сос – Kurir.mk

Пилешко со зеленчук во сос

Ивона Петрова — Thu, 05 Oct 2023 18:34:01 +0000

Пилешко кое се топи во устата. Состојки: 400 гр пилешко бело месо една главица свежа брокула 150 гр рендан кашкавал сол, бибер, лук 2 лажици презла Сос: 50 гр путер 2 лажици брашно 600 мл млеко 150 гр кашкавал сол, бибер, морско оревче по желба 200 мл крем за готвење Подготовка: Брокулата исчистете ја и одделете ја на помали парчиња, ставете ја да се вари пет минути во зовриена солена вода. За тоа време пилешките гради исецкајте ги на коцки и пропржете ги на путер. Подгответе го сосот. Во путерот се пропржува брашното, се трга од оган и се додава млекото со постојано мешање да не се формираат грутчиња. Додадете ги кремот за готвење и кашкавалот, зачинете и варете на тивок оган додека не се згусне. Намачкајте длабок сад со путер и посипете со презла. Брокулата и пилешкото измешајте ги и ставете ги во сад. Прелијте го готовиот сос, а на крајот посипете со рендан кашкавал. Печете 20 минути во рерна загреана на 200 степени.

Ова е оригиналниот рецепт за бешамел сос

Ристе Здравков — Fri, 08 Sep 2023 14:00:59 +0000

Лазањите, тестенините, како и зеленчукот и разните видови месо често е невозможно да се замислат без бешамел сос. Иако се чини дека начинот на подготовка е лесен како пердув, особено кога имате проверен рецепт, многу домаќинки се жалат дека овој сос добива горчлив вкус. Тоа најчесто се случува затоа што дозволуваат млекото да зоврие, па тогаш во него се сипаат растопен путер измешан со брашно, што веќе бил термички обработен. Тоа се две клучни грешки поради кои бешамелот станува невкусен, а понекогаш дури и нејадлив. За да биде бешамелот кремаст, мазен и со неутрален вкус, важно е во садот со путер и брашно постепено да го сипете добро загреаното млеко. Исто така, температурата на ринглата не смее да биде на максимум; во спротивно брашното ќе почне да горчи. На крај, за бешамелот да биде кремаст, треба постојано да го мешате, како и повеќето други сосови што содржат брашно. Состојки: – 800 мл млеко – 2 лажици брашно – 70 г путер – сол, бибер, морско оревче (по избор) Подготовка: Во тенџере ставете го путерот што отстојал на собна температура, па растопете го на тивок оган. Потоа додајте две лажици брашно и благо мешајте за да се соединат путерот и брашното. Во друго тенџере сипете го млекото, па загрејте го на ринглата. Тргнете го садот од шпоретот пред да зоврие млекото. Во тенок млаз, полека сипајте го млекото во садот со путерот и брашното, цело време мешајќи со лажица за готвење или жица за матење. Температурата на ринглата треба да биде на јачина три ако максималната јачина е 10. Немојте да го ставате целото млеко одеднаш. Тајната на кремастиот бешамел е во постепеното додавање млеко во путерот и брашното. Кон крајот на готвењето, во сосот сипете сол, свежо мелен бибер и по желба свежо рендано морско оревче.

ПИЛЕШКО во СОС од ЛИМОН! Брзо се подготвува, а уште побрзо се јаде!

Ристе Здравков — Mon, 22 May 2023 12:38:06 +0000

Овој рецепт користи едноставни состојки, како свеж сок од лимон, маслиново масло и магдонос, кои се комбинираат за да создадат вкусен сос кој совршено оди со печено пилешко… Состојки: пилешко филе (по желба исечено на шницли) половина шолја свежо исцеден сок од лимон четвртина шолја маслиново масло 2 чешниња лук, ситно сецкани една лажичка сол половина лажичка бибер четвртина шолја ситно сечкан магдонос Подготовка: Загрејте ја рерната на 200 степени. Во поголем сад измешајте ги сокот од лимон, маслиновото масло, лукот, солта и биберот. Во садот додадете ги пилешките филети и премачкајте ги со смесата. Префрлете го пилешкото во сад за печење и печете 25-30 минути, додека не порумени и не се испече. Во меѓувреме, подгответе го сосот така што во помал сад ќе ги измешате сокот од лимон и магдоносот. Послужете го пилешкото со сос од лимон и уживајте! Забелешка: Количината на сок од лимон можете да ја прилагодите според вашиот вкус.

