Сони – Kurir.mk

Нов удар за Вил Смит: Нетфликс и Сони ги одложуваат проектите во кои тој учествува

Ивона Петрова — Sun, 03 Apr 2022 09:50:37 +0000

Дел од претстојните проекти на актерот Вил Смит се паузирани по скандалот на Оскарите, пренесува The Hollywood Reporter. По неговото отстапување од Американската филмска академија, објавено е дека идните проекти на кои требало да работи за Нетфликс и Сони се одложени. Нетфликс беше во постапка за пронаоѓање на режисер за филмот „Fast and Loose“, откако Дејвид Лич се повлече од проектот пред доделувањето на Оскарите. Смит требаше да го глуми шеф на мафија кој има проблеми со помнењето. Меѓутоа, набрзо по нападот врз Крис Рок, планот е сменет. Сони исто така го забавува снимањето на „Bad Boys 4“.

Гигантот „Сони“ најави компанија за електрични автомобили

Магдалена Андонова — Wed, 05 Jan 2022 13:21:53 +0000

Електронскиот гигант „Сони“ го претстави новиот прототип на својот електричен автомобил „Вижн С“ и го најави создавањето компанија која ќе ги истражува можностите за влез во овој брзорастечки пазар. Јапонската компанија, попозната по своите телевизори и конзоли за видеоигри, ќе ја основа својата подружница „Сони мобилити“ пролетта 2022 година. Извршниот директор Кеничиро Јошида го претстави концептот на саемот за технологија ЦЕС во Лас Вегас. Преку овој нов огранок, електронскиот гигант „има намера да ја истражи можноста за влез на пазарот на електрични возила, се вели во соопштението. „Вижн С“, според наводите, ќе биде опремен и со технологија за самоуправување. Компанијата работи и на системи за забава во новиот автомобил. Секторот за електрични возила е сè уште мал – сочинува околу три отсто од тековната продажба во САД, но привлекува сè поголем интерес и сè повеќе инвестиции. „Џенерал моторс“ неодамна објави дека планира да вложи над 35 милијарди долари во електрични и самоуправувачки возила до 2025 година. (МИА)

ФОТО: „Најк“ лансира патики со „Плејстејшн 5“ мотиви

Ивона Петрова — Wed, 28 Apr 2021 07:17:41 +0000

Компанијата за спортска облека и опрема, „Најк“ наскоро планира да пушти в продажба патики дизајнирани со мотиви на конзолата „Плејстејшн 5“ на Сони. Две верзии на патики „ПГ-5 x ПС-5“, со различни комбинации на бои се појавија на Инстаграм на крајот од март, а сега е познато дека продажбата ќе почне во мај. Патиките ќе чинат 110 долари (91 евро). Претходните модели кои произлегоа од соработката на „Плејстејшн“ и „Најк“ беа во многу ограничен број, па анегдотата вели дека купувачите имаат поголема веројатност да дојдат до конзолата ПС-5 отколку до овој модел на патики.

Новиот Плејстејшн 5 во ноември за 400 и 500 долари

Ивона Петрова — Thu, 17 Sep 2020 06:52:28 +0000

Јапонската компанија Сони објави дека следната генерација на својата позната конзола за видеоигри, Плејстејшн 5 ќе ја пушти во продажба во ноември. Јапонската компанија објави дека новата конзола ќе чини 499,99 американски долари за верзијата со диск-драјвер и, 399,99 долари без тој дел. Уредот ќе се најде на пазарите во САД, Јапонија, Канада, Мексико, Австралија, Нов Зеланд и Јужна Кореја на 12 ноември, а во останатиот дел од светот, ќе биде достапна седум дена подоцна – на 19 ноември.

„Сони“ поради Брегзит ја преместува европската централа во Холандија

Ристе Здравков — Wed, 23 Jan 2019 08:46:58 +0000

Јапонскиот технолошки гигант „Сони“ одлучи својата европска централа да ја премести во Холандија од Велика Британија, поради излегувањето на земјата од Европската унија. – Ќе ја преместиме нашата европска централа во Амстердам, изјави претставник на компанијата и додаде дека целта е избегнување царински процедури. „Сони Јуроп“ така ќе премине под нова филијала основана во Холандија и ќе остане во ЕУ и после Брегзит. Сепак, британската компанија и понатаму ќе го води извозот и продажбата во регионот, и никој нема да биде отпуштен. Сони се одлучи на овој чекор за да ги избегне бројните царински и регулаторни контроли во случај на Брегзит без договор, што е се поизвесна можност откако британскиот Парламент минатата недела го отфрли предлог договорот со Брисел. Друга јапонска компанија „Панасоник“ минатата година донесе слична одлука поради даночни причини. Заминување од Лондон, исто така, најавија повеќе јапонски финансиски институции. Јапонските компании во Велика Британија инвестирале повеќе од 60 милијарди долари и вработуваат 142.000 луѓе. Меѓу 879 јапонски компании во Велика Британија се и производителите на автомобили Хонда, Нисан и Тојота.

Наместо трејлер, Сони на Јутјуб прикачи цел филм

Ивона Петрова — Thu, 05 Jul 2018 07:17:08 +0000

Наместо само трејлерот, продукциската куќа Сони по грешка прикачи цел филм на Јутјуб. Се работи за филмот „Убиецот Кали“ на режисерот Џон Метјуз, чијашто премиера е закажана за крајот на август годинава. Објавата за кусо време е тргната од видео платформата.