сообраќајни незгоди – Kurir.mk

Во САД зголемен бројот на загинати во сообраќајни незгоди

Тале Кристо — Tue, 09 Nov 2021 14:23:11 +0000

Повеќе од 20.000 луѓе загинале во сообраќајни несреќи во САД во првата половина на 2021 година, што е околу 18 отсто повеќе споредбено со истиот период лани. Ова го јави Националната администрација за безбедност на патниот сообраќај. Според статистиката објавена од државниот орган, во првите шест месеци годинава во сообраќајни незгоди загинале 20.160 лица, или за 18,4 отсто повеќе од 17.020 загинати во првото полугодие лани. Пит Бутиџич, министер за транспорт на САД, ги коментираше овие тажни бројки и ваквата ситуација ја нарече „криза“. На брифингот за новинарите синоќа во Белата куќа, тој исто така го коментираше и новиот закон за обнова на инфраструктурата на САД и истакна дека дел од парите што неговото министерство че ги добие по неодамна изгласаниот закон од Конгресот во висина од 1.2 трилиони долари, ќе бидат наменети и за да се одговори на расната дискриминација во дизајнот на американската патна мрежа.

Сообраќајка на патото Скопје-Тетово, тешко повредени две лица

Ристе Здравков — Tue, 18 Sep 2018 09:16:56 +0000

На 17.09.2018 година во 12,00 часот во Секторот за внатрешни Скопје било пријавено дека на регионалниот пат Скопје – Тетово се случила сообраќајна незгода помеѓу товарно моторно возило “Рено Мастер“ со скопски регистерски ознаки управувано од М.С.(53) од село Копаница, скопско и патничко моторно возило “Ауди А3“ со скопски регистерски ознаки управувано од А.И.(20) од Р.Германија. Во незгодата со телесни повреди се здобиле двајцата возачи, додека сопатникот од патничкото моторно возило “Ауди А3“ Ш.Е.(19) од Скопје се здобил со тешки телесни повреди и со возило на Итна медицинска помош биле пренесени во Градската општа болница “8-ми Септември“ за укажување на лекарска помош. Извршен е увид на местото на настанот.

Девет лица полесно повредени во 18 сообраќајки во Скопје

Дарко Андоновски — Wed, 08 Aug 2018 07:23:43 +0000

Девет лица се полесно повредени во 18 сообраќајни несреќи евидентирани на подрачјето на СВР Скопје во изминатото деноноќие. Од сообраќајките десет биле со причинета материјална штета. Сообраќајната полиција санкционирала 51 возач за пречекорување на пропишаната брзина, исклучени се 16 возачи од сообраќај, од кои 11 пред да се стекнат со право на управување моторно возило, тројца биле под дејство на алкохол, а двајца биле возачи почетници. Од сообраќај биле исклучени и 12 нерегистрирани возила. Изречени се 129 мерки за непрописно паркирање, а „пајакот“ кренал 54 возила.

Две лица тешко повредени, 4 се здобиле со лесни повреди во сообраќајки во Скопје

Катерина Бојаџиева — Wed, 27 Jun 2018 06:42:50 +0000

Еден сопатник и еден возач на мопед се потешко повредени во две сообраќајни незгоди што изминатото деноноќие се случиле на подрачјето на Скопје. Со лесни повреди се здобиле четири лица во две сообраќајки од вкупно девет незгоди. Материјална штета е предизвикана во пет сообраќајки. Податоците од билтенот на СВР Скопје покажуваат дека 59 возачи се движеле со брзина поголема од дозволената, шест возачи возеле под дејство на алкохол и 12 возеле пред да се стекнат со правото да управуваат со возило. Од сообраќај се исклучени две технички неисправни возила и девет нерегистрирани. Сообраќајната полиција казнила и 100 возачи за непрописно паркирање, а 65 возила се подигнати со специјалното возило „пајак“. Кај пешаците, 13 поминале на црвено светло, а 17 не ја поминале улицата на пешачки премин.

