сончоглед – Kurir.mk

Земјоделците бараат од Владата преку Интервентниот фонд, помош по 6-7 денари за килограм произведен сончоглед

Ивана Ефремовски — Fri, 27 Oct 2023 11:49:16 +0000

Претставници на здружението за производство на сончоглед во најголем број од реонот на Пелагонија на денешната средба со нивниот откупувач велешка АД „Кристал 1923“ попозната како Маслодајна заеднички се договорија и побараа од Владата поради годинашната суша која за повеќепати им го намали родот, како и намалената окупна цена, да им помогне преку Интервентниот фонд да добијат дополнителни средства по 6-7 денари од килограм произведен и предаден сончоглед, Извршниот директор на фабриката Горанчо Лазов од свое и име на земјоделците, од Владата побара ДДВ за сончоглед од 10 отсто повторно да биде како досега на 5 проценти. Тие потенцираат дека сончогледот не е луксузен производ туку суровина за производство на сурово масло, кое е од стратешки интерес за земјава. -Затоа воведувањето на 10 отсто ДДВ на сончогледот е директен удар за фабриката и земјоделците бидејќи ниту сончогледот е луксуз ниту има потреба да се воведе 10 отсто ДДВ на сончоглед, затоа што ДДВ на суровото масло е 5 проценти. Нема никаква логика ДДВ на суровината да биде 10 отсто, кога на суровото масло кое го добиваме ДДВ е 5 отсто, потенцира Лазов. Тој од Владата побара да ја преиспита оваа одлука и повторно ДДВ да го врати на 5 посто. Лазов информира дека веќе се сретнал со министерот за земјоделство и разговарал со него за овој проблем и очекува Владата наскоро да го реши. Според него, овој проблем дирекно го загрозува откупот на сончоглед, а тие засега се единствен откупувач во земјава, и како фабрика веќе 6-7 години прават големи напори да го вратат сончогледот на македонските полиња. Лазов информира дека лани фабриката „Кристал 1923“ откупила 9.800 тони сончоглед, а годинава поради сушата и намалениот род само 3.800 тони. Лани цената била 35, а годинава 20,50 денари за килограм. Тој појасни дека како компанија не можат повеќе да им исплатат на земјоделците затоа што конкуренцијата е голема и цената во соседството на пример во Србија е околу 320 евра, а тие на производителите на сончоглед им исплатите 333 евра. Земјоделците во поголем број од реонот на Пелагонијата од Прилепско и Битолско побараа од Владата да им излезе во пресрет и да им доплати по 6-7 денари за произведен килограм сончоглед, а со цел и догодина да ја засејат оваа индустриска култура која е сурвина за масло за јадење и од стретешки интерес за земјава. Миле Кајмакоски, производител на сончоглед од прилепскиот регион на Пелагонија информира дека по барање на нивното здружение дошле кај нивниот откупувач да се договорат и да упатат заеднички барања до Владата -Минатата година цената беше 35 денари за килограм, а годинава 20,50, тоа покажува дека е драстично намалена. Директорот информира дека поради рентабилност на фабриката цената е таа, а во опкружувањето цената е приближна. Затоа бараме преку ресорното Министерство за земјделство, шумарство и водостопанство преку Интервентниот фонд да добиеме помош по 6-7 денари по килограм. Инаку споредено со лани состојбата е катастрофална и по приносите и по однос на цената, потенцира Кајмакоски. Тој произведува сончоглед на површина од 50 хектари, лани остварил принос од 1700, а годинава од 1200 килограми по хектар и е еден од земјоделците кои и покрај сушата сепак успеал да оствари поголем принос. Сашо Петровски, производителот на сончоглед од Битола и претставник на производителите од Битолско, потенцира дека иако овој регион е најплоден во земјава и годинава приносите се значително намалени. - Покрај намалените приноси, цената годинава е многу ниска за разлика од лани. Затоа апелираме до ресорното министерство и до Владата да ни излезе во пресрет и да ни помогне преку Интервентниот фонд со 6-7 денари по килограм, побара Петровски од свое и во името на останатите производители на сончоглед од Битолско и од земјава. Земјоделците посочуваат дека ако Владата не им помогне, догодина нема да засејат сончоглед. (МИА)

