Сопственици – Kurir.mk

НАУЧНИЦИТЕ ОТКРИВААТ: Дали кучињата навистина личат на нивните сопственици?

Магдалена Андонова — Thu, 04 Aug 2022 14:07:53 +0000

Обично повеќе на шега се вели дека кучињата се исти како нивните сопственици, односно дека кучето и сопственикот имаат исти карактеристики. Научниците, исто така, се занимаваа со ова прашање, и повеќе од еднаш, за да откријат дали навистина е така. Значи, дали кучињата можат да учат, односно да го копираат однесувањето и особините на нивните сопственици? Експерти од Универзитетот во Мичиген сакале да истражат какви особини може да научи кучето од својот сопственик. Се покажа дека кучињата на екстровертни луѓе кои се комуникативни, отворени и лесно создаваат нови познанства, исто така ќе станат друштвени и пријатни кон другите кучиња, па дури и со луѓето. Кучињата на интровертите, односно позатворените луѓе, иако се посвоени како весели и весели кученца, ќе станат помалку друштвени. Ова е можно дури и со раси познати по нивната смиреност и пријателство. Кучињата кои живеат со луѓе се доста чувствителни на човечките постапки и чувства. Понекогаш се вели дека можат да „прочитаат“ како се чувствува нивниот сопственик, па дури и можат да ги копираат навиките, однесувањето и карактерот на сопственикот. Така, може да се случи кученцето кое знаело да истрча половина јарда за минута во вашето друштво да стане мрзеливо. На карактерот на кучето, сепак, најмногу влијаат луѓето кои го тренираат кога е кученце. Австриските научници докажаа дека кучето може да ги манифестира негативните емоции и вознемиреноста на сопственикот, но дека подеднакво силно може да влијае на човечките емоции и ставови. Пријателските кучиња можат да го подигнат расположението на тажните луѓе и да ги опуштат. Во ова истражување, сопствениците прво беа испрашувани за да се утврди дали поседуваат некоја од овие пет особини: невротичност, екстровертност, отвореност за нови искуства, согласност и совесност. Личноста на кучињата исто така беше тестирана со користење на стандардизирани форми, а стотици кучиња учествуваа во студијата, која вклучува мерења на срцевиот ритам и одговор на закани, врз основа на испитување на примерок од плунка, што го покажува нивото на кортизол, хормонот на стресот. во телото. Д-р Ирис Шоберл од Универзитетот во Виена, која ја водела гореспоменатата студија, вели дека сопствениците и кучињата влијаат еден на друг кога станува збор за реакција на одредени емоции или ситуации. Сепак, човечкото влијание врз кучето е поголемо.

Сопствениците на земјиштето во Расадник револтирани од градоначалникот – вината ја гледаат во власта, најавуваат и протести и блокирање

Магдалена Андонова — Tue, 18 May 2021 06:20:00 +0000

Kако сопственици на скоро 80% од градежното земјиште во општина Кисела Вода попознат како Расадник во кој како сопственици се јавуваат неколку стотина сопственици после долго време се обраќаме до јавноста преку вас како медиуми затоа што сметаме дека сме најобесправената страна кога се работи за ова место кое во последно време е актуелно во медиумите. Имено се работи за површина од околу 120000м2 земјиште кое е во градежен реон и според генералниот урбанистички план тој е во зона домување, стои во соопштението на сопственици на земјиштето во Општина Кисела Вода - Расадник. - Ние како сопственици со години плаќаме данок како за градежно земјиште кое е изградено или на кое во истиот момент може да градиме, но за жал не можеме да го користиме едно од основните уставни права на секој човек, плодоуживање на својот имот туку нашиот имот е запустен, обраснат и неурбанизиран и тоа не една или две години туку повеке од деценија. Ние бараме само донесување на ДУП согласно постоечкиот ГУП. Сакаме да акцентираме дека предизборните ветувања на градоначалникот дека во првата година од неговиот мандат ќе го донесе ДУП-от и дека ке се гради инфраструктура во Расадникот и објекти тоа не се случи и од негова страна имаме само несериозни ветувања дека секој нареден месец ке се донесе ДУП-от. Исто така се имаме обратено и до Градоначалникот на град Скопје, но во неговиот мандат тој не не прими, ни се одважи да ни помогне, ниту да седнат со својот партиски колега и да најдат решение за нашиот децениски проблем, велат тие. Сопствениците на земјиштето во Расадник ги известуваат властите кои на прво место ги гледаат како виновници за нашиот проблем, а потоа и граѓаните дека бараат ДУП според закон и дека тие не се ни дел од градежниот бизнис и дека во наредниот период ќе ги преземат следните порадикални мерки: - Непослушност и неплаќање на данок на имот, како и барање на поврат на данокот на имот и обештетување - Протестирање и блокирање на Бул,, Борис Трајковски‘‘ - Протестирање и блокирање на Општината Кисела Вода и седиштето на Град Скопје - Како сопственици знаеме дека за жал граѓаните ќе чувствуваат последици од нашите активности, но ние немаме друг избо, додаваат тие.

