сончева енергија – Kurir.mk

Ветерoт и сончевата енергија ќе произведуваат повеќе од една третина од глобалната енергија до 2030 година

Ивона Петрова — Thu, 13 Jul 2023 15:29:28 +0000

Енергијата на ветерот и соларната енергија се на пат да сочинуваат повеќе од една третина од изворите на електрична енергија до 2030 година, според денеска објавениот извештај на американскиот институт „Карпести планини“ („Rocky Mountain“). Султан ал-Џабер, претседател на следниот самит на ОН за климата КОП28, повика оваа година тројно да се зголеми производството на енергија од обновливи извори до 2030 година со цел да се намалат емисиите на стакленички гасови и да се придонесе за постигнување на климатските цели во Париз од 2015 година. Експоненцијалниот раст на секторот значи дека проектите за добивање струја од енергија на ветер и соларна енергија би можеле да генерираат најмалку 33 отсто од глобалната електрична енергија, во однос на 12 отсто сега, што ќе овозможи помала употреба на фосилни горива и поевтина енергија, се вели во извештајот. Институтот, американска непрофитна организација за чиста енергија, го спроведе истражувањето во партнерство со Фондот на Безос за Земјата, фонд вреден 10 милијарди долари, кој е основан од сопственикот на Амазон, Џеф Безос, за да помогне во изнаоѓањето решенија за климатските промени. Цената на сончевата енергија, која веќе е најевтин облик на производство на енергија, ќе се намали на 20 долари за мегават час, од околу 40 долари колку што е сега, очекува Институтот. „Придобивката од брзиот развој на обновливите извори на енергија е поголема енергетска сигурност и независност, плус долгорочната дефлација на цената на енергијата, бидејќи колку повеќе од таа технологија поставувате, толку е поевтина“, рече Кингсмил Бонд, висок функционер на Инститот.

„Адидас“ ги претстави новите сончеви блутут-слушалки

Дарко Андоновски — Thu, 18 Aug 2022 15:04:29 +0000

Компанијата „Адидас“ ги претстави новите блутут-слушалки „РПТ-02 СОЛ“, коишто користат сончева енергија за полнење на батеријата. Сончевите уреди не се новост. Многу компании имаат такви производи, но сончевите слушалки сѐ уште се реткост. Блутут-слушалките на „Адидас“ се поврзуваат со други уреди преку блутут и имаат вградени „Пауерфојл“ ќелии за сончева енеригија. Уредот е водоотпорен, има микрофон, како и „УСБ-Ц“ приклучок за дополнително полнење. Самите слушалки се направени од рециклирана пластика. А, нудат и 80 часа „резервна“ енерегија во батеријата дури и во темна просторија каде што воопшто не би биле изложени на сончева светлина. Цената на слушалките е 230 долари. На пазарот има и други слични производи коишто користат иста технологија. Меѓу нив се „Урбаниста Лос Анџелес“, како и слушалките „Блу тајгер“ чија цена е 220 долари.

Данска со рекордни нивоа во искористување сончева енергија

Дарко Андоновски — Sat, 12 Jan 2019 11:12:26 +0000

Данска, која е светски лидер во искористување енергија од ветрот, постигнува напредок во секторот искористување сончева енергија во 2018 година. Според Dansk Energi, минатата година, сончевите електрани произвеле рекордна количина електрична енергија. Уделот на производство на соларни електрани достигна 2,8 отсто во потрошувачката на електрична енергија. Енергијата произведена од фотоволтаични електрани во 2018 година е зголемена за 25 отсто во споредба со 2017 година – од 768 GWh на 961 GWh. Електраните на ветер произведоа 40,8 отсто од електричната енергија во земјата, соодветно, нешто помалку во споредба со 2017 година. Според податоците, производството на енергија од ветер достигна рекорд од 43,6 отсто. Како причина за падот се споменува недоволно ветар во текот на летото.