сообраќајна несреќа – Kurir.mk

Двајца повредени во сообраќајката кај Баткова Чешма

Ивона Петрова — Thu, 02 Nov 2023 11:40:31 +0000

На 01.11.2023 во 06.00 часот во СВР Штип било пријавено дека на магистралниот пат Македонска Каменица – Делчево, кај место викано Баткова чешма, се случила сообраќајна несреќа помеѓу патничко моторно возило „мерцедес“ со регистрација на Македонска Каменица, управувано од Љ.В.(55) од с.Габрово и патничко моторно возило „фолксваген поло“ со делчевски регистарски ознаки, управувано од Р.А.(57) од Делчево. -Во несреќата со тешки телесни повреди се здобил Д.Ѓ.(42) од Делчево, сопатник во возилото „мерцедес“, додека со телесни повреди се здобил уште еден сопатник во истото возило и возачот на возилото „поло“, констатирани во Медицинскиот центар Штип. Извршен бил увид од увидна екипа од СВР Штип.

Прекин на сообраќајот поради сообраќајка кај Баткова Чешма, Делчевско

Ивона Петрова — Wed, 01 Nov 2023 06:47:27 +0000

Поради сообраќајна несреќа во која едно возило излетало од патот кај месноста Баткова Чешма, Делчевско, во прекин е сообраќајот на патот Делчево - Македонска Каменица - Кочани. На местото на сообраќајката интервенирала Итната медицинска помош, при што едно лице е повредено и во моментот со возило и присуство на доктор е упатено кон Клиничката болница во Штип. Во моментот полицијата врши увид на терен, а возилата се пренасочуваат преку алтернативни патни правци. Причините за несреќата не се познати, повеќе детали се очекуваат во текот на денот.

Со автомобил удрил во работна машина, па избегал и го оставил сопатникот тешко повреден

Ивона Петрова — Tue, 31 Oct 2023 10:45:42 +0000

На 30.10.2023 година во 21 часот, на улицата „7 ноември“ во Охрид, патнички автомобил „Рено“ со охридски регистарски ознаки, удрил во паркирана мобилна работна машина марка „Јан-Мар“. Како што информираат од охридската полиција, возачот на автомобилот избегал и го оставил возилото на местото на незгодата -Екипа на Итната медицинска помош, покрај истото го пронашла сопатникот А.Д.(39) од Охрид кој, веднаш е пренесен во болницата „Св.Еразмо“ во Охрид. Поради констатирани тешки телесни повреди, тој е задржан на понатамошно лекување. По овластување на јавен обвинител, увид на местото на незгодата, извршија полициски екипи, велат од СВР Охрид. Се преземаат мерки за пронаоѓање на возачот на првото возило кој избегал од лице место.

Две лица повредени кај „Мајчин дом“- се судриле автомобил и велосипед, а велосипедистот удрил во пешак со бебе

Катерина Бојаџиева — Sat, 28 Oct 2023 11:50:51 +0000

Две лица се повредени во сообраќајна несреќа што се случи претпладнево во скопската населба Аеродром, на крстосницата кај „Мајчин дом“. Како што потврдија од МВР за МИА, денеска околу 10.10 часот во СВР Скопје е пријавена сообраќајна незгода помеѓу патничко возило „бмв“ со скопски регистерски таблички, управувано од С.С. (58) од Ресен и велосипед управуван од малолетник, по што од ударот по инерција велосипедот удрил во Б.И.М. (37) количка за дете, во која имало дете. На велосипедистот и детето им е укажана лекарска помош и констатирани им се телесни повреди, по што се пуштени на домашно лекување.