Приведени сопственици на два угостителски објекти во Велешта, работеле по дозволеното време

Магдалена Андонова — Sun, 27 Dec 2020 12:39:20 +0000

На 25.12.2020 година, во времето од 21 до 24 часот, полициски службеници од ОВР Струга, во соработка со инспектори од Државниот пазарен инспекторат, извршија контроли во угостителски објекти во струшкото село Велешта, во врска со Законот за заштита на население од заразни болести и новите одлуки за промени на работното време на угостителските објекти. Притоа, констатирано е дека два угостителски објекти, не ги почитувале мерките за работното време до 18 часот и продолжиле со работа и примале гости. Двата објекти веднаш се затворени од ДПИ, а две лица-сопственици на објектите, се лишени од слобода и против нив ќе бидат поднесени соодветни пријави.

Кривични пријави за сопственици на четири угостителски објекти во Скопје – работеле по дозволеното време

Магдалена Андонова — Sun, 27 Dec 2020 10:24:32 +0000

Полициски службеници од СВР Скопје во содејство со Државниот пазарен инспекторат на 26/12/2020 година во периодот од 16:00 до 23:00 часот на подрачјето на СВР Скопје вршеа контроли за почитување на мерките од Законот за заштита на население од заразни болести и новите одлуки за промени на работното време угостителските објекти. Контролирани се 285 објекти и констатирани се четири непочитувања на работното време (едно во Аеродром, едно во Гази баба и две во Сарај), кое согласно последната одлука се ограничува на 18:00 часот, за што ќе бидат изготвени соодветни кривични пријави за сопствениците на објектите, а од страна на ДПИ изречена забрана за работа. Во угостителски објект на ул. Перо Наков во 18.40 часот е констатирано дека работи и во него има гости. Сопственичката В.Н. е лишена од слобода и против неа ќе биде поднесен соодветен поднесок Во објект на бул. Трета македонска бригада во 20.30 часот се затекнати гости, а одговорното лице Д.Ј:, кое е затекнат во обхектот е лишено од слобода и по документирање на случајот ќе следи соодветна пријава. Непочитување на работното време и присуство на гости е констатирано и во чајџилница во с. Копаница и кафе бар во с. Чајлане и против сопствениците ќе бидат поднесени соодветни кривични пријави.

Кои се бугарските газди на „Иловица“ поради кои Заев од Струмица ја загуби еколошката свест?

Ивона Петрова — Fri, 25 Dec 2020 10:13:31 +0000

Прашањето за Иловица е прашање за опстакок на Источна Македонија. Отворањето на овој рудник ќе значи уништување на целиот крај таму, односно еколошка катастрофа. Затоа и еколошките здруженија и жителите на овој крај се против отворање на рудникот, пишува Република. Политичката заднина на еколошката катастрофа на повидок ја открива потпретседателот на ВМРО-ДПМНЕ Александар Николоски. -Кога му требаа политички поени, Зоран Заев беше против отворањето на Иловица и Владата им ја одзеде концесијата на сопствениците. Еуромакс, тогашниот сопственик на Иловица се жалеше пред Управниот суд и изгуби и Вишиот управен суд реши да пресуди во корист на Еуромакс, но само откако се промени соственицата на Еуромакс. Оттогаш Зоран Заев го нема збор да каже дали се уште е против отворање на Иловица, зашто тој, како и јас, е носител на ИЕ 4, а ова е дел од ИЕ4, рече Николоски синоќа во гостување на ТВ Алфа. Николоски приложи документ од македонската влада од 15 април 2019 година, во којшто пишува дека Комисијата за заштита на конкуренцијата примила известување за регистрација со којашто друштвото „Галена рисорсес еквитис лимитед“ со регистрирано седиште на Кајманските Острови ќе се стекне со контрола над Еуромакс лимитид, регистрирана во Канада. По влегувањето на „Галена“ во „Иловица“, таа се стекнува со 53% од вкупните акции. Европската банка за обнова и развој има 7% од акциите, Ричард Грифитс и Ениксон партнерс исто така по 7%, Ричмонд капитал 4% и менаџментот нешто помалку од 4%.

Акционерската структура на „Иловица“: Галена ЛТД е сопственик на 53% од акциите

Рудникот Иловица преку ноќ доби дозвола за работа откако беше продаден на фирма со седиште на Кајмански Острови, а директор стана син на познат бугарски бизнисмен.

Фирмата Галена ЛТД, која е сопственик на Иловица, е регистрирана во оваа куќа на Кајманските Острови, заедно со уште 20.000 фирми

Во оваа куќа е регистриран сопственикот на Иловица. Во неа се регистрирани уште 20 илјади фирми. Своевремено поранешниот претседател на САД Барак Обама рече дека или се работи за најголемата куќа на светот или за добро осмислена шема за перење пари и финансиска девастација, потсетува Николоски. Николоски објави нов документ во кој пишува дека „Галена еквитис“ ЛТД е контролирана и менаџирана од „Галена асес менаџмент“ и нејзин основен бизнис е да инвестира во купување долгови и акции во касна фаза на мали и средни компании кои понатаму ќе се развиваат во делот на истражување природни ресурси и рударство.

