сообраќајка несреќа – Kurir.mk

Сопатник тешко повреден откако излетале со автомобил од пат

Ивона Петрова — Thu, 04 Feb 2021 10:15:35 +0000

На 03.02.2021 во 10.00 часот на локален пат за село Добрашинци, струмичко се случила сообраќајна незгода во која А.К. (40) од село Дрвош управувајќи моторно возило „Aуди А4“ со струмички регистерски ознаки изгубил контрола над возилото и излетал надвор од коловозот, информира МВР. Во незгодата со тешки телесни повреди се здобил сопатникот во возилото, кој е пренесен во Медицински центар Струмица, а увид на местото извршила екипа на Полициска станица Струмица.

Жена прегазена во Скопје, со тешки повреди пренесена во Клинички

Ивона Петрова — Thu, 14 Jan 2021 10:40:20 +0000

Вчера во 14.30 часот било пријавено дека на крстосницата од бул.„Христијан Тодоровски Карпош“ и ул.„Ферид Бајрам“ во Скопје, патничко возило „форд фиеста“, со скопски регистарски ознаки, удрило во пешакот Р.Ц.(61) од Скопје и го напуштило местото на незгодата, информира МВР. Во незгодата Р.Ц. се здобила со тешки телесни повреди, констатирани во Комплексот клиники „Мајка Тереза“. Извршен бил увид од увидна екипа од СВР Скопје. Се работи на расчистување на случајот.

ВОЗНЕМИРУВАЧКО ВИДЕО: Возач од БиХ со автомобил покосил деца на пешачки премин

Магдалена Андонова — Wed, 04 Nov 2020 14:38:10 +0000

Во Босна и Херцеговина се случила сообраќајна несреќа во која две деца се здобиле со лесни телесни повреди. Од Оперативниот центар на Министерството за внатрешни работи на Унско-санскиот кантон потврдиле дека несреќата се случила. На Јутјуб е објавена и воснемирувачка снимка од несреќата. На снимката се гледа моментот кога возач на автомобилот удира во три деца набрзо откако нагзиле на пешачки премин. Возачот запира, а децата стануваат од патот. Во официјалниот извештај на полицијата се наведува дека две деца се здобиле со лесни повреди, пренесува Клик.ба

Пешак прегазен кај касарна Илинден

Ивона Петрова — Fri, 12 Jun 2020 10:00:55 +0000

На крстосницата од бул.„Никола Карев“ и влез кон касарната „Илинден“, вчера вечерта автомобил „фолксваген пасат“ со скопски регистарски ознаки, управувано од З.Т.(52) од Неготино, удрило во пешакот И.Р.(54) од Скопје. -Во незгодата пешакот се здобил со тешки телесни повреди по што бил пренесен во Комплексот клиники „Мајка Тереза“ за укажување на лекарска помош, информираат од МВР. Извршен бил увид на местото на настанот од увидна екипа на СВР Скопје.

Тинејџер со автомобил удрил девојче во Кавадарци

Ивона Петрова — Mon, 02 Sep 2019 09:49:50 +0000

Девојче се здобило со повреди откако вчера околу 18:30 часот било удрено од автомобил. Од полицијата информираат дека несреќата се случила на ул.„9 Бригада“ во Кавадарци кога „Пежо“ со кавадаречки регистарски ознаки, управувано од Т.М.(19)од Кавадарци, удрило во девојче од Кавадарци. -Девојчето се здобило со повреди и било пренесено во болницата во Кавадарци. Увид на местото извршила екипа од Полициската станица Кавадарци, информираат од полицијата.

Познат идентитетот на мотоциклистот кој загина кај Косел

Предраг Кукиќ — Mon, 06 Aug 2018 09:15:55 +0000

Љупчо Ј. (32) од Охрид загина во сообраќајна несреќа што вчера попладнето се случи на магистралниот патен правец Охрид - Ресен, кај селото Косел. Тој во својство на мотоциклист на критичното место изгубил контрола врз мотоциклот и удрил во задниот дел на автобус со кочански регистерски таблички, запрен покрај патот и надвор од коловозот. Екипата на Службата за итна медицинска помош само го констатирала фаталниот исход од несреќата за младиот моторциклист. - На местото на сообраќајната незгода, увид изврши дежурен Јавен обвинител и екипи на СВР Охрид како и овластен судски вештак. За време на увидот сообраќајот не беше запрен односно беше наизменично регулиран во двата правци, информира Стефан Димоски, портпарол на СВР Охрид. По наредба на Јавен обвинител, врз телото на починатиот денеска ќе биде извршена обдукција, како и вонреден технички преглед на паркираниот автобус. (МИА)

Шест годишно дете тешко повредено откако било удрено од автомобил, возачот избегал

Ивона Петрова — Wed, 04 Jul 2018 08:34:12 +0000

Шест годишно дете се здобило со тешки повреди во сообраќајна несреќа која се случила вчера околу 15:25 часот. Од полицијата информираат дека Д.В. пријавила дека на паркингот пред езеро Треска непознато патничко возило удрило во шестгодишно дете од Скопје и го напуштило местото. -Со друго возило детето било пренесено во Ургентен центар при комплексот клиники „Мајка Тереза“ каде му биле констатирани тешки телесни повреди, велат од МВР. Се преземаат мерки за пронаоѓање на сторителот и за целосно расчистување на случајот.