соништа – Kurir.mk

Дали доколку сонувате змија, тоа е лош знак? Сите објаснувања за појавувањето на змииво соништа на едно место!

Ристе Здравков — Tue, 25 Apr 2023 07:32:07 +0000

Да се сонува змија обично не е добро… Змијата генерално се перципира негативно во различни култури, но исто така и во психологијата. Во симболиката на соништата, змиите обично немаат добро значење и многумина се прашуваат што значи да се сонува змија. Можеме да најдеме и негативно сфаќање за змијата во Светото Писмо, бидејќи змијата ѝ рече на Ева да му даде на Адам јаболко од дрвото на познавање на доброто и злото. И во грчката митологија се споменува чудовиште наречено Медуза, жена која има змии наместо коса. Значи, овие животни секогаш предизвикуваат негативни чувства, чувства на страв и непријатност. Змиите можат да се сонуваат во различни ситуации и во секоја од нив може да има различно толкување, претежно никаде не се толкува позитивно. Еве што укажува вашиот потсвесен ум кога сонувате змија. Што значи да сонувте змии во куќата? Ако сонувате змии во вашата куќа, според соновникот, тоа значи дека лице од вашето семејство или со кое живеете претставува лошо и токсично опкружување за вас. Од друга страна, тоа може да значи дека некое лице надвор од куќата влијае толку негативно врз вас што ги носите со себе тие негативни чувства и ги пренесувате на членовите на вашето семејство. Исто така, според некои толкувања, сонувањето змии во куќата или на прагот може да значи дека лицето што се претставува како пријател на вашето семејство, всушност, не е. Затоа препорачуваме да бидете претпазливи на кого ќе му ги кажувате своите проблеми надвор од домот. А, ако сонувате змии во туѓа куќа, тоа може да значи дека се чувствувате како натрапник во нова ситуација. Да речеме ако сте се преселиле во нов град или сте нашле нова работа. Симболика на змија во кревет Кревет во соништа обично е симбол на сексуална интимност со некоја личност, така што одговорот на прашањето што значи да сонувате змии во кревет значи дека имате некои проблеми од сексуална природа. Значењето може да биде поврзано со тоа дали сте маж или жена. Змијата ја претставува машката сексуална енергија и ако змијата ја сонува жена, тоа може да значи дека таа се чувствува сексуално загрозена, а мажот сексуално доминантно. Друго значење може да биде дека не се чувствувате блиски со вашиот партнер. Да сонувате отровна змија Отровната змија кај луѓето предизвикува уште поголем страв од кој било друг вид змии, бидејќи тие се крајно смртоносни. Се прашувате „што значи да сонувате отровна змија“, еве го одговорот. Отровна змија значи дека имате исклучително голем страв да изгубите нешто, нешто што е исклучително важно за вас и што многу го сакате. Друго толкување е дека некој се обидува да ве повреди и има лоши намери кон вас. Бидете внимателни со кого сте во контакт, ако сте свесни дека некој ви завидува и дека ви е непријател, прекинете го секој контакт со него, за повеќе да не ја храните неговата злоба. Што значи да сонувате каснување од змија? Сонувањето каснување од змија има неколку толкувања, сето тоа зависи од вашата специфична ситуација. Ова може да биде предупредување за вас. Змијата е симбол за аптеката, а каснувањето од змија може да биде голем здравствен проблем. Ако се сомневате во болест, вашата потсвест ви кажува да се прегледате што е можно поскоро. Од друга страна, каснувањето од змија може да укаже на емоционални рани кои сè уште не се залечени. За да зарасне емоционална рана, треба да се оддалечите од луѓето што ве повредуваат, да се одморите, да се посветите себеси и на вашето ментално здравје. Исто така, сонувањето каснување од змија може да значи дека некој ве вознемирува, а вие не правите ништо за тоа. Маките на реалниот живот многу често се пренесуваат на соништата. Вашиот потсвесен ум сака да ви каже дека треба да обрнете внимание на тешки настани од минатото. Во секој случај, ако се прашувате што значи каснување од змија, одговорите главно укажуваат на некои големи непријатности што упорно избегнувате да ги решите. Сон со змија со две глави Змијата е проблем, а змијата со две или повеќе глави значи дека имате повеќе големи проблеми со кои треба да се справите. Тие можат да бидат здравје и љубов, кариера и здравје. Претежно е проблем што влијае на столбовите на животот. Повеќеглавната змија може да биде и предупредување за тоа со кого се дружите и на кого му откривате приватни информации. Двоглава змија може да претставува лажни пријатели. Змија во вода укажува на промени Ако се прашувате што значи да сонувате змии во вода, ве предупредуваме дека ве чекаат големи промени во блиска иднина. Нема да бидете подготвени за овие промени и нема да знаете што да правите. Вашата потсвест сака да ве подготви за она што ќе се случи, затоа бидете внимателни. Што вели психологијата, дали е добро да се сонува за змија? Психологијата има сличен став како и сите други толкувања на змиите во соништата. Ако се прашувате што значи змии, психологијата може да има добри вести за вас, бидејќи сонувањето змија не мора да има исклучиво негативно значење. Сè зависи од вашите лични чувства, ако сонот не е придружен со негативни чувства, но вие се чувствувате пријатно и безбедно, сонувањето змија не мора да мора да биде лошо предвидување. Обрнете внимание на вашиот став кон таа змиите, но и кон другите луѓе кои се појавуваат во вашиот сон. Непријатните чувства обично значат дека потиснувате нешто, без разлика дали станува збор за емоција, непокајано минато или бегање од проблеми. Исто така, обрнете внимание на тоа како се однесува змијата кон вас, дали сака да ве нападне, дали змијата е веќе мртва, дали минува покрај вас мирно? Од тоа зависи и вашиот став кон проблемите што змија може да ги посочи.