Намалени приносите на сончоглед поради климатски промени во кумановско

Тале Кристо — Mon, 18 Sep 2023 13:09:15 +0000

Производителите на сончоглед од кумановско Романовце се жалат дека климатските промени го намалиле производството на сончоглед во регионот. Високите температури и недостигот на дожд го намалиле приносот годинава, велат земјоделеците. - Оваа година беше катастрофална, високи температури над 40 степени. Не врнеше дожд навреме, немаше дожд очекуваме 600 до 800 килограми по хектар, значи околу три и пол тона. Секоја година се намалува сончогледот оваа година дали петмина жители имаме насадено над 1.000 и нешто хектари земјиштето. Дел од производителите се префрлија на житарици. И за наредната година не знам многу ниви ќе останат празни, ќе бидеме граѓани во село, изјави Среќко Николовски, земјоделец од село Романовце. Според податоците на Министерството за земјоделство, водостопанство и шумарство во Куманово, годинава засеани се 850 хектари со сончоглед, од кои 800-тини од индивидуалните земјоделци, а 50 од претпријатијата. - Површините со сончоглед во Куманово имаат тренд на зголемување, од 700 во 2020 година на 850 хектари во 2023 година, велат од МЗШВ. Според податоците од Министерството, нема значително намалување на просечниот принос, во последниве три години, во 2020 изнесувало, 1.6, 2021 година било- 1, 8 , годинава изнесува 1, 6 тони по хектар. - Според нашите информации од Сектор за анализа, годинешната откупната цена што се нуди за овогодишниот род е во корелација со цената на светските берзи како и на берзите во регионот-(Србија), каде моментално цена за килограм сончоглед за изминатата недела се движи од 39,20 до 40,00 дин/кг без ДДВ-а. (или во денари од 20.59 до 21.00 денари за килограм), велат од МЗШВ. Од ресорното Министерство потсетуваат дека производителите на сончоглед добиваат субвенции преку директни плаќања по обработлива земјоделска површина каде висината на директните плаќања за сончоглед изнесува 6.000 денари по хектар, дополнителни директни плаќања во износ од 4.500 денари по хектар, со употреба на сертифициран семенски материјал согласно минимално употребената количина на семе по хектар (35.000 број на семиња) и дополнителни директни плаќања во износ од 6.000 денари по хектар за земјоделски стопанства кои оствареното производство на сончоглед го имаат продадено во преработувачки капацитети вклучително и за потребите на сопствениот преработувачки капацитет, а се запишани во регистарот на откупувачи на земјоделски производи. Основен критериум кој треба да го исполнат земјоделците е да имаат минимум засеана површина збирно за сите култури е 0,5 хектари во производната 2022/2023 година, која пак се намалува со зголемување на пријавените површини и тоа: од 0,5 ха до 50 ха 100 проценти, од 50 ха до 100 ха 60 проценти и над 100 ха 30 проценти збирно за сите култури.

Семки од сончоглед или од тиква- кои се поздрави?

Катерина Бојаџиева — Thu, 13 Oct 2022 13:27:54 +0000

Тиквата е позната како украс кој доаѓа токму во овој период од годината, но сѐ повеќе се оние кои ја вклучуваат во своето мени. И не е чудно со оглед на тоа што е тиквата исклучително вкусна и хранлива намирница која може да се подготви во стотици варијанти. Поволно делува на регулација на варењето, на пречки на уринарните канали, како и на тенот. Научно е докажано дека семките од тиква и маслото од тиква делуваат позитивно на пречките со простатата. Семките можат да се користат во супи, варива, како додаток на салати, а често се ставаат и врз пекарски производи. Семките од сончоглед се извор на витамин Е, а помагаат за намалување на холестеролот во крвта и го одржуваат кардиоваскуларното здравје. Исто така, можат да ја олеснат несоницата и да го зајакнат помнењето, а се добри и за косата. И покрај препораките да се консумираат како меѓуоброк, енергетската вредност на двата видови семки е многу висока. Со други зборови, ако се претера со консумацијата, тоа може да доведе до прекумерно дебелеење. Кога станува збор за изборот на едните или на другите семки, подобро одлучете се за семките од тиква затоа што во однос на сончогледовите семки, сепак се побогати со омега-3 масни киселини. Иако двата видови семки содржат и фитостероли и витамин Е, многу важен антиоксиданс, содржината на фитостероли во семките од тиква е сепак поповолна. Овие намирници се здрави и корисни како составен дел од избалансираната исхрана, но со прекумерна консумација може да се дојде до енергетски суфицит и – да се здебелите.