Што прави Владата?

-Владата му ја одзема концесијата на Еуромакс. Еуромакс влегува во долгови и оваа фирма го купува за беспари, објаснува Николоски. Економските интереси на Галена еквитис ЛТД, пак, се поделени меѓу „Трафигура груп“ и бугарска фирма целосно сопственост на Цоло Вутов, член на Бордот на директори на компанијата и најголем акционер во „Геотрејдинг“.

Кој е Цоло Вутов?

Цоло Вутов е еден од најбогатите луѓе во Бугарија, сопственик на рудници, близок со речиси сите власти во Бугарија. Откако Галена асет менаџмент станува сопственик на 53% од акциите на Иловица, за директор во Иловица Цоло Вутов го поставува својот син Иван Вутов.

Иван Вутов поставен за директор на Иловица

-Откако таткото, најверојатно, станува сопственик на Иловица, го става синот во Бордот на директори. Велам најверојатно, зашто се работи за шема на даночни раеви, па тешко се стигнува до крајот. Но, ако сум можел јас да истражам олку, македонските власти можат многу повеќе, објаснува порпретседателот на ВМРО-ДПМНЕ. Николоски коментира дека одеднаш откако Цоло Вутов станува сопственик на Иловица, а Иван Вутов директор, концесијата на рудникот не е спорна, а Зоран Заев оттогаш не спомнал дали е за или против отворање на овој рудник. -Добро е Заев да одговри дали се уште е против отворање на рудник, зашто во кампањата беше против. Значи, луѓето гласале за него, а ако сега е за отворање рудник, значи ги излажал луѓето. Јас и во кампања велев дека сум против и сега велам дека сум против, нагласи Николоски.

Муцунски на средба со Здружението на сопствениците на деловен простор во ГТЦ: Градскиот трговски е лошо управуван и менаџиран

Тале Кристо — Tue, 30 Jun 2020 11:34:37 +0000

Денеска остваривме средба со претставници на Здружението на сопствениците на деловен простор во ГТЦ кои ни ги презентираа проблемите со кои се соочуваат секојдневно, а во врска лошото управување и менаџирање на градскиот трговски центар, но исто така ги слушнавме и искрените заложби на сопствениците за организирање на заедница на сопственици преку која уредно би се раководело одржувањето на ГТЦ. Во насока да им помогнеме на бизнисите кои од оваа криза се мачат да егзистираат, со обновата предвидуваме основање на „Центар за поддршка на бизнис-заедницата“, кој ќе биде големо олеснување за малите и средните претпријатија, да се намалат административните процедури и да добијат поддршка за подобро искористување на сопствените ресурси и пласманот на своите производи, вели во својата објава на социјалната мрежа на Фејсбук кандидатот за пратеник од редовите на ВМРО-ДПМНЕ во ИЕ1 Тимчо Муцунски.

Беџети: Платежни картички од Владата добија и членови на семејства на сопственици на компании

Тале Кристо — Wed, 17 Jun 2020 19:01:12 +0000

Економистот и академик Абдулменаф Беџети вели дека платежни картички која Владата ги додели за поддршка за најпогодените граѓани од економската криза која на предизвика пандемијата со корона вирусот, ја добиле и членови на семејства на сопственици на компании. Тој во емисијата „10 минути“ истакна дека бројката на лица кои се дел од семејства на сопственик на компанија и кои добиле платежна картичка од Владата е голем. Тој потенцираше дека сопруги или деца на сопственици на компании се вработени во тие компании со минимална плата само за да имаат здравствено и пензиско осигурување, и по тој основ тие и добиле платежна картичка која за нив е незначителна и со која ги исмеваат институциите. - Има големи пропусти во реализацијата на субвенциите од третиот пакет економски мерки. На пример, една од субвенциите што сега се даваат се платежните картички и главен критериум на картичките е, тие што имаат примања до 14.500 денари. Но и членовите на семејстават на сопственици на компании кои се вработени, кои можеби не се на активна работа, но се вработени за да имаат пензиско и здравствено осигурување, ги земаат тие плати. Дали се членови на семејство како сопруги, деца сопственици на компании и тие имаат добиено платежни картички. Тоа е смешно, траги-комично. Значи во ниту еден случај не требаше да се дозволи, во процесот на селекција, не знам точно колку се, но знам дека се многу. И сега да се случи да земат и тие кои што на еден или на друг начин немаат потреба, не се зависни. За нив тоа не е некоја добивка, апсолутно никаква, дури се и смешни. Се зафркаваат со институциите, рече Беџети. Тој појасни дека сето ова покажува дека планирањето од страна на Владата за третиот пакет економски мерки, не е направено врз основа на анализите. Беџети исто така констатираше дека економските мерки на владата за поддршка на економијта, особено од третиот пакет, заглавија во реализацијата поради тоа што имаме некапацитетни и нефункционални институции.