Прашањето што ги интересира сите: Мит или вистина, дали соништата навистина можат да ја ПРЕДВИДАТ иднината?

Ристе Здравков — Thu, 09 Jun 2022 13:18:01 +0000

Многумина тврдат дека нивните соништа им помогнале навреме да откријат некоја болест. Со илјадници години луѓето ги толкуваат соништата . Многу народни верувања се поврзани со соништата и нивното значење. Старите Египќани им придавале големо значење на соништата и нивното толкување. Ако некој во тоа време имал проблеми во животот и побарал совет, тој би ја поминал ноќта во храмот. Свештениците го толкуваа она што тој би го сонувал таа ноќ и му кажуваа што треба да направи. Она што никогаш не престана да ја скокотка фантазијата на луѓето е прашањето дали е навистина можно да се предвиди иднината преку соништата ? Постојат теории дека анализата на соништата може да ја предвиди иднината, и добра и лоша, а тоа е она што најмногу ги интригира луѓето за соништата. На оваа тема се направени одредени истражувања, поконкретно – дали е можно да се предвиди болест преку соништата. Имаше луѓе чии соништа наводно предупредувале на развој на сериозна болест во телото и на тој начин ги спасиле – затоа што обрнале внимание и навреме презеле акција, пред болеста да напредува. Тоа може да се објасни со фактот дека имаме тенденција да ги игнорираме сигналите кои телото ни ги испраќа додека сме будни, а во овој случај тоа може да бидат симптоми на болеста, па таа почнува да се манифестира преку соништата, често и преку кошмарите. Соништата на кои вреди да се обрне внимание се оние кои постојано се повторуваат или се појавуваат кај личност која инаку, многу ретко сонува. Некои ги поврзуваат соништата со минати животи. Класичните соништа претежно содржат места, луѓе и работи кои ни се познати во реалниот живот. Но, понекогаш е можно да сонуваме сцени кои изгледаат како да се гледаат од туѓа перспектива или луѓе и настани кои не ни се познати, а ни се чини како да потекнуваат од минатото. Ова може да биде знак дека тоа се спомени од минатите животи. Можете исто така да сонувате за себе, во сон изгледате поинаку, но знаете дека сте вие. Ова важи и за вештините што ги имате во сон, но во реалниот живот ги немате. На пример, зборувате друг јазик и во сон го разбирате или знаете да ковате нож, што во реалноста никогаш не сте знаеле како.