Војник на КФОР загина во сообраќајна несреќа во Косово

Ивона Петрова — Tue, 24 Oct 2023 20:42:56 +0000

Припадник на италијанскиот контингент на КФОР загина во сообраќајна несреќа, соопшти мисијата на НАТО на Косово. Несреќата, прецизираат, се случила околу 15 часот и 30 минути на патот што ги поврзува општините Пеќ и Клина, додека овој војник бил во воено возило ВМ90, пишува КоСсев. Во критична состојба, со хеликоптер бил префрлен во американската болница во Приштина, каде лекарите констатирале смрт околу 16.50 часот. Во несреќата учествувал и уште еден војник, кој со возило на брза помош во свесна и стабилна состојба бил пренесен во кампот „Вилаџо Италија“, а потоа е испратен во воената болница во базата на КФОР „Филм Сити“ на дополнителни контроли, додаваат од КФОР. Околностите за оваа несреќа ги истражува Меѓународната воена полиција во соработка со локалните и меѓународните власти, соопшти КФОР.

Тешко повреден возач на тротинет во сообраќајна несреќа

Ивона Петрова — Fri, 20 Oct 2023 10:30:31 +0000

На 19.10.2023 во 08.00 часот во СВР Скопје било пријавено дека на крстосница од бул.„Партизански одреди“ и ул.„Никола Парапунов“ се случила сообраќајна несреќа помеѓу патничко моторно возило „мерцедес“ со скопски регистарски ознаки, управувано од В.Н.(43) од Скопје и електичен тротинет управуван од Д.К.(40) од Скопје, информира МВР. Во несреќата со тешки телесни повреди се здобил возачот на тротинетот, констатирани во Градската општа болница „8 Септември“. Извршен бил увид од увидна екипа од СВР Скопје.

Автомобил удри во 86 годишна скопјанка, жената со тешки повреди пренесена во болница

Ивона Петрова — Fri, 20 Oct 2023 10:22:10 +0000

На 19.10.2023 во 10.50 часот во СВР Скопје било пријавено дека на ул.„Ќемал Сејфула“ во Скопје, патничко моторно возило „форд“ со скопски регистарски ознаки, управувано од А.Н.(42) од Скопје, удрило во Б.Г.(86) од Скопје, информира МВР. Во несреќата со тешки телесни повреди се здобила Б.Г. констатирани во Комплексот клиники „Мајка Тереза“. Извршен бил увид од увидна екипа од СВР Скопје.

Се судрија маж со мопед и малолетен велосипедист, двајцата се повредени

Ивона Петрова — Thu, 19 Oct 2023 10:53:05 +0000

На 18.10.2023 во 14.00 часот во СВР Битола било пријавено дека на ул.„Охридска“ во Битола се случила сообраќајна несреќа помеѓу мопед „априлија“ со битолски регистарски ознаки, управуван од М.М.(42) од Битола и велосипед кој го управувал малолетник од Битола, информира МВР. -Во несреќата со тешки телесни повреди се здобил велосипедистот, а М.М. се здобил со телесни повреди, констатирани во Клиничка болница Битола. Увид извршила увидна екипа на СВР Битола.

Автобус на ЈСП и автомобил се судрија во Ново Лисиче

Ивона Петрова — Thu, 19 Oct 2023 06:06:53 +0000

На бул. АСНОМ во Скопје ноќеска пред полноќ се случила сообраќајна несреќа помеѓу автобус на ЈСП Скопје и патнички автомобил. Информации за состојбата на учесниците во несреќата се очекува да соопштат Министерството за внатрешни работи и Брзата помош чии екипи биле присутни на местото на несреќата. Според очевидци, во автобусот на ЈСП немало патници. На крстосницата се уште има остатоци од оштетените возила, сообраќајот се одвива по една лента и се регулира од сообраќајната полиција.

Жена тешко повредена откако ја удрил автомобил во Кавадарци

Ивона Петрова — Wed, 18 Oct 2023 10:29:09 +0000

На 17.10.2023 во 19.50 часот во ОВР Кавадарци било пријавено дека на ул.„Тиквешко востание“ во Кавадарци, патничко возило „лада“ со кавадаречки регистарски ознаки, управувано од В.Н.(43) од Кавадарци, удрило во С.Б.(73) од Кавадарци. Во несреќата, С.Б. се здобила со тешки телесни повреди констатирани во болницата во Кавадарци, информира МВР. За настанот бил известен јавен обвинител, а увид на местото извршила екипа од ОВР Кавадарци.