сопружници – Kurir.mk

Пукано кон маж и жена во Сингелиќ

Ивона Петрова — Mon, 03 Jul 2023 14:19:02 +0000

Триесет и едно годишен маж денеска во 03:30 часот пријавил дека било пукано кон него и неговата сопруга. -Во с.Сингелиќ, скопско Б.И. (31) додека се движел со патничко возило во кое била и неговата сопруга, Ј.Б.(35) од Скопје испукал кон нив со огнено оружје, информира МВР. Повредени лица нема и се преземаат мерки за расчистување на случајот.

ФАЛСИФИКУВАЛЕ БАНКНОТИ: Уапсени сопружници од Штип

Тале Кристо — Sun, 10 Apr 2022 12:39:17 +0000

По преземени мерки и активности Секторот за внатрешни работи Штип расчисти случај на фалсификување пари и од слобода ги лиши сопружниците Б.Ф.(38) и С.Ф.(33), двајцата од Штип. При преземањето мерки било утврдено дека Б.Ф. испечатил четири банкноти од 1.000 денари од кои три ѝ дал на С.Ф., а четвртата ја фрлил бидејќи била оштетена. Исто така, било утврдено дека С.Ф. една од банкнотите разменила со малолетничка од Штип за две по 500 денари, една дала на лице од Штип за да подмири долг кон него, а последната, откако слушнала дека делото е пријавено, ја скинала и фрлила. Банкнотите биле пронајдени и одземени, како и печатачот и компјутерот на кој биле направени. По целосно документирање на случајот против лицата ќе биде поднесена соодветна пријава.

ДЕТАЛИ: Наредена обдукција на телата на починатите сопружници од Табановце

Ивона Петрова — Tue, 17 Aug 2021 11:01:54 +0000

Јавен обвинител од Основното јавно обвинителство Куманово изврши увид во семејна куќа во селото Табановце каде утринава беа пронајдени телата на две починати лица. Починати пронајдени е маж и жена на возраст од 43 и 36 години. -Со цел утврдување на причините за смртта на двајцата сопружници јавниот обвинител издаде наредба за обдукција на телата на починатите, како и наредба за вештачење на пронајдените траги и материјални докази на лице место, информираат од Обвинителството.

Најнови детали за ужасот во Струга: По убиството, сопругот се обидел да избега

Ивона Петрова — Wed, 21 Apr 2021 09:38:10 +0000

Секторот за внатрешни работи денеска со официјален извештај за убиството кое вчера се случи во Струга. Според нивните информации случајот во 19:15 часот го пријавил во полиција Е.Т.(49) од Струга. -Тој пријавил дека околу 19 часот, додека С.Р.(34) и Ј.Р.(39), двајцата од Битола, со привремено живеалиште во Струга, биле во неговиот стан, каде биле присутни уште неколку лица, по претходна расправија, Ј.Р. со нож ја нападнал неговата сопруга С.Р. и ѝ нанел повреди. Според пријавеното, тој се обидел да побегне, но бил спречен, по што со ножот сам се повредил, информираат од СВР Охрид. Од екипа од Итна медицинска помош била констатирана смрт кај С.Р., а Ј.Р. бил префрлен во Медицински центар Струга за укажување на лекарска помош. Увид на местото на настанот извршила екипа на Полициска станица Струга. По наредба на Јавен обвинител, телото на починатата било дадено за обдукција.

ФОТО: Со љубов против коронавирус – Пар од Италија позитивен на Ковид-19 прослави 50 години брак на интензивна нега

Ивона Петрова — Wed, 15 Apr 2020 10:22:38 +0000

Сопружници од Италија позитивни на коронавирус ја одбележаа својата златна годишнина од брак на одделението за интензвина нега. Малата прослава им ја организирал медицинскиот персонал. Сандра (71) и нејзиниот сопруг Џанкарло (73) се држеа за раце лежејќи на нивните кревети со маски за кислород на лицата во една од италијанските болници. За нивната причина за славење, дознала медицинската сестра Роберта Ферети која им ја организирала прославата. -Сандра плачеше многу, не за неа, туку беше загрижена за сопругот. Тој ми кажа колку многу ја сака, и после толку години поминати заедно. Кога дознав дека им е годишнина, помислив дека тоа мора да се прослави, рекла Роберта. Забавата траела 10 минути. Тие добиле мали тортички на кои биле ставени свеќи со бројките 5 и 0, но истите не биле запалени поради кислородните боци кои се наоѓале во близина. -Им ги доближивме креветите, се држеа за раце со и онаа малку силата која се уште ја имаат. Беше неверојатен момент, многу убав, тие минути ни го плаќаат целиот труд и жртва која ја вложуваме овие денови. Тој постојано повторуваше колку многу ја сака, а ние не можевме да престанеме да плачеме. Во воздухот можеше да се почувствува љубовта која секој од нас ја бара, некои и целиот живот, вели медицинската сестра. Децата на Сандра и Џанкарло, Џанлука и Андреа добиле фотографии од прославата и истакнале дека тоа е прекрасен подарок за нив. -Нашите родители се родени за да бидат заедно, тие се еден старомоден пар, каков што денеска многу ретко може да се види, велат нивните деца. Парот набрзо бил тргнат од интензивна нега и се верува дека наскоро мажот и жената заедно ќе бидат отпуштени од болница.