Секс соништата откриваат како се чувствувате во реалноста

Ристе Здравков — Fri, 29 Oct 2021 14:05:48 +0000

Oбично се забавни, но во зависност од видот на сонот, или вашиот начин на живот, тие можат да укажат дека ви недостасуваат повозбудливи интимни врски или дека ви е здодевно во животот. Сексот отсекогаш бил тема која се провлекува во секое општество, но сексуалните соништа се особено интригантни. Низ историјата не се слушало често да зборуваат на оваа тема бидејќи таквите постапки се претставени како срамни, што не значи дека немало такви соништа. Имајте на ум дека научно е докажано дека иако мажите повеќе имаат сексуални соништа, жените сонуваат пореалистично. Тие за време на еротските соништа имаат мускулни контракции, забрзано дишење, отчукувања на срцето како кога имаат секс во реалноста. Секс соништата сакаат да ни кажат дека ни недостасува секс, дека ни недостасува авантура, но во исто време тие не мора да имаат никаква врска со реалниот живот: Ако сонувате дека имате секс со бивш партнер, тоа нема да значи дека не сте го преболеле, туку дека некој навистина го зазел неговото место или дека можеби не сте решиле некои работи. Кога сонувате дека имате секс со некој познаник или колега кој не ви се допаѓа, голема е веројатноста дека ви е досадно во реалниот живот, но ако вашиот сон е фокусиран на личноста која ви се допаѓа, тогаш тоа е веќе сигнал за желбата за секс. Ако сте сонувале да имате секс со сегашниот партнер, тогаш имате проблем со уживањето, па затоа не сте се опуштиле доволно и не сте ги истражиле вашите заеднички граници. Соништа за секс на јавно место сигнализираат кавги во врската или страв од сексуална интимност.

Кажете ДА на нови шанси и можности, еве како да си ги реализирате соништата

Ивана Ефремовски — Sat, 07 Nov 2020 15:20:54 +0000

Вие сте креативни, полни со ентузијзам и подготвени. Вие имате соништа и планови за успех. Но, иако имате сѐ што е потребно, некако се чувствувате дека не знаете како да ги остварите и од каде да почнете. Ангела Ли Дукворт вели дека не се работи за талентот, остроумноста, изгледот или коефициентот на интелигенцијата, туку вашата посветеност на вашите страсти. Таа посветеност е она што ве спречува да се откажете. Не постои некој конкретен научен метод за да ја развиете посветеноста, но сепак можеме да ви дадеме неколку совети како да почнете да дејствувате и да ги остварите вашите соништа. Листа со приоритетни цели Ако имате големи соништа, сигурно имате многу соништа. Но, не е возможно одеднаш и истовремено да тргнете кон остварување на повеќе големи соништа, кои понекогаш можеби и се контрадикторни едни со други. Затоа направете листа со приоритети. Што сакате повеќе? Да станете доктор, да патувате насекаде или да создадете дом? Откријте што е најдобро за вас во овој момент и тргнете. Запишувајте си сѐ За да можете да откриете што сакате, запишете ги целите и потоа напишете ги чекорите кои ви се потребни за да стигнете до нив. Најдете време за да запишете сѐ што ќе ви помогне да се фокусирате и да ги утврдите вашите цели. Определете краткорочни и долгорочни цели Не можете веднаш да станете доктор. Потребни се чекори за да стигнете дотаму. Определете кои се вашите моментални цели. На пример, ако студирате медицина, замислете си ја вашата крајна цел: работа со пациенти, операции, и сл., но фокусирајте се на вашите краткорочни цели: да го положите испитот, да го напишете трудот, итн. Истражувајте Истражувајте без оглед на тоа кој е вашиот сон, патување, да научите да готвите или да добиете унапредување. Истражувајте ги различните можности и како други луѓе ги постигнале тие цели. Разговарајте со луѓе кои оделе по истиот пат. Осигурајте се дека сте информирани за вашиот пат и за чекорите кои ви се потребни за да успеете. Кажете ДА на нови шанси и можности Излегувањето од вашата комфорна зона е најдобар начин да успеете во животот. Важен дел од постигнувањето на вашите цели е да излезете од дома и да почнете да правите нешто. Колку повеќе искуства собирате, толку полесно ќе ви биде да ги остварите целите. Грижете се за себе Можеби знаете кои се вашите професионални цели, но тие не значат ништо ако не сте среќни и здрави. Едно 75-годишно истражување на Харвард покажало дека тајната на долгорочната среќа е љубовта. Истражувањето покажало дека парите и моќта не се толку влијателни како исполнетите односи и врски со другите луѓе. Но, тоа важи и за љубовта кон самите себе. Не може да бидете во здрави односи со другите луѓе ако и самите немате здрав однос со себеси. Грижата за себе мора да ви биде најголем приоритет, а вашите цели треба да придонесат кон вашата среќа, а не да ве уништат. Бидете самоуверени! Потребен е многу труд за да ги остварите вашите цели. Жените во глобала имаат помала самодоверба од мажите и тоа е она што го прави нивниот пат кон успехот побавен. Па така, ако сте жена – запомнете дека е важно да верувате во себе, вашите способности и одлуки. Колку повеќе верувате во тоа дека ќе успеете – толку полесно ќе добивате нови можности!