Пилешко од рерна во теријаки сос: Задоволство за сите сетила

Ристе Здравков — Tue, 28 Mar 2023 10:50:31 +0000

Теријаки сосот може да се најде во повеќето продавници, а во комбинација со мед, маслиново масло, лук и сусам, ќе добиете вкусна маринада… Теријаки сосот е јапонски сос кој традиционално се користи за маринирање и глазирање храна, а се состои од соја сос, шеќер, мирин (слатко јапонско вино) и саке (јапонски алкохолен пијалок). Еве еден лесен рецепт за пилешко печено во рерна со сос од теријаки. Состојки: пилешко филе или батаци со крабатакци (може и крилца) 1/4 шолја теријаки сос 2 лажици мед лажица соја сос лажица маслиново масло 2 чешниња лук, сецкан една лажица сусам сол и бибер по вкус Подготовка: Измешајте ги теријаки сосот, медот, соја сосот, маслиновото масло, лукот, солта и биберот во сад додека смесата не се изедначи. Земете го пилешкото и ставете го во огноотпорен сад за печење. Истурете половина од смесата со сос врз пилешкото и оставете да отстои во маринадата околу 30 минути. Загрејте ја рерната на 200 степени. Посипете го сусамот врз пилешкото и печете во рерна околу 50 минути или додека не порумени. Извадете го пилешкото од рерната и оставете го да отстои неколку минути. Послужете со остатокот од теријаки сосот како прелив и уживајте! Забелешка: Овој рецепт можете да го прилагодите на вашите вкусови и потреби, на пример со додавање други зачини или зеленчук во тепсијата заедно со месото.

ПЕЧЕНИ БАТАЦИ ВО СОЈА СОС! Брз викенд ручек!

Ристе Здравков — Sun, 26 Feb 2023 14:45:34 +0000

Околу овој ручек нема многу работа, сè што треба да направите е да го маринирате месото и да го ставите во рерна… Уживајте! Состојки: килограм пилешки батаци две лажици масло лажица масло од сусам пет лажици мед четвртина шолја соја сос две лажици чили сос лажица кечап три чешниња лук малку ѓумбир сол, бибер Подготовка: Измешајте ги маслото, маслото од сусам, медот, соја сосот, кечапот, чили сосот, сечканиот лук, малку рендан ѓумбир, сол, бибер и зачини по вкус. Додадете ги батаците, покријте ги со фолија и маринирајте во фрижидер најмалку два до три часа, а најмалку половина час. Потоа исцедете ги, ставете ги во тава обложена со хартија за печење и печете во рерна на 180 степени 30 минути. Превртете го месото и печете уште половина час. Пријатно јадење!

Tzatziki без грам грчки јогурт: Густиот грчки сос кој е составен дел од секое мезе во веганска верзија

