сообраќајна незгода – Kurir.mk

Заради увид во сообраќајна незгода, сообраќајот на магистралата Кичево- Гостивар се одвива наизменично

Катерина Бојаџиева — Tue, 26 Sep 2023 10:36:46 +0000

По речиси двочасовниот прекин прекин во одвивање на сообраќајот по магистралниот пат Гостивар - Кичево, пред влезот на Гостивар, заради сообраќајна незгода, движењето на возила се одвива со наизменично пропуштање кое го регулираат полициски службеници. Од СВР Тетово информираат дека денеска во 10 часот и 5 минути била пријавена сообраќајна несреќа на магистралниот пат Кичево-Гостивар, пред влезот на Гостивар, во близина на угостителски објект. - Во неа учествувале патничко моторно возило „сеат кордоба“ со гостиварски регистарски ознаки управувано одР.Р. (75) од долнореканско Велебрдо и трактор, исто така, со гостиварски ознаки што го управувал Г.Ќ.(34) од гостиварска Ломница, наведуваат од СВР Тетово. Во несреќата, двајцата возачи се здобиле со телесни повреди констатирани во гостиварската Општа болница „Ферид Мурад“, каде биле пренесени за укажување на лекарска помош. На местото на несреќата увид врши екипа од ОВР Гостивар, сообраќајот се регулира со неизменично пропуштање на возилата во двете насоки.

ДВЕ ЛИЦА ПОВРЕДЕНИ: „БМВ“ се преврте на покрив во Тетово

Катерина Бојаџиева — Fri, 28 Jul 2023 06:13:50 +0000

Две лица се повредени вчера во Тетово откако возилото марка „БМВ“, со кое се возеле, се превртело на покривот. Настанот се случил околу 19 часот на булеварот „Маршал Тито“. - Во Тетово, во близина на Културен дом, патничко возило „БМВ со тетовски регистерски таблици управувано од лицето Л.Ш. (18) од тетовско Ларце, изгубил контрола над возилото и се превртел на покрив. Според првичните информации во незгодата со тешка повреда (фрактура на прсти од рака) се здобил сопатникот В.И.(26) од истото село, додек возачот Л.Ш. поминал со телесни повреди констатирани во Клиничка болница Тетово, информираше СВР Тетово. Увид на местото извршила екипа од СВР Тетово.

Симулациска вежба за евакуација на ученици по сообраќајна незгода и предизвикан пожар

Тале Кристо — Thu, 18 May 2023 13:10:58 +0000

„Евакуација на ученици по случена собраќајна незгода и предизвикан пожар“ беше тема на денешната симулациска вежба на општинската организација на Црвениот крст - Струга во соработка со полицијата, пожарната и Општата болница. Вежбата се одвиваше во дворот на средните училишта на „Ибрахим Темо“ и „Нико Нестор“. Волонтерите од Црвен крст со два тима симулираа реанимација, како и изгореници од настанат пожар, спасување и евакуација на повредени лица во школски автобус по случена сообраќајка. Активностите, според секретарот на Струшкиот Црвен крст, Адуриме Даути, се по повод Светскиот ден на Црвен крст и Црвена полумесечина - 8 мај и во пресрет на Денот на пожарникарите - 20 мај. - Целта на вежбата е проверка на процедурите за евакуација во работната организација, како и успешниот настап од пожарникарите, кои го подготвија теренот за пристап на волонтерите на Црвен крст, истакна Даути.

Скопјани направиле сообраќајка, па агресивно се однесувале кон полицајци и се обиделе да ги претепаат

Катерина Бојаџиева — Wed, 26 Apr 2023 18:00:15 +0000

На 25.04.2023 во 18.20 часот на ул.„.Александар Урдаревски“ во Скопје, полициски службеници ги привеле И.Т.(43) и И.Т.(46), двајцата од Скопје, затоа што по претходно случена сообраќајна незгода го нарушиле јавниот ред и мир, агресивно се однесувале кон полициски службеници кои извршувале службени дејствија и се обиделе физички да ги нападнат. Тие биле задржани во полициска станица и по целосно документирање на случајот против нив ќе биде поднесена соодветна пријава.

