отстои, а од време на време треба да се протресе содржината. На крајот, процедете добро и ставете го маслото во шишенце кое ќе биде соодветно.

Внимавајте: Со ова масло не смеете да се сончате

Катерина Бојаџиева — Tue, 31 May 2022 08:56:34 +0000

Не секогаш се потребни скапи и купечки масла за сончање за да се добие бронзен тен, но не секое масло е здраво да се користи. Некои од нив во лето се забранети за употреба, предупредуваат дерматолозите. Иако многумина од нас го користат како замена на другите масла за сончање, важно е да се нагласи дека кантарионовото масло не смее никако да се става пред излегување на сонце. Доколку се намачкате, мора да поминат барем 24 часа за да можете да се изложите на УВ зрачењето за да бидете сигурни дека нема да добиете непосакувани нус појави. Скоро истото важи и за маслиновото масло кое има фантастичен ефект на кожата, ја влажни и ја прави еластична, но тоа нема да ве заштити од ултравиолетовите зраци. Многу често маслиновото масло може да предизвика изгореници кои со често повторување предизвикуваат трајни оштетувања на нашата кожа – како хиперпигментација, соларна кератоза или рак на кожата.

Многумина од вас ги користат овие масла за сончање, но НЕ СМЕЕТЕ да го правите тоа

Ивана Ефремовски — Mon, 30 May 2022 11:32:30 +0000

Не секогаш се потребни скапи и купечки масла за сончање за да се добие бронзен тен, но не секое масло е здраво да се користи. Некои од нив во лето се забранети за употреба, предупредуваат дерматолозите. Иако многумина од нас го користат како замена на другите масла за сончање, важно е да се нагласи дека кантарионовото масло не смее никако да се става пред излегување на сонце. Доколку се намачкате, мора да поминат барем 24 часа за да можете да се изложите на УВ зрачењето за да бидете сигурни дека нема да добиете непосакувани нус појави. Скоро истото важи и за маслиновото масло кое има фантастичен ефект на кожата, ја влажни и ја прави еластична, но тоа нема да ве заштити од ултравиолетовите зраци. Многу често маслиновото масло може да предизвика изгореници кои со често повторување предизвикуваат трајни оштетувања на нашата кожа – како хиперпигментација, соларна кератоза или рак на кожата.

Тајната на Роналдо за добриот изглед: Португалецот открил колку време се сонча

Ристе Здравков — Sat, 27 Nov 2021 09:26:53 +0000

Документарниот филм "Сѐ или ништо: Јувентус" откри нови пикантерии од минатата сезона на Бјанконера, вклучувајќи ги и одредените навики на Кристијано Роналдо. Со 36 години Кристијано продолжува да демонстрира завидната физичка форма, благодарејќи на дисциплината и навиките кои ги практикува од ден во ден. Не е тајна дека потругалскиот ас се грижи за своето тело и својата фигура, а документарниот филм на Амазон, "Сѐ или ништо: Јувентус" сепак ги откри некои негови тајни за одличната физичка форма. "Јас сум сам свој доктор, свој сопствен психички доктор и нутриционист. Ако ги правите вистинските работи ќе бидете подобри од другите", рекол Роналдо. Но, кои се тие "вистински работи" за кои зборува Кристијано Роналдо. Очигледно сончањето е многу важен дел. "Се сончам 30 минути и знам дека ќе ми помогне. Сонцето е добро за моето тело. Но, да се сончам цел ден тоа би ми наштетило и би имал брчки. Наместо тоа, 30 минути поминати на сонце е многу добро за мене. Имам 36 години и сѐ уште сум тука", рекол Роналдо.