Ристе Здравков — Tue, 31 Jan 2023 13:22:07 +0000

Во Грција мезе е незамисливо без сос од tzatziki. Тоа е густ и богат сос направен од грчки јогурт или крем во комбинација со рендани свежи краставици, власец и некои зачини. Сосот одлично оди со голем број намирници – од печено месо до меки лепчиња, со маслинки и со разновиден свеж зеленчук. Дури и ако привремено – поради Vegenuary, или трајно се откажавте од консумирање храна од животинско потекло, можете да уживате во неговите вкусови. Користете растителна замена од кокос наместо густ грчки јогурт. Само погрижете се да изберете незасладен јогурт. Во спротивно, би можеле да завршите со сосема поинаков сос отколку што сакате. Состојки: 350 гр незасладен кокосов јогурт 5 гр свеж власец 3 чешниња лук 2 лажици екстра девствено маслиново масло 1,5 супени лажици сок од лимон ½ голема свежа краставица сол и бибер по желба Подготовка: Краставицата убаво измијте ја и изрендајте ја со кората. Ставете го во цедалка или чиста памучна крпа и исцедете ја вишокот вода. Исцедената рендана краставица измешајте ја со незасладен кокосов јогурт. Над смесата изрендајте го лукот и сè зачинете со малку сол, сок од лимон и ситно сечканиот млад лук. Додадете квалитетно екстра девствено маслиново масло во сосот за дополнителна доза на декаденција. Послужете веднаш или ставете го во фрижидер да се стегне. Добар апетит!

Пилешко во сос од куркума! Ручек за целото семејство

Ристе Здравков — Tue, 31 Jan 2023 13:19:50 +0000

Доколку сте љубител на месо, ви препорачуваме да направите пилешко во сос од куркума и ќе имате неодолив ручек. Состојки: 400 гр пилешко бело месо 200 мл јогурт една лажичка сенф една лажичка куркума половина лажичка коријандер магдонос сол, бибер Подготовка: Пилешкото исечете го на крупни парчиња и испржете го во тава со многу малку масло. Кога ќе зарумени од сите страни, додадете го јогуртот, измешајте ги сенфот, солта и побиберете по вкус и додадете ги куркумата и коријандерот. Промешајте да се соедини сè, намалете ја топлината и динстајте уште малку за да добиете кремаст сос со месото. Кон крајот на динстањето посипете со сечкан магдонос. Послужете со ориз или варен компир. Пријатно!

ПИЛЕШКО ВО БЕЛ СОС! Добро оди со паста или ориз

Ристе Здравков — Tue, 24 Jan 2023 12:54:36 +0000

Направете вкусно пилешко во сос и ќе имате одличен ручек за целото семејство. Состојки: 500 гр пилешко бело месо главица кромид две чешниња лук бибер 2 дл павлка за готвење сечкан магдонос по желба сол, бибер Подготовка: Кромидот и лукот исечкајте ги и кратко продинстајте ги на масло, па додајте го пилешкото кое сте ги исечкале на коцки. Истурете малку вода и сè заедно динстајте додека месото не биде готово. Зачинете по вкус, истурете ја павлаката и оставете уште малку да се крчка и соедини. Додадете магдонос и послужете со тестенини, ориз или компири. Пријатно!

Најдобар е домашен: Рецепт за сос од домати

Ристе Здравков — Tue, 10 Jan 2023 08:09:47 +0000

Оди со сѐ. Состојки: 200 мл сок од домати 2 лажици масло 1 лажица брашно 1 лажичка шеќер малку сол малку пипер Подготовка: На загреаното масло пропржете го брашното, додадете ја пиперката, па истурете со сокот од домати и варете уште 3 минути додека мешате. Додадете сол и шеќер и варете уште неколку минути, до саканата густина.

Вкусот ќе ве воодушеви: Сос од краставици

Ристе Здравков — Thu, 01 Dec 2022 21:21:41 +0000

Лесно се подготвува Состојки: 3 краставици 180 гр јогурт 3 чешниња лук 1 лажица маслиново масло сол по вкус ако е потребно, мајчина душица Подготовка: Излупете ја, измијте ја и ситно изрендајте ја краставицата. Исцедете ја ренданата краставица (земете ја со рака и исцедете ја целата течност што ја испуштила краставицата). Исцедената краставица се става во длабок сад, се додава јогуртот, маслиновото масло, „изгмечениот“ лук и се меша. Потоа, додадете мајчина душица, сол по вкус и измешајте да се соединат состојките. Префрлете се во сад за сервирање. Украсете со прстени од краставица. Добро изладете го сосот пред послужување.