Тешко повредена сопатничка: Возило излета од патот Охрид- Кичево

Катерина Бојаџиева — Thu, 23 Mar 2023 10:41:17 +0000

На 22.03.2023 во 12.30 часот во СВР Охрид, пријавено е дека на магистралниот пат Охрид-Кичево, во близина на влез за с.Климештани, општина Дебрца, патничко моторно возило „опел“ со охридски регистарски ознаки, управувано од С.М.(60) од Охрид, изгубило контрола и излетало надвор од коловозот. Во несреќата со тешки телесни повреди се здобила сопатничката Ф.Х.А.(62) од Охрид констатирани во болницата „Св.Еразмо“ во Охрид. Увид на местото на настанот извршила увидна екипа на СВР Охрид.

Сообраќајка во Скопје: Тешко повреден возач на тротинет

Катерина Бојаџиева — Fri, 16 Sep 2022 10:12:50 +0000

На 15.09.2022 во 09.50 часот во СВР Скопје било пријавено дека на сервисна улица од бул.„Асном“ во Скопје се случила сообраќајна несреќа помеѓу патничко моторно возило „мини купер“ со скопски регистарски ознаки, управувано од М.М.(38) од Скопје и електричен тротинет управуван од П.Ѓ.(23) од Скопје. Во несреќата со тешки телесни повреди се здобил возачот на тротинетот, констатирани во Комплексот клиники „Мајка Тереза“. Извршен бил увид од увидна екипа од СВР Скопје.

Ваква ИЗМАМА не смее да ви “падне на памет“ – еве што направиле македонски државјани, сега ќе си ја добијат казната

Ивана Ефремовски — Tue, 13 Sep 2022 17:14:49 +0000

СВР Тетово поднесе кривична пријава против М.Р.(25) од Гостивар поради постоење основи на сомнение за сторени кривични дела „измама“ и „лажно пријавување на кривично дело“, против А.С.(20), Ј.Ш., двајцата од Гостивар, А.К.(20) од с.Долна Бањица и Р.А.(19) од Битола поради постоење основи на сомнение за сторено кривично дело „помагање“ во врска со кривични дела „измама“ и „лажно пријавување на кривично дело“. На 22.05.2022, М.Р. лажно пријавил сообраќајна незгода, додека останатите пријавени пред полициските службеници дале лажни изјави. Од изршените анализи и детален преглед на возилото не се утврдени нанесени оштетувања.

Направиле сообраќајка, па се истепале – хаос во Кондово

Ивана Ефремовски — Wed, 06 Jul 2022 14:49:58 +0000

На 02.07.2022 во Полициското одделение Сарај било пријавено дека околу 18:45 часот во с.Кондово, скопско, по претходно случена сообраќајна незгода, бил нарушен јавниот ред и мир со физичка пресметка помеѓу Б.Ј.(31) и М.Ј.(27), двајцата од с.Долно Свиларе, од една страна и Б.Ф.(32) од с.Кондово, од друга страна. По документирање на случајот ќе следува соодветен поднесок.

Повредени малолетници од Битола: Со мопед удриле во пешак и во паркирано возило

Катерина Бојаџиева — Wed, 15 Jun 2022 09:53:53 +0000

Малолетник кој управувал со мопед и малолетна сопатничка се здобија со тешки телесни повреди при сообраќајна несреќа што се случи во Битола. Од СВР-Битола информираат дека несреќата се случила синоќа на улицата „Ружа Делчева“ во Битола, кога мопед „Априлија“ со битолски регистарски ознаки, управуван од малолетен битолчанец, удрил во пешакот Б.В. (70) од Битола и во паркирано возило „Сеат“ со битолски регистарски ознаки. Во несреќата со тешки телесни повреди се здобиле возачот на мопедот и неговата малолетна сопатничка, додека пешакот се здобил со телесни повреди, констатирани во Клиничка болница Битола. Увид на местото на настанот извршила екипа на СВР Битола.

Обвинител нареди да се извршат разговари со сите повредени патници од автобусот во Прилеп

Ивана Ефремовски — Tue, 03 May 2022 10:22:30 +0000

Дежурен јавен обвинител од Основното јавно обвинителство Прилеп, заедно со полициски увидни екипи, утрово извршија увид во населбата Точила каде се случи сообраќајна незгода меѓу 2 автобуса. Според првичните сознанија, во едниот автобус освен возачот немало други патници, додека во другиот се превезувале 20-тина работници кои се пожалиле на полесни повреди. Дежурниот јавен обвинител издаде наредби за фотографирање и скицирање, како и за прибирање на траги од лице место, по што ќе биде издадена наредба за нивно вештачење. Исто така, издадена е наредба да се извршат разговори со сите патници со цел да се утврдат причините за несреќата.