Сопружници се степале и демолирале изнајмена викендица во Маврово

Ивона Петрова — Mon, 02 Mar 2020 11:18:34 +0000

Сопружници направиле штета на инвентар и си нанеле повреди, откако се степале во викендичка која изнајмиле. Според СВР Тетово, вчера било пријавено дека во викендица во Маврово, во која престојувале, двајца сопружници од Скопје на возраст од 25 и 34 години ја оштетиле внатрешноста на објектот. По увидот било утврдено дека тие претходно меѓусебно физички се пресметувале и си нанеле повеќе телесни повреди. Двете лица се лишени од слобода и задржани се во Полициското одделение Маврово за расчистување и документирање на случајот.

МВР со детали за убиството во Кочани

Ивона Петрова — Mon, 30 Sep 2019 07:49:09 +0000

Убиство по крвава семејна драма утринава го разбуди Кичево. Од полицијата информираат дека утрово во 05.20 часот Д.С.(30) од Кочани пријавил дека во семејниот дом на ул."Климент Охридски" во Кочани неговиот татко В.С.(55) со остар предмет ја нападнал неговата мајка Н.С.(46). Според информациите во нападот Н.С., се здобила со повреди и била пренесена во болницата во Кочани. -Полициски службеници излегле на местото на настанот при што пронајдено е безживотното тело на В.С. со убодна рана во пределот на градите, велат од полицијата. Увид се врши од Јавен обвинител и екипа на ПС Кочани и се работи на расчистување на случајот.

Убиство во Кочани, сопруга до смрт го избодела мажот

Ивона Петрова — Mon, 30 Sep 2019 07:00:50 +0000

Семејна драма утрово завршила трагично во Кочани. Според неофицијалните информации на Сител, по расправијата која настанала помеѓу сопружници, жената до смрт го избодела нејзиниот сопруг во дворот од семејната куќа. Со тешки телесни повреди и голем број исекотини се здобила и сопругата која со возило на итната медицинска помош од Кочани била пренесена во штипската клиничка болница, јавува Сител.

Трактор се превртел вчера во беровско, повредени сопружници

Дарко Андоновски — Mon, 13 May 2019 09:48:38 +0000

Вчераутро во Полициска станица Берово било пријавено дека на место викано “Бричките“, атар на с. Двориште, беровско, на некатегоризиран пат, Б.Ц. (55) од с. Двориште, управувајќи трактор, изгубил контрола над тракторот и се превртел. На тракторот заедно со него била и неговата сопруга И.Ц., која успеала да скокне, а Б.Ц. бил исфрлен на околу 50 метри под патот. Б.Ц. се здобил со тешки телесни повреди и со возило на Итна медицинска помош бил пренесен и задржан на лекување во Медицински центар Струмица каде му била укажана лекарска прва помош, а потоа бил препратен во Комплексот клиники „Мајка Тереза“. Со телесни повреди се здобила И.Ц. Увид на местото извршила екипа од Полициската станица Берово.

Сопружници уапсени пред кафеана во Мичурин, агресивно се однесувале кон полицајци

Ивона Петрова — Thu, 20 Dec 2018 14:17:44 +0000

Сопружници ноќеска биле приведени поради нарушување на јавниот ред и мир и агресивно однесување кон полициски службеници. Инцидентот, како што информираат од МВР, се случил пред угостителски објект на улица “Анастас Митрев“ во Скопје. -Б.Л.(26) и неговата сопруга А.М.Л.(22) од Скопје го нарушиле јавниот ред и мир и агресивно се однесувале кон полициски службеници. Двете лица се приведени во полициска станица и по документирање на случајот ќе биде поднесен соодветен поднесок, велат од МВР.