Изберете едно срце и откријте каква судбина ве чека овој месец

Ивана Ефремовски — Fri, 07 Aug 2020 10:37:57 +0000

Овој тест на личноста е погоден за сите кои едвај чекаат да им се остварат соништата. Изберете едно срце за да откриете што ви подготвила судбината овој месец. 1. Не плашете се од промени, останете смирени! Во следните неколку дена, вашиот финансиски живот може да се промени со ново работно место или можност за инвестиција. Колку и да се плашите од овие промени, замислете дека стравовите се темна сила која се обидува да ве спречи да го добиете она што го сакате. Не дозволувајте негативноста да ве победи и на тој начин да ве спречи да се отворите кон новите промени. Не е лошо сè што е поразлично, а животот многупати носи пријатни промени на неочекуван начин. Не плашете се да ја затворите старата врата и да ги проширите вашите хоризонти. 2. Вие сте многу чувствителни во овој период! Бидете повнимателни и толерантни кон вашите најблиски и обидете се да не се нервирате за ситници. Избраното срце укажува на тоа дека животот ќе ви го донесе она што навистина ви треба. Не брзајте, сè си има свое место и време. Шетајте, слушајте музика и опуштете се. Сè ќе биде во ред. 3. Време е да дозволите љубовта да го преземе вашиот живот! Ова срце ви кажува дека треба да се отворите кон личноста која долго време го бара вашето пријателство или која покажала интерес за вас. Ова е одлично време да започнете да се дружите. Искористете го овој период и дајте ѝ шанса на љубовта.

За ваквите соништа се срамите да зборувате, па дознајте што значат и зошто ги сонуваме