Никако не смеете да се сончате ако пиете антибиотици, а еве и зошто

Дарко Андоновски — Sat, 14 Aug 2021 14:04:53 +0000

Прекумерното изложување на сончева светлина може да доведе до брчки и други оштетувања на кожата, дури и рак. Сепак, она што многумина можеби не го знаат е дека земањето одредени лекови може да ги зголеми ефектите на сонцето. Така, некои антибиотици можат да ги направат луѓето почувствителни на сонце, особено оние со посветла кожа и очи. Некои лекови содржат соединенија кои, активирани со UVA зрачење, можат да ги оштетат клеточните мембрани и, во некои случаи, ДНК. Последиците може да бидат сериозни изгореници од сонце на изложени делови од телото. Во ретки случаи, лековите исто така можат да предизвикаат алергиска реакција на изложување на сонце, предизвикувајќи осип што може да го покрие целото тело. Што е фотосензитивност? Некои антибиотици во комбинација со изложување на сонце може да доведат до фотосензитивност, односно чувствителност на ултравиолетовите зраци. Долготрајната изложеност на сонце може да го зголеми ризикот од изгореници од сонце. Постојат два вида фотосензитивност: фототоксична и фотоалергиска реакција. Фотоотоксични реакции се јавуваат кога нова хемикалија во нашето тело комуницира со УВ зраци. Резултатот е осип на кожата што изгледа како сериозно изгореници од сонце, кои обично се развиваат во рок од 24 часа по изложувањето на сонце. Фотоалергиските реакции се јавуваат и како несакан ефект на некои лекови, но тие можат да се појават и поради хемикалии кои се наоѓаат во козметиката и кремите за сончање. Со овој тип на реакција, обично се потребни неколку дена за да се развие осип по изложување на сончева светлина. Симптоми на фотосензитивност Симптомите се движат од благи до тешки. Најчестиот симптом е осип или изгореници од сонце. Осипот може или не може да предизвика чешање. Во некои случаи, изгореници од сонце може да бидат толку силни што се појавуваат плускавци. Количината на изложеност на сонце потребна за реакцијата варира во голема мера. Кај некои луѓе, многу малку изложување на сонце може да предизвика осип или изгореници, додека во некои реакции ќе се појави по продолжено изложување. Најдобар начин да ги спречите симптомите на фотосензитивност е да го ограничите времето поминато на сонце. Луѓето чувствителни на светло секогаш треба да користат крема за сончање кога се на отворено. Покривањето и заштитата на кожата, исто така, може да спречи проблеми. Носете капи, очила за сонце и кошули со долги ракави изработени од природни материјали. Овие едноставни совети можат да помогнат да се заштити вашата кожа. Ако имате здравствени проблеми во летните месеци што може да се решат со употреба на антибиотици, проверете кај вашиот лекар за да видите дали можете да останете на сонце. Во продолжение, детално прочитајте ги упатствата што доаѓаат со лекот, во кои јасно ќе се наведе дали е важно да се избегне изложување на сонце колку што е можно додека го земате овој лек за да избегнете потенцијални реакции. Најбезбедно е, ако веќе имате таква терапија во летните месеци, да го прескокнете сончањето и да бидете внимателни неколку дена по земањето на терапијата.

Овие работи МОРА да ги знаете за кремот за сончање, некои ваши претпоставки се погрешни

Ивана Ефремовски — Wed, 14 Jul 2021 20:27:10 +0000

Еден од главните совети е дека кремот за сончање треба да се нанесува на секои два часа. Без заштитен крем, на сонце може да изгорите за само 10 минути. Треба да сфатите дека кремите со заштитен фактор не се само миризлива течност, туку препарат кој ќе го заштити вашето здравје од злокобни болести, но и кожата од предвремено стареење. Еве пет факти што секој треба да ги знае за кремите за сончање:

Кремите за сончање на СИТЕ им се потребни. Не е важно дали имате светол тен и дали веќе сте малку исончани. Кремите за сончање се првенствено во служба на здравјето, а не на убавината.
Најдобро е кремите за сончање да ги нанесете дваесеттина минути пред излегување на плажа и да нанесувате нов слој на секои два часа.
Водоотпорните креми не можат да пружат целодневна заштита, токму како што тоа не можат да го направи ниту еден друг крем без разлика на тоа што пишува на амбалажата. По 40 минути во вода тие го губат дејствието, па пожелно е кога ќе излезете од вода повторно да се намачкате со заштитен крем.
Факторот не ја означува „јачината“, туку „должината на траење“. Многу жени избираат пониски фактори со намера побрзо да поцрнат, но тоа е бесмислено, бидејќи факторот го означува траењето на заштитата. На пример, фактор 15 трае 150 минути, фактор 30 – 300 минути. Потоа е потребно повторно нанесување на кремот. Без крем на сонце може да изгорите веќе после 10 минути.
Кремот за сончање е неопходен и во град, но и за време на облачните денови, бидејќи облаците пропуштаат дури 80% UV зраци.