сообраќаен прекршок – Kurir.mk

Казнети 218 возачи во Скопје, 57 за брзо возење

Ивана Ефремовски — Sat, 12 Feb 2022 09:02:05 +0000

Министерството за внатрешни работи во текот на вчерашниот ден (11.02.2022) продолжи со засилените акциски контроли во областа на сообраќајот. На територија на град Скопје изречени се вкупно 218 мерки, меѓу кои за возење повеќе од дозволената брзина 57 санкции, 44 мерки за недавање предност на пешаци, 10 санкции за прекршоци што ги прават пешаците. Изречени се 12 мерки за возење без возачка дозвола, 10 санкции за технички неисправни и нерегистрирани возила, шест мерки за користење мобилен телефон, пет санкции за возач почетник, шест мерки за возење под дејство на алкохол, 57 за непрописно паркирање. -Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, апелираат од МВР.

Казнети 513 возачи во Скопје: 148 за пречекорена брзина, 82 мотоциклисти

Ивона Петрова — Fri, 18 Sep 2020 07:14:16 +0000

Министерството за внатрешни работи во текот на вчерашниот ден продолжи со засилените акциски контроли во областа на сообраќајот. -На територија на град Скопје во текот на вчерашниот ден изречени се вкупно 513 санкции, меѓу кои возење без возачка дозвола 35 лица, пречекорување на дозволената брзина на движење 148 прекршоци, нерегистрирани и технички неисправни возила 39, 82 санкционирани мотоциклисти и четири одземени мотори, 75 мерки за непрописно паркирани возила и 72 возила подигнати со пајак (вкупно 147), а изречени се и 104 санкции за неносење на заштитна маска. Засилените сообраќајни контроли продолжуваат и во наредните денови, информираат од МВР. Од Министерството апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.

ВМРО-ДПМНЕ ќе ги десеткува казните за сообраќајни прекршоци

Ивона Петрова — Tue, 07 Jul 2020 07:05:36 +0000

Македонија и граѓаните заслужуваат подобро. Граѓаните очекуваат правда и правичност. ВМРО-ДПМНЕ се обврзува за спроведување на систем за превенција па казнување. Во таа насока ќе следат нови модели во работењето на трудовата и пазарната инспекција. Казната ќе следи само во случај кога неправилноста не е исправена во конкретен рок и ако истата и натаму се повторува од страна на правното лице, истакнуваат од ВМРО-ДПМНЕ. Од партијата посочуваат дека се обврзуваат на десеткување на казните за сообраќајни прекршоци. -Граѓаните мора да се растоварат од гломазните и драконски казни. Пример доколку некоја глоба сега изнесува 300 евра, таа ќе се сведе на 30 евра. Системот на мали, но ефективни казни ќе придонесе кон намалување на корупцијата, ослободување на институциите од прекумерни предмети кои чинат пари и време, и ќе помогне во јакнењето на свеста на граѓаните за почитувањето на правниот систем. По 15 јули почнува обновата. СДСМ покажа дека можат единствено повеќе криминал, можат повеќе корупција и можат само порази. Да ставиме крај на виткањето кичма. Исправи се Македонијо! Одбери обнова, нагласуваат од ВМРО-ДПМНЕ.

За власта повторно не важат законите, Џеват Адеми направи сообраќаен прекршок пред очите на полицијата и си замина неказнето

Ивона Петрова — Wed, 20 Jun 2018 09:55:40 +0000

Пратеникот од редовите на ДУИ, Џеват Адеми во текот на вчерашниот ден направи сообраќаен прекршок пред очите на целата јавност. Репортерите на Газета Експрес направија видео запис како пратеникот Адеми со своето возило марка ΒΜW не ги почитува законите и покрај огромното полициско присуство. Ваквиот чин на Адеми воопшто не го привлече вниманието на полицијата и пратеникот помина неказнето. Сепак на видеото се забележува дека иако полицијата не реагираше на ваквиот прекршок, реагираа другите револтирани возачи кои со помош на автомобилските свирки го укорија Адеми. За потсетување ова не е прв настан каде висок функционер на ДУИ поминува неказнето за сообраќаен прекршок. Граѓаните се сеќаваат на настанот со ,,пајакот’’ кога беше физички нападната полицајката која се обиде да го казни Бекир Асани за непрописно паркирање. Асани ниту беше казнет за физичката пресметка со полицајката, ниту за непрописното паркирање. Deputeti i BDI-së shkel rregullat e komunikacionit on Vidnews.

Им ги одземал документите на полицајци поради сообраќаен прекршок

Ивона Петрова — Mon, 12 Mar 2018 14:29:22 +0000

Полицијата ќе поднесе соодветен поднесок против скопјанецот Д.Б.А. (25) поради одземање на документи од полициски службеници. -Имено, вчера околу 13:20 часот во Скопје на раскрсницата помеѓу улиците „Тодор Паница” и „Вера Јоциќ”, при преземање на мерки за сторен сообраќаен прекршок над М.А. од Скопје, неговиот син Д.Б.А.(25) ги одзел документите од двајца полициски службеници, информираат од полицијата.