Ивана Ефремовски — Thu, 23 Jul 2020 16:03:09 +0000

Една студија покажа дека соништата, за кои не зборуваме и од кои се срамиме, се нормална работа, вклучително и соништата во кои луѓето се интимни со поранешните партнери, колеги, пријатели… Психолозите тврдат дека партнерите од соништата обично ја претставуваат „нашата друга страна на личноста“. Студијата покажа дека помалку од половина од Британците редовно имаат секс соништа, а 15 проценти во соништата имаат сексуални односи со некои од „несоодветните“ партнери како што се колегите. Интересно е што е откриено дека еден од 25 мажи сонува за бременост, а една петтина од нив сонуваат дека партнерот или сопругата ги изневерува. „Соништата, а особено оние што ненадејно нè разбудуваат, честопати носат некои симболични пораки од нашата потсвест. Емоцијата што прво ја чувствуваме по будењето е најдобриот показател дали сонот претставува нешто добро или лошо. Нашата потсвест е слична на нашиот пријател, водач и заштитник. Може да нè охрабри и утеши ако доживееме некаков неуспех или не го постигнеме тоа што го сакавме“, објасни д-р Кејт Харни, која го спроведе првото опширно истражување за соништата за сексуални односи. Таа додаде дека е корисно да се анализираат соништата, бидејќи тие често имаат подлабоки значења и објасни каква е нивната позадина или причина. Соништата за секс можат на почетокот едноставно рефлектираат желба за сексуално задоволство, иако понекогаш можат да бидат многу нелогични затоа што во сон можете да водите љубов со личност која „не ви се допаѓа“ во реалниот живот. Инаку, во емотивна врска, со текот на времето, меѓу партнерите се развива еден вид соодветно сексуално однесување, а тоа е активност што укажува на емоционална и психолошка блискост. Ако врската не успее, тие особини на почетната сексуална привлечност се губат и врската обично се расипува. Тоа е причината зошто понекогаш соништата можат да нè вратат во минатото и односите со поранешните партнери. Затоа не е невообичаено луѓето да доживеат сексуален однос во соништата по раскинувањето, особено ако има фрустрација. За сексуалната ориентација се зборува се повеќе и повеќе слободно, па соништата за сексуални односи со личност од ист пол можат да бидат почести заради сè повеќе отворени дебати на таа тема. Но, во такви соништа често има подлабоко ниво што треба да се разгледа. Психолозите велат дека оваа друга личност од ист пол „всушност може да го претставува оној што го сонува сонот.“ Значи, можете да стекнете увид во вашето однесување и особини за кои не сте доволно свесни. Соништата во оваа смисла можат да ви покажат дека сте, на пример, себични или дека немате самодоверба. Ако таквите соништа се вообичаени, експертите советуваат медитација како пат кон самореализација. Соништа за секс на јавно место Некои соништа се егзибиционистички, а соништата се места за производите на имагинацијата. Меѓутоа, ако сонувате дека имате секс на јавно место, може да укаже на тоа дека суперегото ве предупредува дека невнимателно сте се изложувале во ситуација, така што сега сте ранливи на критики од општеството. Покрај тоа, овој вид сон може да укаже и на тоа дека сакате да привлечете внимание, да ги шокирате луѓето околу вас, да пропуштите некој да ви го даде своето време. Честопати луѓето кои сонуваат дека партнерот ги изневерува, под силниот впечаток за она што го сонувале, ја хранат својата претходна идеја за тоа и веќе постоечките сомнежи. Обично, луѓето кои често имаат такви соништа се недоверливи и сомнителни. Колеги Во ситуација кога секој ден работите со колега во пријателска атмосфера, не е невообичаено да се појават мали фантазии, па дури и да се појават флертувања. Бидејќи станува збор за секојдневие, соништата во кои сме интимни со некои наши колеги, едноставно рефлектираат дел од нашиот живот. Меѓутоа, во овој случај, Фројд би рекол дека одговорниот дел од нашата личност (ИД) е оној што бара основно задоволување на инстинктот, имајќи предвид дека мажите имаат ерекција во такви соништа, а жените имаат и сексуално возбудување. Затоа прифатете го тоа како нормална работа за која не можете да зборувате дури и ако ви е непријатно. Мажи кои сонуваат за бременост Понекогаш мажите можат да чувствуваат голема емпатија со партнерот, па дури и да искусат симптоми на бременост. Во некои случаи, желбата да поминат низ разни аспекти на бременоста со партнерот се исполнува во нивните соништа. Во симболична смисла на потсвеста, таков сон може да укаже на потврда за љубовта, но и дека мажот има голема одговорност на грбот, дека има големи планови и амбициозни идеи. Да се биде гол во јавност (во соништата) Ако по сонот во кој сте голи на улица, во кафуле, или на некое друго јавно место, може да открите дека имате проблеми со прифаќање на вашето однесување и се плашите од огорченост и осуда за нешто што сте го направиле. Ваквите соништа исто така може да бидат показател дека сте личност која, по некои социјални проблеми и несогласувања, конечно ќе најде чувство за слобода. Во тој случај, по сонот, нема да се чувствувате засрамени, туку возбудени и ослободени.