„Маслодајна“ ќе го откупи вкупното производство на сончоглед во земјава

Тале Кристо — Mon, 26 Sep 2022 13:32:14 +0000

Фабриката за масло „Кристал 1923“ од Велес или поранешна „Маслодајна“ досега откупи 6 000 тони сончоглед од кои 1,4 од ЗК„Пелагонија“, а останатите од индивидуални земјоделски производители. Сончогледот од земјоделците фабриката го откупува по 35 денари за килограм, плус ДДВ. „Кристал 1923“ најавува дека ќе ги откупи сите годинава произведени 10 000 тони сончоглед од македонските ниви. -Задоволни сме од отупот. Фабриката за сите земјоделци со кои склучи договор за годинава им обезбеди семенски материјал. Бројките зборуваат за тоа колку е зголемено производството на домашен сончоглед од страна на индивидуални земјоделски производители. Им се заблагодарувам на земјоделците кои се одзваа на повикот за зголемено производство на храна во државата за да не зависиме од увоз. Се гледа дека тоа што компанијата вложуваше во кампањата, полека дава резултат. Се потрудивме да им дадеме добра откупна цена на земјоделците, тие сами ќе кажат дали се задоволни или не, рече денеска на прес-конференција извршниот директор и сопственик на фабриката Горанчо Лазов. Според него, откупната цена од 567 евра по тон што тие им ја даваат на македонските земјоделци е највисока во регионот. Во Србија тон е 535 евра, во Грција 500 евра, во Бугарија 530 евра, во Романија 530 евра, а во Украина минимални 360 евра. Со стимулативната цена на сончогледот, земјава, оцени Лазов, ќе ги задоволи сопствените потреби за масло за два месеца. -Годинава просечниот принос од хектар е од 1,8 до 2 000 килограми, но во наредните години македонските земјоделци ќе го зголемат на 2,5 до 3 000 килограми. Со тоа „Кристал 1923“ ќе нема потреба од увоз на сончоглед бидејќи со овие количини ќе можеме да произведеме масло за јадење и да ги задоволиме потребите на домашниот пазар, рече Лазов.

Воведена забрана за извоз на семе од сончоглед

Ристе Здравков — Thu, 11 Aug 2022 09:23:28 +0000

На денешната владина седница, Владата на Република Северна Македонија ја усвои одлуката за воведувањето на забрана за извоз на семе од сончоглед. Министерството за земјоделство, шумарство и водостопанство и Минстерството за економија, доставија Одлука за дополнување на Одлуката за ограничување на извозот на одделни стоки, со која предложија до Владата на Република Северна Македонија ограничување на извозот на нова тарифна ознака 1206 00- семе од сончоглед, вклучувајќи кршени или дробени. Рокот на примена на овој тарифен број ќе продолжи да важи до 31 декември 2022 година, како што е уредено во Одлуката за ограничување на извозот на одделни стоки (,,Службен весник на Република Северна Македонија,, бр. 166/22), со број 41-5943/1 од 20 јули 2022. Причината за дополнување на Одлуката за ограничување на извозот на одделни стоки со тарифната ознака 1206 00- семе од сончоглед, вклучувајќи кршени или дробени е да се овозможи по завршување на жетвата која треба да започне во втората половина на август, најпрво да се снабди домашниот пазар односно домашните капацитети на производство на масло од сончоглед за јадење. Во изминатиот период во Министерството за земјоделство, шумарство и водостопанство беа одржани состаноци со производители и откупувачи на сончоглед при што беше заклучено дека во државата има доволни количини и финансиски средства за откуп на сончогледот од регистрираните откупни претпријатија. Во 2022 година очекуваме производство на 11.800 тони сончоглед и имаме доволни количини за покривање на 2 месеци од домашните потреби. Со цел поддршка на производството на сончоглед, МЗШВ креираше неколку мерки. За прв пат оваа година преку интервентната програма се обезбеди финансиска поддршка за вештачко ѓубриво за сончоглед и тоа 40% од цената или 2.500 денари по хектар како дополнителна мерка на основната финансиска поддршка по 11.000 денари на хектар без користење на сертифициран семенски материјал и по 15.000 денари на хектар со користење на сертифициран семенски материјал. Исто така, воведена е дополнителна мерка за произведен и предаден сончоглед со минимум 1.500 кг/ха во регистрирано откупно претпријатие, во износ од 5.760 ден/ха. Целта на овие мерки е домашното производство да се предаде на домашните откупни претпријатија и тоа ќе се реализира со оглед дека кај производството на сончоглед од оваа година стартуваше договорно производство.