Зголемен бројот на сообраќајни незгоди во Кратово

Катерина Бојаџиева — Mon, 19 Feb 2018 10:36:21 +0000

Бројот на сообраќајните незгоди на подрачјето на општина Кратово во текот на вторите шест месеци од минатата година е во пораст за 63 отсто, споредено со истиот период во 2016 година, се наведува во Информацијата за безбедносна состојба и превземени мерки и активности од страна на Полициска станица од општа надлежност Кратово, презентирана на последната седница на Советот на општина Кратово. Според извештајот, во второто полугодие на 2017 година на територија под надлежнот на Полициската станица од општа надлежност Кратово се случиле вкупно 31 сообраќајна незгода, додека во 2016 во истиот период имало 19 незгоди, што е порат за 63,1 отсто. Од вкупниот број незгоди, девет се случиле во населени места, додека 22 на отворен пат, а во нив загинало едно лице, 13 сообраќајки се со повредени лица, додека 17 се со материјална штета под 50 просечни плати во стопанството. Во над 50 отсто од вкупниот број на незгоди причината била неприлагодена брзина на движење. Во пораст се и нарушувањата на јавниот ред и мир и изнесуваат 51,6 отсто, споредено со истиот период во 2016 година, кога биле 29,1 отсто. Во вотрото полугодие на минатат агодина поднесени се вкупно 47 барања за прекршочна постапка, против вкупно 68 сторители, а најголем број од иввршените прекршоци се физички напади - 15, бројка која исто така е во пораст од 66,6 отсто, споредено со 2016 година. Криминалитетот на подрачјето на општина Кратово во втората половина од 2017 година бележи намалување за 5,4 отсто. Во овој период регистрирани се вкупно 35 кривични дела, додека во истиот период од 2016 година биле регистрирани 37, што значи криминалот е намален за 5,4 отсто, се наведува во Информацијата.

Седум лица повредени: 15 сообраќајки вчера во Скопје

Катерина Бојаџиева — Wed, 14 Feb 2018 09:17:58 +0000

Во текот на вчерашниот ден на подрачјето на Секторот за внатрешни работи Скопје, се случиле вкупно 15 сообраќајни незгоди од кои две со тешки телесни повреди, пет сообраќајни незгоди со телесни повреди и осум со материјална штета. При сообраќајните незгоди две лица се здобиле со тешки телесни повреди и пет лица се здобиле со телесни повреди. Од преземените мерки и активности констатирано е дека 18 возачи го управувале возилото со брзина поголема од дозволената, еден возач е санкциониран поради управување на моторно возило под дејство на алкохол, а девет возачи биле исклучени од сообраќајот бидејќи го управувале возилото без да се стекнат со право за управување на моторно возило. Поради технички неисправни возила од сообраќајот исклучени се четири возила и 10 возила поради истечена важност на сообраќајната дозвола. Во однос на пешаците, санкционирани се девет пешаци бидејќи поминале на коловоз надвор од пешачки премин. Санкциониран е по еден возач поради недавање првенство на минување и неправилно престројување и двајца возачи се санкционирани поради неправилно престигнување. Во текот на изминатиот ден издадени се 96 мандатни платни налози, додека 81 возило е подигнато со „пајак".

Кучиња скитници предизвикаа 2 сообраќајни незгоди на автопатот Тетово- Скопје

Катерина Бојаџиева — Mon, 15 Jan 2018 12:56:28 +0000

На автопатот Тетово-Скопје вчера во 20.00 и во 20.45 часот се случиле две сообраќајни незгоди предизвикани од кучиња-скитници. Кучињата скитници неконтролирано се движеле по коловозот и биле усмртени од патничко возило „Голф“ со тетовски регистарски ознаки, управувано од З.Н. (32) од село Ларце и патничко возило „Голф“ со скопски регистарски ознаки, што го управувал Т.А. (37) од Студеничани. Во незгодите нема повредени лица во возилата.