Зошто се повеќе луѓе имаат чудни соништа за време на пандемијата?

Ивона Петрова — Tue, 28 Apr 2020 07:04:29 +0000

Луѓето низ светот без разлика каде живеат, соочени со проблемот од епидемијата на коронавирусот, можат да имаат барем една заедничка точка, а тоа се живи, впечатливи и бизарни соништа кои најчесто се застапени кај здравствените работници. Ноќните визии за вирусот, природни катастрофи, кожа која се лупи, неможност за дишење, губење на работата, се само дел од соновите кои се повторуваат, а за нив се повеќе се дискутира на социјалните мрежи бидејќи проблемот со „карантинските соништа“ се шири како и самата пандемија. Аналитичарка за соништа од Флорида, Лори Ловенберг, која користи психологија за токување соништа, истакна дека стресот поради карантинот, забраната за движење, загриженоста за работата, семејните и пријателските односи, како и ненадејната загуба на вообичаениот секојдневен конфор предизвикува бран на неочекувани искуства од соништата. Ловенберг додава дека од ден во ден добива се повеќе повици од луѓе кои сакаат да разговараат за нов вид проблеми со желба да најдат решение и разјаснување на ситуацијата, пренесува МСНБС. – Многу луѓе сонуваат за рацете, дека им се лупи кожата, дека не можат да ги движат, изјави Ловенберг и додаде дека таа визија има едноставно објаснување, а тоа е дека се плашиме да допреме што било. Деирдре Барет, психолог од Харвард, собра стотици студии за соништа од воведувањето на мерките, односно од кога луѓето остануваат дома и не заминуваат на работа. Потсетува и дека собрала соништа и по терористичкиот напад на 11 септември 2001 година за да ги види сличните форми. Лекарите, медицинските сестри и лица кои даваат прва помош на првата борбена линија, апсолутно изгледаат како група луѓе во акутна траума. – Најзастапени се соништата каде не успеваат да му помогнат на пациентот, да му го спасат животот, изјави Барет и додаде дека нивните соништата се главно вообичаени, болничките капацитети се преполни, болните немаат каде да се сместат, нема опрема, не можат успешно да ги интубираат пациентите, ако некого приклучат на респиратор, тој не работи. Барет проценува дека 30 отсто од тие луѓе можат да развијат симптоми на посттрауматско стресно нарушување со кошмари, ретроспектива на настаните, анксиозност и проблеми со спиењето. Психолошката траума како резултат на појавата на епидемијата е добро документирана. Светската здравствена организација забележа дека епидемијата на ебола во западна Африка резултира со „длабоки психосоцијални импликации на индивидуално, заедничко и глобално ниво“. Експертите наведуваат дека во периодот кога луѓето патувале од дома до работа и назад, исто така, бил важен бидејќи имале време да ги класифицираат дневните настани во нивниот ум, а тоа сега не се случува. Експертите потсетуваат дека недостигот на сон може негативно да влијае на се, не само психички, туку и физички, и се зголемува бројот на луѓе кои спијат помалку од шест часа. Филијалата на Харвард потсетува дека недостигот на сон или кошмарите можат да влијаат на концентрацијата и расположението, но и промената на метаболизмот и потенцијалната тежина. Недостигот на сон, исто така, може да наштети на кардиоваскуларното здравје, па дури и да ја измени имунолошката функција. Истражувањето покажа дека 76 отсто од Американците имаат проблем со спиење за време на епидемијата, а причина за тоа се анксиозноста во 48 отсто од случаите, загриженоста за блиските во 26 отсто од случаите и осаменоста во 23 отсто. Сите овие се причини поради кои луѓето не можат да спијат.

Кои се најчестите соништа и што значат?