Бекеши и Николовски уверуваат дека сончоглед и зејтин има

Ивона Петрова — Wed, 20 Apr 2022 09:09:26 +0000

Министрите за економија и за земјоделство, Крешник Бектеши и Љупчо Николовски денеска соопштија дека снабдувањето со сончоглед е стабилно и дека државата во континуитет увезува сурово масло, потребно за домашните каацитети, но има и зејтин за потрошувачка. Како што истакнаа Бектеши и Николовски по посетата на фабриката „Кристал“ во Велес, владините мерки даваат резултати. -Почна увозот на рафинирано масло од соседите, но се увезува и од други држави со оглед дека ја укинавме царинската стапка од 29 отсто, истакна Бектеши. Се работи, секако, нагласи, и на дополнителни мерки за поголемо производство на сончоглед. – Ја следиме ситуацијата на дневна основа и заеднички со МЗШВ ги носиме одлуките, подвлече министерот за економија. Според министерот Николовски, и очекувањата на менаџменот на „Кристал“ се дека годинава двојно ќе се зголемат површините под сочоглед, а со тоа и количините на суровина за масло за јадење. Тој повтори дека Владата вчера распиша оглас за доделување 5 722 хектара за одгледување стратешки култури, меѓу кои и сончогледот.

Ѓорѓиевски: Ќе ги подобриме условите и во “Сончоглед” и во сите други градинки во општината

Магдалена Андонова — Mon, 08 Nov 2021 19:31:09 +0000

Увид во градинката “Весели Цветови”, објект “Сончоглед”, изврши вечерва градоначалникот Орце Ѓорѓиевски заедно со претставници од општинската администрација. Во оваа градинка, денот го минуваат 230 дечиња, па првиот човек на Кисела Вода, сакаше лично да се запознае што му недостига на овој објект и како може да се подобрат условите. Неодамна, тука се изврши замена на фасадата со нова, термоенергетска, како и замена на олуците. Од обиколката беше констатирано дека е потребна замена на надворешните и на внатрешните прозорци и врати, санација на таваните во занималните, како и санација на покривот на овој објект. Раководството на градинката доби уверување од страна на градоначалникот дека во најскоро можно време ќе започнат градежни активности за надминување на евидентираните проблеми. -Ќе работиме на подобрување на условите не само во “Сончоглед”, туку и во сите градинки низ општина Кисела Вода, а проблемот со преполнетите капацитети ќе се решава со изградба на нови градинки, потенцираше градоначалникот Ѓорѓиевски. Инаку, објектот “Сончоглед” е лоциран на улицата “Локов” во населбата Кисела Вода. Истиот датира од 1974 година.

Важно е да го знаете ова: Овие намирници ја зголемуваат плодноста

Ивана Ефремовски — Thu, 04 Nov 2021 19:13:23 +0000

Првиот чекор кон здрав репродуктивен систем е одржување на рамнотежа на хoрмоните. Иако многу фактори влијаат на можноста да ја добиете улогата родител, здравиот начин на живот и правилната исхрана се едни од поважните. Авокадо Ова овошје содржи доста незаситени масти кои можат да ја зголемат плодноста. Имено, едно истражување покажало дека жените чија исхрана е богата со овие масти, а кои биле вклучени во програмата за вештачко оплодување, имале три пати поголем успех во обидите за забременат. Семки од сончоглед Препуштете му се на уживањето во овие грицкалки барем три пати неделно. Богати со цинк, семките од сончоглед помагаат во одржувањето на рамнотежа на репродуктивните хормони и влијаат позитивно врз квалитетот на јајце клетките. Цимет Овој ароматичен зачин има способност за намалување на инсулинот и зголемување на шансите за зачнување во плодните денови. Јајца Подгответе си поширани јајца или меко варени, но избегнувајте омлет. Жолчката која не е тврда содржи повеќе витамин Д и Б6 кои се заслужни за зголемување на лачењето на прогестеронот, хормон кој игра важна улога при зачнувањето. Хељда Семето од хељда е богато со материи кои кај жените го намалуваат инсулинот и тестостеронот, а со самото тоа ја зголемуваат можноста за зачнување во време на овулацијата.

Овие намирници ја зголемуваат плодноста

Ивана Ефремовски — Tue, 22 Jan 2019 10:51:09 +0000