Катерина Бојаџиева — Tue, 26 Feb 2019 15:06:51 +0000

Психологот Ијан Валас, во текот на неговата 30-годишна кариера го истражувал значењето на над 150.000 сонови. Тој состави листа од 9 најчести соништа и нивното значење. 1. Некој ве брка Според Ијан Валас, ова е убедливо најчестиот сон кој луѓето го сонуваат и неговото значење е дека во вашиот реален живот се соочувате со проблем кој треба да го решите, но не знаете како. 2. Ви паѓаат забите Вашите заби во сонот ја симболизираат вашата самодоверба и сигурност, а кога во сонот тие ви паѓаат значи дека се наоѓате во ситуација која предизвикува да ви опаѓа сигурноста и самодовербата. 3. Не можете да најдете тоалет Го користиме тоалетот за да одговориме на нашите основни потреби, па затоа според толкувањата на Валас, овој сон значи дека во вашиот реален живот имате проблем да најдете начин како отворено да ги искажете вашите желби. 4. Голи во јавност Секогаш се облекуваме врз основа на тоа како се чувствуваме или каков впечаток сакаме да оставиме кај луѓето. Доколку сонувате дека сте голи во јавност, тоа значи дека постои нешто во вашиот живот што прави да се чувствувате многу ранливо. 5. Одите неподготвени на испит Овој сон значи дека си ги преиспитувате вашите способности во реалниот живот. 6. Летате Ако сонувате дека летате, тоа значи дека во изминатиот период сте се мачеле со некоја работа или ситуација и конечно сте се ослободиле од она што ве мачело. 7. Паѓате Паѓањето е многу чест сон кај луѓето и значи дека долго време се држите за нешто коешто не сакате да го пуштите, но вистинско време е да се опуштите и да се ослободите. 8. Автомобилот ви бега од контрола Ако сонувате дека сте во автомобил и ја губите контролата над воланот, тоа значи дека во реалниот живот мислите дека немате контрола врз својот живот и врз патот кон остварување на целите. 9. Сте пронашле соба во која прв пат влегувате и не сте ја користеле Секоја соба од куќата претставува посебен аспект од вашиот живот, а ако пронајдете соба која не сте ја користеле, значи дека сте откриле талент кој не сте биле свесни дека сте го поседувале.

Дознајте што значат најчестите еротски соништа

Ристе Здравков — Tue, 12 Feb 2019 09:44:12 +0000

Сте сонувале ли некогаш како водите љубов со вашето поранешно момче или пак со вашиот пријател или шеф? Сте се разбудиле ли збунети и со помисла зошто го сонувам тоа и што значи тоа? Секс со поранешно момче Ваквиот сон најчесто сака да ве упати кон некој нерешен детаљ од вашето минато. Најдобро е отворено да разговарате со бившото момче и да ги решите сите работи кои ве мачат. Не мора да значи дека таа личност ви недостига, туку само среќните моменти со него. Можеби ви недостасуваат близината што сте ја имале со него и неговите карактеристики поради кои сте се заљубиле во него. Затоа соберете храброст, јавете му се и расчистете ги работите кои ве мачат. Секс на јавно место Ваквите соништа означуваат дека сакате да бидете поотворена и искрена за некоја важна област од вашиот живот. Понекогаш овие соништа имаат и значење дека се плашите дали околината ќе го прифати вашиот партнер. Секс со пријател Во вистинскиот живот не ви ни паѓа на памет да го сторите тоа, но зошто ви се појавува на сон? Тоа значи дека имате потреба за пријателство и поддршка. Или пак, ваквиот сон може да означува восхит за некоја особина која таа личност ја поседува па сакате и вие да ја поседувате истата. Секс со славна личност Или премногу и се восхитувате на оваа славна личност или сакате да имате живот како нејзиниот. Можеби имате потреба од малку гламур и возбудливост во животот и сакате другите да ви се восхитуваат и да ве почитуваат. Секс со шефот Поради вакви соништа, жените најчесто поцрвенуваат следниот пат кога ќе го видат шефот. Ваквиот сон не значи дека ве привлекува таа личност, туку неговата позиција. Ве привлекува моќта, влијанието врз другите, па затоа преку сексот можете најлесно да се приближите кон таа цел.